Sunda hi suma hi Levi-nid’a 19:9 - Bible azumeina

⁹ Fata agi dud’ugi awunid’a, agi aragi apei asinena kä bei duta nde nde. Awu ma mi ar tchuka kä blangâgi á tchum helenina, agi varam mbi.

Sunda hi suma hi Levi-nid’a 19:9 Iomraidhean Croise

Sunda hi suma hi Levi-nid’a 19:10

Agi dud’ugi vut guguzlu d’a ar akulo blogogid’a d’i; d’a yak kä andagad’a, agi yot tuo mi. Agi aragizi kä mi suma houd’a kangoyogeina, kayam an ni Ma didina Alo magina.

Sunda hi suma hi Levi-nid’a 19:8

Sama tuma mba mi hlaneka hi tcho mambid’a kamu, kayam mi golî vama a hum mi an Ma didinina is. Sama hina na a mba pad’am mbei aduk sum mama.

Sunda hi suma hi Levi-nid’a 23:10

Ang i de mi Israel-lâ ala: Fata agi kalagi kur ambas sa an nga ni hagizid’a, ata yima agi mba dud’ugi awunina, agi kagi yam awu magi ma ne avo’â mi ma ngat buzuna.

Sunda hi suma hi Levi-nid’a 23:22

Fata agi mba dud’ugi awu maginid’a, agi aragi apei asine magina kä bei duta nde nde, agi varagi awu ma yak kä blogogina d’i. Agi aragizi mi suma houd’a kangoyogeina, kayam an ni Ma didina Alo magina.

Sunda hi suma hi Levi-nid’a 23:29

Sama lara ma mbut nga tam hohoud’a kur bur máma d’uo na, a mba pad’am mbei aduk sum mama.

Wana ni mbaktum mba a b’irit yam Rut-ta 2:15

Kid’a ti tchol akulo á tchi helenid’a, Bowas mi he vuna mazungeî mama ala: Agi arat ti tchi helena angra mbugulu d’a tchuka kä d’a, agi ngobot ti.

Wana ni mbaktum mba a b’irit yam Rut-ta 2:2

Bur tu, Rut ta Mowap-pa ti de mi Naomi ala: Ndak aran an i abagei tchi helena kur asinena hi sama hurum vana. Naomi ti hulong dat ala: Akunonda, ndak iya.

Wana ni mbaktum mba a b’irit yam Rut-ta 2:8

Bowas mi de mi Rut ala: Goronda, ndak huma; ndak i tchi helena kur asine ma ding ngi. Ndak kak ka hî, ndak le sunda ki yugunei mana.