Sunda hi suma hi Levi-nid’a 5:4 - Bible azumeina

⁴ Le sana mi de zla d’a lasa mi gun tam yam zla d’a lara d’a tchod’a d’oze d’a djivid’a bei mi wat ba, le mi wat ad’ut bugolo ni, zlad’a nga kamu.

Sunda hi suma hi Levi-nid’a 5:4 Iomraidhean Croise

2 Samuel 21:7

Amulâ David mi keng Mefibäl Jonatan gorom ma Saul gorom ngolonina woyo, kayam gun nda azi gun tazi avok Ma didina ki Jonatan ma Saul goromina.

2 Amuleina 6:31

Mi er ad’um akulo ala: Le yam Elise Safat goroma bur ini bei ngata ni, Alona mi mban ndak ka ngol la kala kanu!

Sawal la giled’a 106:33

Ata yi máma a zal hur Moise, mi dazi zla d’a ndak nga á ded’a d’uo d’a.

Sunda hi suma hi Levi-nid’a 5:13

Mi le ki sa máma ni hina dedege á zlup yam tcho mam mba mi lat kur ahle ndazinid’a. Hina wani, an Alona mba ni vat hurun ndei yam tcho mamba. Afuta ad’ut ta ara ti arî hi ma ngat buzunid’a.

Sunda hi suma hi Levi-nid’a 5:3

Le sana mi do vama ndjendje ma tchol ata sanina bei mi wum ba, le mi wad’ud’a bugolo ni, zlad’a nga kamu.

Ndumba 30:6

Wani le bur ma abut mi hum zla ndatina mi min nga kua d’uo ni, vun mat ma hled’a pet kahle suma ndat ti he tat kazi suma ti gun tat kazina pet, ti le sunda kazi d’i, wani Ma didina mba mi vat hurum mbei kad’u, kayam nabut ba, mi min nga kua d’i.

Ndumba 30:8

le ndjuvut mi hum zla ndata, mi dat nga zla kur bur ma mam hum zla ndatina d’uo ni, vun mat ma hled’a pet kahle suma ndat ti he tat kazi suma ti gun tat kazina pet, ti le sunda kaziya.

Matiye 14:7

Mi gunut tam ala ti le tchenem ni me pî, mam mi hattchiya.

Matiye 14:9

Amulâ hurum b’lak ngola heî, wani kayam gun nda mi gun tam avok suma mi yazi ata yima tenina, mi he vuna a hattchiya.

Marik 6:23

Mi gunut tam ala: Ndak le tchenen ni me pî, an haksiya; le nabo leu manda pî an haksiya.

Sunda hi suma a sunuzinid’a 23:12

Kid’a yina mi fo dad’a, Juif-fâ a tok taziya, a gun tazi ala azi mba te d’oze tche va d’i gak azi tchi Paul mbeî tua.

Josue 2:14

Sum ndazina a dat ala: Le ndak dami nga zlami woi d’uo ni, ami arami go á hami tami kagiya. Fata Ma didina mi hami ambasid’a, ami mba lak djivid’a ki d’engzenga mi.

Josue 9:15

Josue mi djin vunam ki sed’ezi yam halasa ala a lazi va d’i. Suma nglo suma avok sumina a gunuzi tazi mi.

Suma ka sariyad’a 11:31

kur hulong man nda avo ki furîd’id’a, sama lara ma mi ndeï avo hatan avok kikidji á d’ugulona, an mba ni tinim iram vam mi ang Ma didina, an ni hangzi vama ngat buzu ma ngala.

Suma ka sariyad’a 21:18

Hina pet pî, ei ndak á hazi gurei suma aropma ndjufâ d’i, kayam ei guni tei ala: Ar Ma didina mi ge vuna mi sama Israel ma mba mi he goromba ndjufâ mi suma hi Benjamin-nina.

Suma ka sariyad’a 21:7

Ei lei ni nana ba, ei mba fei aropma mi suma a arâ ge? Kayam ei guni tei avok Ma didina ala: Ei hazi gureina ndjufâ d’i.

Suma ka sariyad’a 9:19

Le agi lagi hina kur bur máma ni ki hur ma tuna ki gagazid’a mi Jerubäl ki sum máma ni, Abimelek mi lagi tagi djivid’a, agi tagi pî lum tam djivid’a mi.

1 Samuel 1:11

Ti hlum vunat ala: Ma didin ma ad’engêm kal petna, le ang wan hohou manda gagazi, le ang djib’er kan ang maran nga d’uo, le ang han gorâ ni, an mba ni hangzi á le sun manga ki iram fafat. Wani sa mba mi welem yam mbuo mi.

1 Samuel 25:22

Le an ar Nabal va mam mboze sa mam bei tchid’a gak ndjivin yorogo ni, ar Alona mi kan sariya d’a ngola kanu.