Sunda hi suma hi Levi-nid’a 19:33 - Bible azumeina

³³ Le angeina mba mi kak adigagi yam ambas magid’a ni, agi tum abom mbi.

Sunda hi suma hi Levi-nid’a 19:33 Iomraidhean Croise

Buzuk ka Abud’a 22:20

Sama ar an Ma didina woi ta ba, mi hahle suma ngat buzuna malo ma dingîna, mbeî agi tchum mbeyo.

Buzuk ka Abud’a 22:21

Agi lagi ir angeina d’i, agi djobom vunam mbuo mi, kayam agi tagi pî ei ni angoyogeina yam ambas sa Ezipte-d’a mi.

Buzuk ka Abud’a 23:9

Agi lagi angeina ndaka d’i, kayam agi tagi pî wagi kaka hangeinid’a, kayam agi tagi kagagï angoyogeina yam ambas sa Ezipte-d’a mi.

Jeremi 7:6

le agi nga kid’eyêgi ir angeina d’oze ma hokuyod’a d’oze atcha d’a modonod’a d’uo, le agi nga tchagi ma bei zlad’a kama ata yima wana d’uo, le agi zlabagi nga tagi kalo ma dingâ d’uo yam hohou d’a nga d’i lagid’a ni,

Ezekiyel 22:29

Suma kur ambasina a nga djop vun suma, a nga kula, a nga b’at ahlena abo ma hohoud’a ki ma houd’a, a nga kid’eî ir angeina, a kak djangûna ki zla d’a d’ingêra mi.

Ezekiyel 22:7

A nga gol abud’a kasud’a is kurungû, a nga djop vun angeina kurungû, a nga b’at ahlena abo ma hokuyod’a katcha d’a modonod’a kurung mi.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Gat ta a hat á mbàd’id’a 24:14

Moise mi de kua ala: Ar agi kid’eyêgi ir sama hou ma le sun nda beged’ina, d’oze ma kid’ak ma le sun nda beged’ina d’i. Le sa máma ni wiyegina d’oze angei ma nga kaka yam ambas magid’ina pî, agi kid’eyêm iram mbi.

Gat ta a hat á mbàd’id’a 24:17

Moise mi de kua ala: Ar agi lagi ir angeina d’oze ma hokuyod’a ata yima ka sariyad’a d’i, ar agi vagi barud’a hatcha d’a modonod’a denga d’uo mi.

Gat ta a hat á mbàd’id’a 24:18

Agi djib’eregi ala adjeu agi ei ni magomba kur ambas sa Ezipte-d’a, Ma didina Alo magina mi tchugugï woi akulo. Ni kayam ndata ba, an hagi vun ma he ma wana wana, agi tid’igi kamu.

Gat ta a hat á mbàd’id’a 27:19

Sama nga mi ka sariyad’a hangeina ki d’a hi ma hokuyod’a ki d’a hatcha d’a modonod’a ata yat tuo na, Ma didina mi gum vuna! Ablau suma petna a hulong ded’a ala: Amin!