Sunda hi suma hi Levi-nid’a 23:32 - Bible azumeina

³² Bur máma mba mi mbut ni bur ma sabat ma agi mba tugugi tagi kuana. Agi mbud’ugi tagi hohoud’a, agi lagi vun til ma sabat magina kur fladeged’a hi bur ma zlengîna hi til mámina gak fladeged’a avinda.

Sunda hi suma hi Levi-nid’a 23:32 Iomraidhean Croise

Nehemi 13:19

Ata yi máma an he vuna ala le yina mi ar go á rumîd’a ni, a duk vun agrek ma Jerusalem-ma akulo avok ad’u tinda hi bur ma sabatna; bei bur ma sabatna dap ba ni, sa malam mbei d’i. An tin azungeî man suma dingâ á ngom vun agre’â tala ar suma a mba kahle suma gusa kur bur ma sabatna d’uo d’a.

Sawal la giled’a 35:13

Wani ata yima azi nga tugud’eid’ina, an tchuk dodora atanu, an mbut tan hohoud’a, an d’el tan bei te tena, an tchen Alona kazi ki yan tchoka kä.

Sawal la giled’a 51:17

Salad’a, ang malan vunan ndeyo, an mba ni suburungû.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 61:3

á b’leng hur suma a nga kur Siyon suma a yor tazina, á hazi avaval la furîd’a balum butna, á hazi mbul ma furîd’a balum b’oud’a, baru ma subura yam huruzi ma b’la’â tala a yazi ala Azi nagu ma Ma didina mi pum kur asinem á suburumu d’a.

Sunda hi suma hi Levi-nid’a 16:29

Wana ni gat ta didin nda kagid’a: Kur bur ma dogona hi til ma kid’iziyana, agi d’elegi tagi bei te tena, agi tugugi tagi bei le sunda, agi tagid’a kangei ma nga kaka adigagina.

Sunda hi suma hi Levi-nid’a 16:31

Bur máma mba mi mbut ni bur ma sabat ma tuk tagina; agi d’elegi tagi bei te tena kuru. Wana ni gat ta didin nda kagid’a.

Sunda hi suma hi Levi-nid’a 23:27

Kur bur ma dogona hi til ma kid’iziya mámina, ni bur ma a zlup yam tchod’a kuana. Agi togogi tok ka a tinit irat vata á kud’uronu, agi mbud’ugi tagi hohoud’a, agi hagi ahle suma ngat buzu suma ngala mi an Ma didina.

Sunda hi suma hi Levi-nid’a 23:31

Agi lagi sun kur bur máma tu d’i. Wana ni gat ta didin nda yam andjavagi kur atchogoi d’a lara ge pet ata yima agi mba kagagi kuana.

Sunda hi suma hi Levi-nid’a 23:33

Ma didina mi de mi Moise kua ala:

Matiye 5:4

Suma a nga kur hur ma wuranina a le furîd’a, kayam Alona mba mi b’lengêzi huruziya.

1 Korente-na 11:31

Wani le ei nga kei sariyad’a yam teya ni, sariyad’a hAlonid’a mba d’i vei d’i.

Hebre-na 4:11

Kayam ndata, ei b’ad’ei tei á kalei ata yima tuk ta máma. Ar sa adigei mi so vuna d’igi suma adjeu hur fulâ a so vuna á kid’ak kei bei kal ata yima tuk tad’a na d’i.

Hebre-na 4:3

Ei suma hei gagazid’ina, ei nga kalei ata yima tuk ta ma Alona mi de kam ala: An hurun zal ngola, an gun tan ala: Azi mba kal ata yima azi tuk tazi kua ki sed’ena d’uo na. Mi de zla ndata nata yima mi dap sun mam mba avok ka mam le duniyad’ina.