Sunda hi suma hi Levi-nid’a 9:22 - Bible azumeina

²² Kid’a Aron abom dap he vama ngat buzu ma zlup yam tchod’a ki ma ngala ki ma zlap darigïd’a dapma, mi yo abom akulo yam suma, mi b’e vunam kaziya. Bugola, mi tchugï asem kä woi yam yima ngal ahle suma ngat buzuna.

Sunda hi suma hi Levi-nid’a 9:22 Iomraidhean Croise

1 Amuleina 8:55

Mi tchol akulo, mi b’e vunam yam Israel suma a nga tokina pet ki delem akulo ala:

1 Sunda Hamuleinid’a 23:13

Amram groma ba wana: Aron ki Moise. A tin Aron azi ki groma ki irazi fafat á kak suma a tinizi irazi vazina á ngal dubang ma his djivid’ina avok Ma didina, á le sun mamba, á b’e vuna yam suma ki simiyêm burâ ki burâ mi.

2 Sunda Hamuleinid’a 6:3

Israel-lâ pet suma a nga toka ata yi mámina a tchol akulo. Amulâ Salomon mi mbut iram irazi mi b’e vunam kaziya.

Sawal la giled’a 72:17

Ar simiyêm mi yï didin, ar simiyêm mi yï yam andagad’a gak dabid’a hatchogoid’id’a. Ar suma a b’e vuna yam tazi ni ki simiyêmu, ar andjaf suma pet a yum ala amul ma furîd’a!

Buzuk ka Abud’a 39:43

Moise mi gol sun ndata pet, mi wat wani, a lat ni d’igi Ma didina mi hum vuna na. Ata yi máma mi b’e vunam kaziya.

Ndumba 6:22

Ma didina mi de mi Moise kua ala:

Marik 10:16

Wani mi yozi akulo ahlabamu, mi tin abom kaziya, hina mi b’e vunam kazi mi.

Wana ni Zla d’a Djivi d’a Luc mi b’irita 24:50

Bugola, Jesus mi i ki sum mama woi bugol azina gak go ki Betani, mi yo abom akulo, mi b’e vunam kaziya.

Sunda hi suma a sunuzinid’a 3:26

Kid’a Alona mi tchol azong mama akulo aduk suma matnid’a, mi sunumï atagi adjeu tala nge nge pî adigagi mi ar tcho mamba woi Alona mba mi b’e vunam kamu d’a.

Gat ta a hat á mbàd’id’a 10:8

Ni kur atchogoi ndata ba, Ma didina mi tin andjafâ hi Levi-na iram vam á zi zanduk ma vun mam ma djinda mi nga kuana, á tchol avorom á lum sunda, á b’e vuna yam suma ki simiyêm mi. Wana ni sun nda a lat kur bur mamid’a, a nga lat gak ini mi.

Gat ta a hat á mbàd’id’a 21:5

Ata yi máma suma ngat buzu suma andjafâ hi Levi-na a hud’ïya. Ni azi ba, Ma didina Alo magina mi manazi á le sun mamba, á b’e vuna ki simiyêmu. Ni azi ba, a min zla d’a tugiyo ndata ki zla d’a tchi mat ndata pet mi.

1 Pierre 3:9

Agi hulongôgi tchod’a kayam tchod’a d’i, ar agi hulongôgi ngula yam ngula d’uo mi. Wani agi b’agi ni vuna kaziya, kayam ata yima Alona yagina, mi hle vunam ala mam mba mi b’e vunam kagiya.