Sunda hi suma hi Levi-nid’a 7:30 - Bible azumeina

³⁰ Ar mi yoï vama mam hum vama ngat buzu ma ngala mi an Ma didinina ni mam tam kabom avogonu, nala, mbulâ ki didi’â, kayam mi gas didik máma akulo avogonu.

Sunda hi suma hi Levi-nid’a 7:30 Iomraidhean Croise

Sawal la giled’a 110:3

Kur bur ma ang tok b’rang mangina, mang suma huruzi vangâ a tap ki sed’eng mi, gro azungeî mangâ a mba mba geveng yam ahuniyô suma a tinizi irazi vazina d’igi mbad’ïd’a ti ge pipir na.

Sunda hi suma hi Levi-nid’a 10:14

Didi’â kab’alâ suma a gazazi akulona, agi ki grong suma andjofâ ki suma aropma agi mud’ugizi ata yima tu ma a tinim iram vama, kayam ni b’rau d’a hagizi mi agi ki grongâ aduk ahle suma ngat buzu suma zlap darigïd’a hi Israel-lîna.

Sunda hi suma hi Levi-nid’a 10:15

Israel-lâ a mba mba ki mbul ma a ngalam mbeina, a mba mba kab’alâ ki didi’â suma a mba gazazi akulo avok Ma didinina mi. Ahle ndazina a mba arî b’rau magid’a agi ki grongâ; ni gat ta didinda d’igi Ma didina mi he vuna na.

Sunda hi suma hi Levi-nid’a 3:14

Mi mba mi he hliu ma a tinim iram vam wana he d’a hawa d’a ngala mi an Ma didina: Mbul ma yam aruwatnina ki mbul ma atama pet,

Sunda hi suma hi Levi-nid’a 3:9

Ata vama ngat buzu ma mam hum mi an Ma didina ma ngal ma zlap darigï máma, mi yo mbulâ, andjau d’a ngad’ad’ï avun angorîd’a ki zlat pet, mbul ma yam aruwatnina ki mbul ma atama pet,

Sunda hi suma hi Levi-nid’a 8:27

Mi hazi abo Aron azi ki groma ala a gazazi akulo avok Ma didina.

Sunda hi suma hi Levi-nid’a 8:29

Moise mi hle didik gamlâ ma a tin ki sana kur sun nda ngat buzunid’a, mi gazam akulo avok Ma didina; didik máma mi arî b’raud’a hi Moise-sa d’igi Ma didina mi hum vuna na.

Sunda hi suma hi Levi-nid’a 9:20

A tchugum ahle suma mbul ndazina kä yam didi’â. Aron mi ngalazi woi yam yima ngal ahle suma ngat buzuna,

Sunda hi suma hi Levi-nid’a 9:21

mi gas didi’â kab’al ma ndjufâ akulo avok Ma didina d’igi mi he vuna mi Moise na.

Ndumba 6:20

Ma ngat buzu máma mi gazazi akulo avogon an Ma didina. Nahle suma a tinizi irazi vazina; a arî hi ma ngat buzunina zlapa kab’alâ ki didi’â suma a gazazi akulo ndazina. Ata yi máma ma tin tam irat vat á le sun nda Nazir-ra máma mi ndak á tche süm guguzlud’a.

Ndumba 8:11

Aron mi tagazi akulo avogon an Ma didina d’igi he d’a hawad’a hi Israel-lîd’a na, mi tinizi irazi vazi kur sun manda.

Jean 10:18

Sana nga kad’enga á tchan ndi, wani an tanda nga ni he tan ndei á matna. An nga kad’enga á he tan ndeyo, an nga kad’enga á tchol tan akulo mi. NAbun ba, mi han vun ma he máma.

2 Korente-na 8:12

Le sana mi min he vama nga aboma kur min mamba ni, ni he d’a hawa d’a Alona mi minita, nga ni vama nga abom mbuo na d’i.

Gat ta a hat á mbàd’id’a 18:3

Wana ni b’raud’a hi suma ngat buzuna d’a suma a hahle suma ngat buzuna a mba hazizid’a: Le namuhlâ d’oze timina ni, a mba he ma ngat buzuna bigid’a ki piplengâ ki bibirina mi.