Sunda hi suma hi Levi-nid’a 26:16 - Bible azumeina

¹⁶ wana nahle suma an mba ni mbagizï kagina: An mba ni mba á mbud’ugi mandarâ. An mba ni tumugi ki tugud’ei d’a homozed’a ki ta d’a kumura suma a mba kagi iragi mbuleina gak dabagi ari magid’a woina. Agi mba fagi ndaka, agi mba zaragi ahlena ni hawa na; magi suma djangûna a mba tazi naziya.

Sunda hi suma hi Levi-nid’a 26:16 Iomraidhean Croise

1 Amuleina 8:37

Fata baktarad’a ti nde yam andaga ndatid’a, d’oze tugud’ei d’a tcho d’a tchi matna ti nde, d’oze ahlena a nga so abo huwaka akulo kaseziya, d’oze teb’rezena ki djera a mba adesâ adesâ, d’oze suma djangûna a nga djop vun Israel-lâ, a nga lazazi gak kur aziyazi ma ad’eng ma ngunguna, d’oze le b’lak ka lara ti mba, d’oze tugud’ei d’a lara pî,

Wana ni mbaktumba hi Job-pa 18:11

Ahlena a mba pad’am vunadigam ata yina pet, a mba digim ad’um mi.

Wana ni mbaktumba hi Job-pa 20:25

Nga mi pat yeûd’a woi huyogomu, nga mi ve vama sï ma tchogom adudugama woyo, mandara matna mba mi vum atogo zak mi.

Wana ni mbaktumba hi Job-pa 31:8

ar an zara, wani sama dingâ mi të, ar vama an zarama a pad’am kä woi ki sideyem mi.

Sawal la giled’a 109:6

A nga de kan ala: Ar sama asa’atna mi te kamu, ar ma tchugum zlad’a kama mi tchol ata bigam mba ndjufa.

Sawal la giled’a 73:19

Gola! Atogo hina zak a b’lak keyo, a dap pei abo mandar ma ngolâ.

Sawal la giled’a 78:33

Wani mi tchazi woi atogo d’igi simetna mi kal na; mi dabazi bizazi woi ni ki mandarâ.

Buzuk ka Abud’a 15:26

Mi dazi ala: Le agi humugi del an Ma didina Alo magina djivid’a, le agi lagi ahle suma d’ingêrâ avoronu, le agi tinigi humagi yam vun man ma hed’a, le agi ngomogi gat manda pet mi ni, an mba ni tumugi ki tugud’ei d’a an tum ki Ezipte-nid’a tu d’i. Kayam an ni Ma didin ma sud’ugi woina.

Zla d’a d’ogolâ 3:33

Vun ma ged’a hi Ma didinina mi nga yam azina hi suma asa’atnina, wani nga mi b’e vunam yam yima kaka hi suma d’ingêrîna.

Isai 10:4

Agi mba hulongôgi yagi kä zlapa ki suma a yozi magombina, agi mba pugugi kä aduk suma a tchazina. Hina pet pî, Ma didina hurum mi b’leng nga d’i, abom mi ar nga zid’a akulo kamzi.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Isai 7:2

Suma a mba de zla ndata mi Ahas ma ad’u andjafâ hi David-nina ala suma Siri-na a ve nga kang mazina yam ambas sa Efraim-mba. Ahas ki sum mama huruzi mi ka mbina, a nde giget d’igi agud’a ti giget abo babarâ na.

Jeremi 12:13

Agi zaragi gemena, wani agi dud’ugi naweid’a; agi hagi tagi ndaka, wani agi nga fagi va kua d’i. Zulona mba mi lagi yam dut magi ndata, abo ayî ma bibiliuna hi an Ma didinina.

Jeremi 15:3

Ma didina mi dala: An mba ná ngobozi kahlena fid’i: A mba tchazi avun ayîna ki mbigeu d’a fiyaka, adureina a mba tanaziya, aluwei suma akulona kamburei suma abageina a mba kizagazi á b’lagazi woyo.

Jeremi 15:8

An zul arop suma modonod’a avo hatazi kal les ma avun alum ma ngolîna, an tin grangâ asum tchina falei d’ad’ar, an mba ki ndaka kahle suma mandarâ kat atogo zak mi.

Jeremi 20:4

Kayam Ma didina mi dala: Gola! An mba ni mbud’ung ang tanga mandarâ ki buniyôngâ pet mi. Mazi suma djangûna a mba tchazi avun ayîna, ang mba wazi ki irangû. An mba ni he suma Juda-na pet abo amul ma Babilon-na. Mba mi yozi magomba, mba mi i ki sed’ezi Babilon, mba mi tchazi ki mbigeu d’a fiyaka mi.

Jeremi 5:17

A mba b’lagagi awu magina ki te magina, a mba tchagi grogi suma andjofâ ki grogi suma aropma, a mba tchagi d’uwar magi ma gureina ki ma nglona woyo, a mba b’lagagi guguzlu magid’a ki tulumei magina woyo, a mba togi aziyagi ma nglo ma ad’eng ma ngungu ma agi tinigi hurugi kama kä woi kayî ma durâ mi.

Ezekiyel 24:23

Agi mba d’ud’ugi kadamul magid’a kagiya, agi mba tchugugi atuguru magina asegiya, agi mba tchigi horâ d’i, agi mba tchigi d’i. Wani agi mba id’igi abo tcho magid’a, agi mba zamagi tagiya.

Ezekiyel 33:10

Ma didina mi dan kua ala: Ang gor sana, ang de mi Israel-lâ ala: Agi nga dagi ala: Tchila mamid’a ki tcho mamid’a a nga kamiya; ni azi ba, a mbud’umi hohoud’a. Ni nana ba, ami mba sud’umi woi ge?

Amos 5:11

Agi nga mired’egi ma kid’aka kä kasegiya, agi nga yom geme mama ki mbut ira. Ni kayam ndata ba, agi nga minigi azì ma djivina kahina d’a tcheta, wani agi mba kagagi kur ri, agi nga pagi guguzlu d’a djivid’a, wani agi mba tchat sümut ti.

Mise 6:15

Agi mba zaragiya, wani agi mba dud’ugi d’i; agi mba yorogi vut olifâ, wani agi mba lagi mbulum atagi d’i; agi mba mired’egi guguzlud’a, wani agi mba tchat sümut ti.

Wana ni mbaktumba hi Aze-d’a 1:6

Agi nga zumugi ngola, wani agi nga dud’ugi akid’eid’a; agi nga tagiya, wani agi nga hobogi d’i; agi nga tchagiya, wani nga vagi laud’a d’i; agi nga tchugugi baruna atagiya, wani tagi nga d’i ve d’ut ti. Sama le sunda nga mi ve bege mamba, wani nga d’i ndagam mbi.

Zakari 14:12

Wana ni tugud’ei d’a Ma didina mba mi tum kandjaf suma pet suma a mba mba ki azigar mazina á dur Jerusalem-mba: Nge nge pî hliwim mba mi ndjulup pei akulo kasemu, iram mba d’i ndjulup kur aziyad’u, sinam mba d’i ndjulup avunam mi.

Malatchi 2:3

Gola! An mba ni ngobogi andjavagiya, an mba ni kogi sutna iragiya – sud’o ahle suma agi ngad’andji buzunina; a mba yogi ki sed’em mi.

Gat ta a hat á mbàd’id’a 28:51

Azi mba yogi d’uwar magina kawu magina; agi mba bogi woi abo meid’a. Azi mba aragi awu magi d’oze süm guguzlu d’oze mbul loze d’uwar magi ma nglona groma d’oze magi ma gureina groma d’uo mi gak agi dabagi woyo.

Gat ta a hat á mbàd’id’a 32:25

A mba tchazi ki mbigeu d’a fiyaka ir palumba; a mba bo avo hur azina abo mandarâ. Matna mba mi tchi suma pet, azungeîna, yuguneina, momorogeina, ki kem mba tchapona mi.

Hebre-na 10:31

Ni vama mandar ma ngolâ á ndabo Alo ma arina.

Suma ka sariyad’a 6:11

Malaikana hi Ma didinina mba mi kak ad’u agu sena hi Jowas ma ad’u adesâ hi Abiyezer-râ avo Ofra. Goroma Zedeyon mi nga mi to awuna ata yima a miret guguzlud’a kuana á ngeyem abo suma Madiyan-na.

1 Samuel 2:33

An mba ni ar sa mang tu ata yi man ma ngal ahle suma ngat buzuna, mba mi tchang irang mogod’a ki gola, mba mi b’lagang hurung mi. Wani mang suma dingâ pet a mba bo ni kad’eng taziya.