Sunda hi suma hi Levi-nid’a 27:28 - Bible azumeina

²⁸ Wani vama sana mi tinim iram vam mi an Ma didina ki iram fafatna, sana mi ndak á guzum mbei d’oze wurak kam mbei d’i. Le ni sana d’oze d’uwarâ d’oze asine ma a humzi djonina pî, ahle suma a tinizi irazi vazi mi an Ma didina ki irazi fafat ndazina pet, a mbut nahle suma a tinizi irazi vazi ki irazi fafatna.

Sunda hi suma hi Levi-nid’a 27:28 Iomraidhean Croise

2 Sunda Hamuleinid’a 31:14

Kore Jimna gorom ma ad’u andjafâ hi Levi-na ni ma ngom vun agrek ma abo ma yorogonina, ni ma nga mi ve he d’a hawa d’a sana mi hat kur min mamba mAlonid’a, ni ma nga mi b’rau he d’a hawa d’a a gazat akulo avok Ma didinid’a kahle suma a tinizi irazi vazi suma kal teglesâ mi sumina.

Buzuk ka Abud’a 22:20

Sama ar an Ma didina woi ta ba, mi hahle suma ngat buzuna malo ma dingîna, mbeî agi tchum mbeyo.

Ezekiyel 44:29

Azi mba wul tazi ni ki he d’a hawa d’a afuta kahle suma ngat buzu suma yam tchod’ina kahle suma ngat buzu suma yam vat hurîna mi. Ahlena pet suma a tinizi irazi vazi yam an Ma didinina, a mba arî mazina mi.

Ezekiyel 48:14

Azi ndak á gus abo andaga ndata woi d’i, azi ndak á mbud’ut ki ndrat ta dinga d’i, azi ndak á hat mi sama ding nguo mi, kayam ndat nabo andaga d’a djivi d’a kal la hi Israel-lîd’a pet. Ni yima a tinim iram vam mi Ma didinina mi.

Sunda hi suma hi Levi-nid’a 21:22

Mi ndak á te te ma a tinim iram vam ma kal teglesâ ki ma a tinim iram vam mi an Alo mamina.

Sunda hi suma hi Levi-nid’a 27:21

fata biza d’a ngol la furîd’a ndaka, asine máma mba mi arî hi an Ma didinina, mba mi mbut ni hi suma ngat buzunina d’igi asine ma a tinim iram vam mi an Ma didina ki iram fafatna na.

Sunda hi suma hi Levi-nid’a 27:27

Le ni d’uwar ma ndjendjed’a, le salama mi min á hulong wurak kam kua ni, mi wurak gusa hi va mámid’a, mi hle bege d’a ding nga ndak ir gusa hi va máma d’a ma ngat buzuna mi ngata, mi walat kä ad’u vahl, mi hle tu, mi tinit yam gusa hi va mámid’a kua. Le mi wurak kam mbuo ni, ma ngat buzuna mi guzum mbei ki sama dingâ ki gus sa mam ngata.

Sunda hi suma hi Levi-nid’a 27:29

Sama a tinim iram vam mi an Ma didina ki iram fafatna, sana mi ndak á wurak kam mbei d’i, wani a tchumî woyo.

Ndumba 18:14

Ahle suma Israel-lâ a mba tinizi irazi vazi mi an ki irazi fafatna, a mba arî mangâ.

Matiye 25:41

An mba ni de mi suma yam bigan nda gulad’ina ala: Agi suma Alona gagi vunina, agi hud’ugi sä geven ndei dei, agi igi aduk aku d’a didin nda a minit yam diable azi ki malaika mamid’a.

Romê-na 9:3

An tan min ala le ni vama nda’â ni, an mbut sama vun ma ged’a hAlonina kama á wal lei ki Christ yam b’oziyon suma ala nandjavanu na.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Galat-na 3:13

Ata yima Christ mi mbut sama Alona mi gum vuna keina, mam pad’ei woi ad’u vun ma ge ma gata ti geizina. Kayam mbaktumba hAlonid’a ti dala: Sama a gabam akulo ata agunina, ni sama Alona mi gum vunina.

Gat ta a hat á mbàd’id’a 25:19

Wani fata Ma didina Alo magina mi prud’ugiya wa woi abo magi suma djangû suma á nguyugina, mi hagiya wa tuk tad’a kur ambas sa mam nga mi hagizi agi á tat djona á te kat wanda ni, agi tchagi simiyê suma Amale’â woi yam andagad’a. Ar agi maragi yam zla ndata d’i.

Gat ta a hat á mbàd’id’a 7:26

Ar agi kalagi vama ndjendjed’a avo hatagi tala agi mbud’ugi ndak b’laka d’igi va máma na d’a d’i. Ar agi b’lagam mbeyo, agi golomî vama ndjendjed’a, kayam nahle suma a he vuna kazi á b’lagazi woina.

Josue 6:26

Ata yi máma Josue mi dazi zlad’a kad’enga ki gun tad’a yam Jeriko ala: Ar Ma didina mi ge sama mi min á min azì ma ngol ma Jeriko-na akulona vuna. Mba mi gum ad’umî ki mad’a gorom ma ngolâ, mba mi dugum vunam akulo ni ki mad’a gorom ma gorâ mi.

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

Josue 7:25

Josue mi de mi Akan ala: Ni ang ba, mba ki ndaka kamiya. Ki tchetchemba, Ma didina nga mi mba ki ndaka kang mi. Ata yi máma Israel-lâ a durum kahinad’a, a tchumu, a dur sum mama kahinad’a mi. Azi ngalam ahle mama woi pet mi.

Suma ka sariyad’a 21:11

Vama agi mba luma ba wana: Agi tchagi andjofâ karop suma a zlap kandjofîna mi woi pet bei ar sa tu ba.

Suma ka sariyad’a 21:18

Hina pet pî, ei ndak á hazi gurei suma aropma ndjufâ d’i, kayam ei guni tei ala: Ar Ma didina mi ge vuna mi sama Israel ma mba mi he goromba ndjufâ mi suma hi Benjamin-nina.

Suma ka sariyad’a 21:5

Israel-lâ a dala: Aduk Israel-lâ pet, andjaf ma mi i nga aduk toka avok Ma didina d’uo na ni ma lara ge? Kayam ei guni tei avok Ma didina avo Mispa ala: Andjaf ma mi i nga d’uo na, ei tchum mbeyo.

1 Samuel 15:18

Wani Ma didina mi tagang lovot ta ang tit kuad’a, mi sunung ala ang b’lak Amalek suma tchona woyo, ang duruzi ayîna gak ang b’lagazi woi kakaf.

1 Samuel 15:3

Ki tchetchemba, ang i atazi durâ, ang b’lagazi woi kahle mazina pet bei we hohou sa ba; andjofâ karopma ki gugurei suma abo asuyozina, amuzleina ki tumiyôna, djambala ki korona, ang tchazi woi pepet.