Sunda hi suma hi Levi-nid’a 25:23 - Bible azumeina

²³ Ma didina mi de kua ala: Agi ndak á guzugi andagad’a woi ki irat fafat ti, kayam andagad’a ni manda. Agi avo hatan ni d’igi angoyogeina ki suma kak ki sed’en ndjöna na.

Sunda hi suma hi Levi-nid’a 25:23 Iomraidhean Croise

Ad’u Tinda 23:4

An nangeina adigagiya. Agi han yina adigagi ka hî á tos mad’amanda kua; mi arî mana ki iran fafat.

Ad’u Tinda 47:9

Jakob mi hulong dum ala: Bizan nda tit ta tcha ta’ abo hî tcha ta’ abo hî d’a ni kis yam dok hindi. Bizan ndi kal atogo, ndaka nga kua mi. Ti ndak nga ki bizad’a habuyon ngolo suma a tit d’igi an na na d’i.

1 Amuleina 21:3

Wani Nabot mi hulong de mi Ahap ala: Nga djivid’a avok Ma didina tala an hang asine ma guguzlu ma abuyomi ngolo a hamizi djonina d’i.

1 Sunda Hamuleinid’a 29:15

Ami nakoyogeina avorongû, ami ni suma mbeid’a yam andagad’a avorong d’igi abuyomi ngolo na. Burumi ma yam andagad’a kä hina ni d’igi anguzuna hawa na, ami nga ki hur ma tinda yam kak mamid’a d’i.

2 Sunda Hamuleinid’a 7:20

an mba ni digigi woi kur ambas sa an hagizid’a, an mba ni ge gong nga an tinit irat vat á kud’uron kuad’a woi dei ki sed’en mi. Ata yi máma Israel-lâ a mba mbut ni vama sanda ki vama lasa aduk suma pet mi.

Sawal la giled’a 119:19

An nakoina yam andagad’a ka hî; ar ang ngeyen vun mang ma hed’a d’i.

Sawal la giled’a 24:1

Ni sawal la David mi hlata. Andagad’a kahle suma kurutna ni hi Ma didinina, duniyad’a ki suma a nga kaka kurutna pet mi.

Sawal la giled’a 39:12

Ata yima ang ngop sanina, ang tom yam tcho mamba, ang b’lagam ahligiyem mbei d’igi fotna mi b’lak ahlena na; gagazi, suma pet ni d’igi vama hawa ya’â na. Tchol ndjö

Sawal la giled’a 39:13

Ma didina, ang hum tchen manda hum ngë, ang tin humang hum tchi mana, ang gol tchi man ma hat hurâ tä d’i, kayam an ni sama akoid’a avo hatangû, sama akoid’a d’igi abuyon ngolo na mi.

Sawal la giled’a 85:1

Ni sawal la gile d’a Kore groma a hlat a hat mi ma ngolâ hi suma hle sawalina.

Buzuk ka Abud’a 19:5

Ki tchetchemba, le agi humun vunanu, agi ngomogi vun man ma djinda ni, aduk suma yam andagad’ina pet agi mba mbud’ugi ni sum mana, kayam andagad’a pet ni manda.

Buzuk ka Abud’a 2:22

Ti vud’um gor mandjufâ. Moise mi yum ala Gersom, kayam mi dala: An ka’î angeina yam ambasa hi suma dingîd’a.

Isai 8:8

mba mi kal yam ambas sa Juda-d’a, mba mi sulul lei avunamu, mba mi hle yina gak mbang keleng ta. Ang Emanuel, ndja d’a mi ndja abom mbei tetenga, mba mi oî yam ambas manga.

Ezekiyel 48:14

Azi ndak á gus abo andaga ndata woi d’i, azi ndak á mbud’ut ki ndrat ta dinga d’i, azi ndak á hat mi sama ding nguo mi, kayam ndat nabo andaga d’a djivi d’a kal la hi Israel-lîd’a pet. Ni yima a tinim iram vam mi Ma didinina mi.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.

Joel 2:18

Ma didina nga mi hat hurum yam sum mama, nga mi wazi hohowozi mi.

Joel 3:2

An mba ni tok andjaf suma dingâ pet, an mba ni izi kur hor ra Josafat-ta. Ata yi máma an mba ni kazi sariyad’a kazi yam ahle suma azi lazi mi man suma Israel suma an tazi djonina, yam ndjoîd’a a ndjoyôzi woi aduk andjaf sumid’a, yam ambas man nda azi b’rawat teid’a mi.

Sunda hi suma hi Levi-nid’a 25:10

Biza d’a dok vahla, agi tinit irat vad’u, agi tchagi wala kur ambasa á tchuk suma akulo. Biza ndata mba d’i mbut ni biza d’a ngol la furîd’a. Nge nge pî adigagi mba mi hulong hle va mama, mba mi hulong ad’u adezem mi.

Sunda hi suma hi Levi-nid’a 25:24

Kur ambas sa agi mba tagi kata pet, agi tinigi gata á mbut andagad’a.

Gat ta a hat á mbàd’id’a 32:43

Ar andjaf suma pet a le furîd’a yam sum mama! Kayam Ma didina nga mi hlatchugula matna hazungeî mamina, nga mi hlatchugulum ki mam suma djangûna, nga mi mbut ambas mamba yed’et ki sum mama mi.

1 Pierre 2:11

Buniyôn suma od’a, an nga ni gigid’egi agi suma akoi suma tita akulo yam andagad’ina. Ar agi gologi tagi djivi ki d’od’oka hi hliuna d’a nga d’i dur ayîna ki tagid’a.