Sunda hi suma hi Levi-nid’a 26:7 - Bible azumeina

⁷ Agi mba digigi magi suma djangûna; azi mba puk kä avorogi abo mbigeu magi d’a fiyaka.

Sunda hi suma hi Levi-nid’a 26:7 Iomraidhean Croise

1 Sunda Hamuleinid’a 19:15

Kid’a suma Amon-na a we suma Siri-na a wet ringâ hina d’a, azi tazi a wet ringâ avok Abisai Jowap wiyema mi, a tchuk avo hataziya. Jowap mi hulong avo Jerusalem.

Ester 9:16

Juif suma a nga abu kur leud’a hamulîd’ina, a tok tazi yam tazi á dur ki mazi suma djangûna, a tchi mazi suma djangûna 75.000, wani a hurumuzi nga ahligiyezi d’i.

Sawal la giled’a 81:15

an hulongôzi wa mazi suma djangûna yazi kä ad’uzi atogo zak, an mbut wa iran á dur ki suma a nga lazi ndakina.

Sunda hi suma hi Levi-nid’a 26:36

An mba ni mbut suma ar adigagi suma a mba kak yam ambasa hi mazi suma djangûnina mandarâ kagilam. Ni simet ma mba mi sir hum agunina go ba, mba mi digiziya. Azi mba ringî d’igi suma a ring avok ayî ma durîna na, a mba puk kä bei sa mi digizi ba mi.

Sunda hi suma hi Levi-nid’a 26:6

An mba ni mba ki b’lenga halasa kagiya; agi mba burugi sena bei va mbud’ugi mandarâ ba. An mba ni dap amburei suma ayîna woi kur ambas magid’a; sa mba mi mba á dur ayîna kur ambas magid’a d’i.

Sunda hi suma hi Levi-nid’a 26:8

Suma vahl adigagina a mba dik suma kisâ, suma kis adigagina a mba dik suma 10.000; magi suma djangûna a mba puk kä avorogi abo mbigeu magi d’a fiyaka.

Gat ta a hat á mbàd’id’a 28:7

Fata magi suma djangûna a tchol dur ayîna ki sed’egid’a, Ma didina mba mi hagi ad’enga á kus kaziya. Azi a mba mba atagi á durâ ni kur lovot ta tud’a, wani azi mba ring avorogi ni ki lovota teteng kid’iziya.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?

Josue 23:10

Sama tu ma adigagina nga mi dik suma dubuna, kayam ni Ma didina Alo magina ba, mi dur suma kagi d’igi mi hlagi vunam na.

Suma ka sariyad’a 15:15

Mi fe pepleng koro ma mit kä awilina, mi nik abom mi hlumu, mi tchi suma ki sed’em dubu.

Suma ka sariyad’a 4:16

Barak mi dik ad’u pusâ ki azigarâ gak a mbaza Haroset-Goyim; a tchi azigarâ hi Sisera-na woi ki mbigeu d’a fiyaka pepet bei sa sut tu ba.

Suma ka sariyad’a 7:23

Israel suma hi Neftali-na, suma hi Aser-râ ki suma hi Manase-na pet a tok tazi a nga dik ad’u suma Madiyan-na.

1 Samuel 14:13

Jonatan mi djak akulo yam ahinad’a ki dramba, azong mama nga mi i blogomu. Filistê-na a nga puk kä abo durâ hi Jonatan-na, azong mama nga blogom nga mi dogoziya.