Sunda hi suma hi Levi-nid’a 24:2 - Bible azumeina

² Ang he vuna mi Israel-lâ ala a mbang ki mbul olif ma d’igila hirwilingâ yam agu lalamba á ngal ki lalamba teteu.

Sunda hi suma hi Levi-nid’a 24:2 Iomraidhean Croise

2 Sunda Hamuleinid’a 13:11

Ami nga hami he d’a hawa d’a ngala mi Ma didina yorogo ki fladege burâ ki burâ. Ami nga ngalami dubang ma his djivid’ina, ami nga ndjarami avungôna yam tabul ma a tinim iram vama. Fladege ami nga sad’ami agu lalam ma lora woyo, ami nga domi lalam mamba akud’a mi. Ami nga ngomomi vun ma hed’a hi Ma didina Alo maminina. Wani agiya, agi aram mbeyo.

Sawal la giled’a 119:105

Zla manga ni lalam mba b’o yina avoronda, naku d’a b’o hur lovot mandid’a mi.

Sawal la giled’a 119:130

Ndäd’u zla mang nga woid’a nga d’i b’o yina, nga d’i he d’alâ mi suma bei wäd’u zlad’ina mi.

Buzuk ka Abud’a 39:37

A mba kagu lalam mba lor ra kal teglesa ki lalam mam mba a tinit akulo kamba kahle mam suma sunda pet ki mbul lalamba mi.

Buzuk ka Abud’a 40:24

Mi tin agu lalamba kur zlub’u d’a ngaf tad’a ata abot ma sutna, ngangad’a yam tabulâ d’ar.

Zla d’a d’ogolâ 6:23

Kayam vun ma hed’a ni lalamba, hata ni b’od’a, ngopa á hata ni lovot ta suta.

Isai 11:2

Muzu’â hi Ma didinina mba mi kak kamu. Ni Muzuk ma ne ma wad’ud’a, ni Muzuk ma de d’al ma ad’engâ, ni Muzuk ma we ma le mandara Ma didinina mi.

Isai 8:20

agi hulongôzi ded’a ala: Mbeî ei hulongî yam gata ki zla d’a Ma didina mi ndeizi woid’a. Suma a tit nga yam vun ma he máma d’uo na, a mba we yima fod’a ki irazi d’i.

Sunda hi suma hi Levi-nid’a 24:1

Ma didina mi de mi Moise kua ala:

Sunda hi suma hi Levi-nid’a 24:3

Ar Aron mi tinit bugol baru d’a ka ir ra ka ir zanduk ma glangâs ma kur zlub’u d’a ngaf tad’ina tala ti ngal burâ ki burâ avogon an Ma didina d’a, tin ad’ud’a fladege dei gak yorogo. Wana ni gat ta didin nda yam andjavagid’a.

Matiye 4:16

suma a nga kaka kur nduvundina a we b’o d’a ngola, suma a nga kaka kä ad’u angus matnina, b’od’a ti nde woi kazi mi d’a.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Wana ni Zla d’a Djivi d’a Luc mi b’irita 1:79

á b’o yam suma a nga kaka kur nduvunda ad’u angus matnina, á tini asei kur lovot ta b’leng nga halasa mi.

Wana ni Zla d’a Djivi d’a Luc mi b’irita 12:35

Jesus mi had’azi kua ala: Agi djinigi d’i’â furugi ad’enga ndinding, ar lalam magid’a ti b’o mi.

Jean 1:4

Arid’a nga kurud’u; ari ndata ni b’od’a hi sumid’a.

Jean 1:9

Ndat ni b’o d’a gagazi d’a mba kur duniyad’a á b’o yam suma peta.

Jean 5:35

Jean ni lalam mba nga d’i ngal la nga d’i b’od’a mi. Agi lagi furîd’a kur b’o mata ndjö.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.