Sunda hi suma hi Levi-nid’a 22:33 - Bible azumeina

³³ ma buzugugï woi kur ambas sa Ezipte-d’a á kak Alo maginina. An ni Ma didina.

Sunda hi suma hi Levi-nid’a 22:33 Iomraidhean Croise

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Sunda hi suma hi Levi-nid’a 11:45

An ni Ma didin ma ni buzugugi woi kur ambas sa Ezipte-d’a á mbut Alo maginina. Agi mba kagagi ni suma yed’etna, kayam an ni Ma bei tchod’a ba na.

Sunda hi suma hi Levi-nid’a 19:36

Ar kilo magi ma nga ahlena mi ka’î d’ingêr, aneka hahlenid’a ti ka’î d’ingêr, ngad’a hi yinid’a ti ka’î d’ingêr, ngad’a hahle suma a ngazi ki lidirîna a ka’î d’ingêr mi, kayam an ni Ma didina Alo magi ma pad’agï woi kur ambas sa Ezipte-d’ina.

Sunda hi suma hi Levi-nid’a 22:32

Ar agi mbud’un simiyên Ma bei tchod’ina ndjendjed’a d’i, kayam an ka’î Ma bei tchod’a ba na adigagi agi Israel-lâ, kayam an ni Ma didin ma tinigi iragi vagi

Sunda hi suma hi Levi-nid’a 23:1

Ma didina mi de mi Moise kua ala:

Sunda hi suma hi Levi-nid’a 25:38

kayam an ni Ma didina Alo magi ma pad’agï woi kur ambas sa Ezipte-d’a á hagi ambas sa Kanan-ndina, kayam ni kak Alo magina.

Ndumba 15:41

An ni Ma didina Alo magi ma buzugugï woi kur Ezipte á Alo maginina. Gagazi, an ni Ma didina Alo magina.