Sunda hi suma hi Levi-nid’a 26:31 - Bible azumeina

³¹ An mba ni mbut azì magi ma nglona azì ma gureina, djona mba mi ar gevegi girib’ing. An mba ni pleî yi magi ma agi tinindji iram vama woyo, an mba ni his ahle magi suma his suma afufuîna d’uo d’a.

Sunda hi suma hi Levi-nid’a 26:31 Iomraidhean Croise

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

2 Amuleina 22:19

Ang hum wa zla d’a an dat yam azì ma Jerusalem-ma ki suma a nga kaka kuruma woi tetet. An dala: Azi mba mbut ni vama b’laka, a mbut ni vama ge vuna mi d’a. Kayam ndata, ang mbut hurungû, ang ge yang kä avoronu, ang haû baru mang ma atangâ woyo, ang tchi ki simina irang mi. An pî, ni humungû. An Ma didina ni de na.

2 Sunda Hamuleinid’a 36:19

Suma Babilon-na a ngal gong nga kud’ora hAlonid’a woyo, a to gulumun ma Jerusalem-ma kä woyo, a ngal azì ma amula woyo, a b’lak ahle suma guzuzi kal tegles suma kur azinina woi pepet mi.

Nehemi 1:3

A hulong dan ala: Suma a tcholza kur magombina a nga kaka kur andaga d’a Juda-d’a, wani a nga ni kur hohoud’a ki zulona. Gulumun ma Jerusalem-ma mi ni hod’ola hina hohotot, vunam mi ngal lei mi.

Nehemi 2:17

Ata yi máma an dazi ala: Agi wagi hohou d’a ei nga kurut wanda. Jerusalem ti b’lak wa woyo, vun agrek matna mi ngal wa woi mi. Agi mbeyegiya, ei minïgi gulumun matna akulo, ar zulona mi lei d’uo d’a.

Nehemi 2:3

An hulong de mamulâ ala: Amulâ, ar va mi lang ngi! An hineî tan nduo ni nana ge? An hum ala azì ma ngol ma asud’a hi simiyênda nga kuana mi b’lak wa woyo, vunam mi ngal lei mi.

Isai 1:7

Ambas magi ti mbut hur fulâ, aziyagi ma nglona a ngalam mbeyo. Andjaf suma dingâ a mba a b’lagagi ahle suma yam andaga magid’ina kä iragiya, va mi ar nga kat ti. Wana ni b’lak ka d’i tcholï ata andjaf suma dingîd’a.

Isai 6:11

Ata yi máma an djobom ala: Salad’a, ni mindja ba, ang mba ar ahle ndazina ge? Mi hulong dan ala: Gak azì ma ngolâ mi b’lak kei kakazeî bei fe sa kurum ba, azina mi ar hawa kolohong, ambasa ti mbut ni hur fulâ mbeî.

Isai 63:18

Ami mang suma yed’etna ami kagami yam ambasa ni hina ndjö. Mami suma djangûna a miret yi mang ma a tinim iram vama kä kaseziya.

Isai 64:9

Azì mang ma nglo ma a tinim iram vama mi mbut wa fulâ, Siyon ti mbut wa fulâ mi. Jerusalem ti ar wa samba agra mi.

Isai 66:3

Sama ngat amuhlîna mi tchi ni sana mi, sama mi ngat timina vama ngat buzunina mi tumî azik adina mi, sama mi he he d’a hawad’a afutina mi vo ni buzuwa kozongâ woi mi, sama ngal dubang ma his djivid’a á ge humbina, mi kud’orî fileina mi. Sum ndazina pet ni suma tazi nga d’i lazi djivid’a kur lovot mazid’ina, ni suma tazi nga d’i lazi djivid’a kur sun mazi d’a ndjendje ndatina mi.

Jeremi 22:5

Wani le agi humugi nga zla ndata d’uo ni, an nga ni gun tan ki an tanda, azì ma amul máma mba mi arî djona. An Ma didina ni de na.

Jeremi 26:6

an mba ni b’lak gong ndata woi d’igi an b’lak Silo na, an mba ni mbut azì ma ngol máma vama ge vuna mandjaf suma yam andagad’ina pet mi.

Jeremi 26:9

Ni kayam me ba, ang djok vun Ma didina ala: Gong nga wanda mba d’i b’lak kei d’igi Silo na, azì ma ngol ma wana mba mi b’lak kei a mba fe sama kak kur ruo ge? Ata yi máma suma a nga kur gong nga kud’orina a tok yam Jeremi.

Jeremi 4:26

An gola, asine ma tub’ad’a mi mbut wa hur fulâ; azì mam ma nglona pet mi to kä woi avok Ma didina abo ayî mam ma bibiliuna.

Jeremi 4:27

Ma didina mi de kua ala: Ambasa ki zla tat pet nga d’i mbut djona, wani an mba ni b’lagat tei ki zla tat pet ti.

Jeremi 4:7

Gola! Azlona mi nde woi kur domi mama. Ma b’lak andjaf suma mi nde wa woi avo hatam á b’lak suma, nga mi djï á b’lak ambas magid’a woyo, á to azì magi ma nglona kä woi ndjandjap, a mba fe sama kak kur ri.

Jeremi 44:2

An Ma didin ma ad’engên kal petna, Alona hi Israel-lîna, nga ni dagiya: Agi wagi ndak ka teteng nga an mbat yam Jerusalem kazì ma nglo ma Juda-nid’a pet. Gola! Ki tchetchemba, azì máma mi mbut ini ni djona, sa nga kaka kua d’uo d’a.

Jeremi 44:6

Ayî mana ki hur man ma zal ma gugulu’â a wet teyo, a ngal azì ma nglo ma Juda-na ki ir palum mba Jerusalem-mba suma a mbut ini ni djona ki fula d’igi a nga wazi ini na na.

Jeremi 52:13

Mi ngal gong nga kud’ora hi Ma didinid’a kazì ma amula kazì ma ding ma Jerusalem-ma pet, mi ngal azì ma nglo ma dingâ woi kakud’a pepet mi.

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Hor ma tchina 1:1

Alë! Jerusalem mba suma a nga oîd’a kurut adjeud’a, ti mbut wa d’a sa nga kurut tuo d’a. Ndat tala ti nazì ma ngolâ aduk andjaf suma d’a, ti mbut wa d’igi atcha d’a modonod’a na. Amul la yam andaga d’a dingid’a, ti mbut wa d’a le sun magomba mi suma.

Hor ma tchina 1:10

Ma kus katna mi mat abom mi yo ahle suma djivi suma kal tegles suma ndat nga ki na pet. Ti we andjaf suma ang d’elezi á kal aduk tok mangina, a kal kur gong mat ta a tinit irat vata mi.

Hor ma tchina 2:6

Mi hô kangâ mama woi kad’enga d’igi kangâ ma a gum yam asinenina na, mi b’lak yi mam ma toka woyo. Ma didina mi zut suma kur Siyon-na á mar yam tok ka vun tilâ ki bur ma sabatna. Kur hur mam ma zala, mi hamulâ ki ma ngat buzuna abo suma á lazi ndaka.

Hor ma tchina 2:7

Salad’a mi gol yi mam ma ngal ahle suma ngat buzuna is, mi noî yi mam ma a tinim iram vama woyo, mi he gulumun ma amula hi Siyon-na abo ma djangûna. Suma djangûna a nga siwel kur gong mamba d’igi suma a siwel adjeu kur bur ma vun tilâ na.

Ezekiyel 12:20

Azì ma nglo ma suma a nga kaka kurâ mba mi b’lak keyo, ambasa mba d’i ar djona. Hina wani, azi mba wala an ni Ma didina.

Ezekiyel 21:15

A gurut ná tchi suma, a heget ná wiled’a. Na ni ei mba le furîd’a zu? Ti totogod’a hi goronid’a gol agu ma lara ge pet is.

Ezekiyel 21:7

Ang gor sana, ang mbut irang yam Jerusalem, ang tchi wala mi yima a tinim iram vama, ang djok vuna mandagad’a hi Israel-lîd’a.

Ezekiyel 24:21

Ang de mi Israel-lâ ala: Salad’a Ma didina mi dala: An mba ni mbut yi man ma an tinim iram vam mala nad’eng nga agi nga suburugi tagi kat ta hurugi vat heî d’a tagi lagi djivid’a kat heîd’a ndjendjed’a. Grogi suma andjofâ ki grogi suma arop suma agi arazi woi avo Jerusalem-ma, a mba tchazi ki mbigeu d’a fiyaka.

Ezekiyel 6:6

Agi Israel-lâ, ata yima lara ma agi mba kagagi kuana, a mba b’lagagi azì magi ma nglona woyo. Yi magi ma ngal ahle suma ngat buzu ma tetengâ mba mi ar djona, filei magi ma tetengâ mba mi b’lak keyo, filei magi ma tetengâ mafata a mba tom kä woyo, sun magi d’a teteng nga agi lat kabogid’a mba d’i dap pei mi.

Ezekiyel 9:6

Agi tchagi suma woi pet, nala, momorogeina, gro azungeîna, gro arop suma bei a ngaf kandjofâ ba na, kemba karopma mi. Wani agi dogi suma a nga ki vama taka avorozina d’i. Agi tinigi ad’ud’a ni kur yima an tinim iram vama. Azi tin ad’ud’a ni yam suma nglo suma a nga kaka kä avun gong man nda kud’orina.

Daniel 2:46

Ata yi máma amulâ Nebukanezar mi grif kä andaga avok Daniel, mi kud’uromu, mi he vuna ala a hum he d’a hawa d’a ngala ki mbul ma his ma afufuîna mi.

Amos 7:9

An mba ni b’lak yima ndingâ handjafâ hi Isa’â woyo, an mba ni b’lak gongîyo suma kud’ora hi Israel-lîna woyo, an mba ni ngop suma hi Jerobowam-ma kayî ma durâ mi.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Sofoni 3:6

Ma didina mi dala: An daba wa andjaf suma woi pet, an b’lak wa gong mazi d’a ndjol la fiyak ka ad’eng nga ngungud’a woyo, an mbut wa ir palumba hazì mazinid’a djona, an b’lak wa azì mazi ma ngol máma; sama kal kur nga d’uo mi na, sama kak kur nga d’uo mi.

Wana ni Zla d’a Djivi d’a Luc mi b’irita 21:24

A mba tchi suma dingâ ki mbigeu d’a fiyaka, a mba yo suma dingâ magomba aduk andjaf suma pet. Andjaf suma dingâ a mba miret Jerusalem kä kasezi gak atchogoi mazid’a ndaga.

Sunda hi suma a sunuzinid’a 6:14

Kayam ami humumi mi dala: Jesus ma Nazarat máma mba mi b’lak gong nga kud’ora hAlonid’a woyo, mba mi mbut zla d’a adjeu d’a Moise mi areizid’a kä.

Hebre-na 10:26

Le ei nga ngei huri á i avogovok kur tcho d’a led’a ata yima ei wei ad’u gagazid’a da na ni, ngat buzu ma ding ma yam tcho meid’ina nga d’uo d’a.