Sunda hi suma hi Levi-nid’a 25:9 - Bible azumeina

⁹ Kur bur ma dogona hi til ma kid’iziya ma kur biza ndatina, agi mba bugi adif fa furîd’a. Ni bur ma ngol ma zlup yam tchod’a. Agi bugi adifa kur ambas magid’a pet.

Sunda hi suma hi Levi-nid’a 25:9 Iomraidhean Croise

Sawal la giled’a 89:15

D’ingêra ki sariya d’a ka d’a irata nad’u ged’a hi leu mang nga ted’id’a, o mang nga didinda ki gagazid’a a nga tit avorongû.

Sawal la giled’a 89:16

Ma didina, suma a nga le furîd’ina ni suma a nga gilengâ, a nga tit kur b’od’a avorongû.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Sunda hi suma hi Levi-nid’a 16:20

Le mi mbut wa yima a tinim iram vam ma kal teglesâ yed’et ki zlub’u d’a ngaf tad’a ki yima ngal ahle suma ngat buzuna da ni, a mbam mbekmbere ma arâ.

Sunda hi suma hi Levi-nid’a 16:29

Wana ni gat ta didin nda kagid’a: Kur bur ma dogona hi til ma kid’iziyana, agi d’elegi tagi bei te tena, agi tugugi tagi bei le sunda, agi tagid’a kangei ma nga kaka adigagina.

Sunda hi suma hi Levi-nid’a 16:30

Kayam ni bur ma a mba zlup yam tcho magid’a á mbud’ugi woi yed’et kur tcho magi d’a lara ge pet avogon an Ma didinina.

Sunda hi suma hi Levi-nid’a 23:24

Ang i de mi Israel-lâ ala: Kur bur ma avo’â hi til ma kid’iziyanina, ni bur ma agi mba lagi vun tilâ kuana, ni bur ma agi mba gagi humba kadif fa bud’a kuana mi. Ni tok ka a tinit irat vat á kud’uronda.

Sunda hi suma hi Levi-nid’a 23:27

Kur bur ma dogona hi til ma kid’iziya mámina, ni bur ma a zlup yam tchod’a kuana. Agi togogi tok ka a tinit irat vata á kud’uronu, agi mbud’ugi tagi hohoud’a, agi hagi ahle suma ngat buzu suma ngala mi an Ma didina.

Sunda hi suma hi Levi-nid’a 25:8

Ma didina mi de kua ala: Agi ndumugi biza d’a sabat ta tuk tad’a handagad’id’a ndundum kid’iziya, nala, bizad’a dok fid’i yam zlengâ.

Sunda hi suma hi Levi-nid’a 27:17

Le mi tin asine mama iram vam mi an Ma didina ni kur biza d’a ngol la furîd’a ni, gus ndata ti ka’î d’igi ma ngat buzuna mi ngat na.

Sunda hi suma hi Levi-nid’a 27:24

Wani fata biza d’a ngol la furîd’a ndaka, asine máma mba mi arî mi salam ma avok kikidjina, nala, sama a hum asinena djonina.

Ndumba 10:10

Kur bur magi ma furîd’a, kur vun til magi ma tetengâ d’oze kur deîd’a hi tilîd’a, agi bugi adifa ata yima agi hagi ahle suma ngat buzu suma ngala kahle suma ngat buzu suma zlap darigïd’ina. Hina wani, an Ma didina Alo magina mba ni djib’er kagiya. An ni Ma didina Alo magina.

Ndumba 36:4

Fata biza d’a tuk tad’a hi Israel-lîd’a mbad’a, djo mazina a mba hum yam ma hi suma azi vigizina, mba mi wal lei ki ma habuyomina kur bur máma.

Romê-na 10:18

Wani an nga ni djop ala: Azi hum nga zla ndata d’uo zu? Azi hum wa gagazi, kayam mbaktumba hAlonid’a ti dala: Suma a humuzi delezi yam andagad’a pet, zla mazid’a ti b’rau woi avun dabid’a handagad’id’a pet mi.

Romê-na 15:19

yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a.

1 Tasaloni’â 1:8

Kayam zlad’a hi Salad’id’a ti ndeï hatagi ti b’rau woi ni yam andaga d’a Maseduwan-nda ki d’a Akai-d’a hol li, wani he gagazi magi d’a yam Alonid’a, zlat nde ata yina pet. Kayam ndata, ami nga ki zla d’a ding á de kat tuo d’a.

Josue 6:4

Suma ngat buzuna kid’iziya a yo aduvei gamlâna kid’iziya aboziya, a kal avok zandu’â. Kur bur ma kid’iziyana, agi nguyugi azina ngungui yagi kid’iziya. Ata yi máma suma ngat buzuna a bu aduveina.