Sunda hi suma hi Levi-nid’a 7:34 - Bible azumeina

³⁴ Kayam an hle didik ma a gazam akulona kab’al ma ndjufâ hi vama ngat buzu ma zlap darigï ma Israel-lâ a handjina, an hazi ni mi ma ngat buzuna Aron azi ki groma. B’rau ndata arî gat ta didin nda yam b’rau d’a Israel-lâ a mba hazizid’a.

Sunda hi suma hi Levi-nid’a 7:34 Iomraidhean Croise

Buzuk ka Abud’a 29:26

Ang hle didik gamlâ ma mbà ma ang tin ki Aron iram vama, ang hlum abong akulo, ang tagam abo hî, ang tagam abo hî avogonu. Wana ni b’rau manga.

Buzuk ka Abud’a 29:9

Ang d’ak Aron azi ki groma furuzi ki talina, ang d’ud’uzi kadamula kazi mi. Sun nda ngat buzuna ti arî mazid’a, ti arî gata kazi gak didin. Ni hina ba, ang tin Aron azi ki groma kur sun ndata.

Sunda hi suma hi Levi-nid’a 3:17

Kayam ndata, ata yima lara ma agi mba kagagi kuana, agi mba tagi mbul loze buzuna d’uo mi. Zla ndata ti arî gat ta didinda yam andjavagi pet.

Sunda hi suma hi Levi-nid’a 7:33

Sama aduk Aron groma ma mba mi he buzuna ki mbulâ hi vama a hum vama ngat buzu ma zlap darigïd’ina, ab’al ma ndjufâ hi va mámina mi arî b’rau mamba.

Ndumba 5:9

He d’a hawa d’a a tinit irat vat ta Israel-lâ a pad’at aduk he d’a hawa d’a a nga hata pet ni hi ma ngat buzunid’a.

Ndumba 6:20

Ma ngat buzu máma mi gazazi akulo avogon an Ma didina. Nahle suma a tinizi irazi vazina; a arî hi ma ngat buzunina zlapa kab’alâ ki didi’â suma a gazazi akulo ndazina. Ata yi máma ma tin tam irat vat á le sun nda Nazir-ra máma mi ndak á tche süm guguzlud’a.

Ndumba 8:11

Aron mi tagazi akulo avogon an Ma didina d’igi he d’a hawad’a hi Israel-lîd’a na, mi tinizi irazi vazi kur sun manda.

Gat ta a hat á mbàd’id’a 18:3

Wana ni b’raud’a hi suma ngat buzuna d’a suma a hahle suma ngat buzuna a mba hazizid’a: Le namuhlâ d’oze timina ni, a mba he ma ngat buzuna bigid’a ki piplengâ ki bibirina mi.