Sunda hi suma hi Levi-nid’a 23:27 - Bible azumeina

²⁷ Kur bur ma dogona hi til ma kid’iziya mámina, ni bur ma a zlup yam tchod’a kuana. Agi togogi tok ka a tinit irat vata á kud’uronu, agi mbud’ugi tagi hohoud’a, agi hagi ahle suma ngat buzu suma ngala mi an Ma didina.

Sunda hi suma hi Levi-nid’a 23:27 Iomraidhean Croise

Esdras 8:21

Ata yima ami nga avun alum ma Ahava mámina, an he vuna ala ami d’elemi tami bei te tena, ami gami yami kä avok Alo meina, ami tchenem mi ndjunumi ki gromina kahle mamina pet kur tit mamid’a mi.

Sawal la giled’a 35:13

Wani ata yima azi nga tugud’eid’ina, an tchuk dodora atanu, an mbut tan hohoud’a, an d’el tan bei te tena, an tchen Alona kazi ki yan tchoka kä.

Buzuk ka Abud’a 30:10

Aron mba mi yam buzuna hi vama a ngad’am á zlup yam tchod’ina ata keng yima ngal dubang ma his djivid’ina yam tu kur bizad’a. Agi lagi hina á zlup yam tchod’a kur biza d’a lara ge pet kur atchogoi magid’a pet mi. Yima ngal dubang ma his djivid’a máma mba mi arî yima yed’et ma a tinim iram vam yam an Ma didinina.

Isai 58:5

Ni d’el tad’a sana mi mbut tam hohoud’a hina d’a ba, an minit tchu? D’oze mi hom yam kä d’igi tchereuna na, mi tchuk baru d’a dodora atamu, mi bur kä aduk butna. Ni hina ba, agi mba yat ala ni d’el ta d’a bei te tena d’a bur tu an Ma didina tan lan djivid’a heî kata zu?

Sunda hi suma hi Levi-nid’a 16:11

Aron mi hamuhl mama vama ngat buzuna á zlup yam tcho mamba ki d’a hi sum mamid’a, mi ngat amuhl mama yam tchod’a.

Sunda hi suma hi Levi-nid’a 16:15

Mi ngat mbekmberena á zlup yam tchod’a hablau sumid’a, mi i ki buzuna bugol baru d’a ka ira, mi le ki va máma d’igi mi le ki buzuna hamuhlîna na, mi yam buzuna yam yima we hohoud’a mi na, mi yamam ata abom ma avoroma mi.

Sunda hi suma hi Levi-nid’a 16:16

Ni hina ba, mba mi mbut yima a tinim iram vam ma kal teglesâ yed’et yam ndjendjed’a hi Israel-lîd’a ki murud’um mazid’a ki tcho mazi d’a azi lata pet, mba mi le hina yam zlub’u d’a ngaf ta d’a nga adigazi azi suma ndjendjed’id’a.

Sunda hi suma hi Levi-nid’a 16:24

Mi mbus tam mbei aduk mbina ata yima ding ma a tinim iram vama, mi hulong tchuk baru mama atamu, mi i he va mam ma ngat buzu ma ngala ki ma hablau sumina, mi zlup yam tcho mamba ki d’a hi sumid’a mi.

Sunda hi suma hi Levi-nid’a 23:26

Ma didina mi de mi Moise kua ala:

Sunda hi suma hi Levi-nid’a 23:28

Agi lagi sunda kur bur máma d’i, kayam ni bur ma a zlup yam tchod’a kuana, ni bur ma mbeî a zlup yam tcho magid’a avogon an Ma didina Alo maginina.

Sunda hi suma hi Levi-nid’a 25:9

Kur bur ma dogona hi til ma kid’iziya ma kur biza ndatina, agi mba bugi adif fa furîd’a. Ni bur ma ngol ma zlup yam tchod’a. Agi bugi adifa kur ambas magid’a pet.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Sunda hi suma a sunuzinid’a 27:9

Kid’a yina mi kalami ngolid’a, tit ta aduk mbinid’a ti mbut ni vama matna, kayam bur ma d’el tad’a bei te tena kal wa. Kayam ndata, Paul mi gad’azi ala:

Jacques 4:9

Agi mbud’ugi tagi hohoud’a, agi tchigiya, agi yorogi tagiya, agi mbud’ugi san magid’a tchina, ar agi mbud’ugi furî magid’a yor tad’a mi.