Sama lara pî ma nga mi tit yam gata hAlo mangîd’a ki gat man an amulîd’a memet tuo na, a mba kam sariyad’a kam a tchum mbei d’oze a digim mbei d’oze a hurumum ahligiyem mboze a gum dangeina.
A min yima tuwal fileina ata yima Tofet-na kur hor ra Ben-Hinom-mba á ngal grozi suma andjafâ ki grozi suma aropma kua. Ni vama an he nga vuna kam mbuo na, ni djib’er ra tcholï nata an nduo d’a mi.
Ang i de mi Israel-lâ ala: Sama lara ma aduk Israel-lîna, d’oze le nangei ma nga kaka adigagina, le mi he goroma malo ma a yum ala Molo’â ni, mi ndak á tchid’a. Ar suma a nga kaka yam ambasina, a durum kahinad’a, a tchum mbeyo.
Ma didina mi min ni gamlâ ma dudubuna d’oze mbul ma mi djang d’igi mbiyo aluma na na zu? Ei hei ni gurei suma a vut avo’â vama ngat buzu ma ngala yam tchila meid’a ki tcho meid’a zu?
Le agi nga gagi yagi kä avok Ma didina, agi nga lum sunda, agi nga humum vunamu, agi nga tchilagi yam vun ma he mama d’uo, agi kamul magina agi nga tid’igi bugol Alo magina mi ni, ni djiviya.
