Sunda hi suma hi Levi-nid’a 19:19 - Bible azumeina

¹⁹ Ar agi tid’igi yam gat manda. Ang tchuk andjaf d’uwar ma tetengâ ata yima tuna á zlap ki tazi d’i, ang zar andjaf awu ma tetengâ kur asine ma tuna d’i, ang tchuk baru d’a a tchilit kandjaf baru d’a tetenga atang ngi.

Sunda hi suma hi Levi-nid’a 19:19 Iomraidhean Croise

Ad’u Tinda 36:24

Wana ni Sibeyon groma: Aya ki Ana; Ana ni ma fe mbiyo ma aku ma laud’a abagei hur fulâ kid’a mam nga pol korona habum Sibeyon-nina.

2 Samuel 13:29

Azungeîna hi Apsalom-ma a le d’igi Apsalom mi hazi vuna na, a tchi Amnon. Ata yi máma amulâ groma pet a tchola, nge nge pî mi nga yam koro ma akulum ma akulum mama, mi ringâ.

2 Samuel 18:9

Ata yi máma Apsalom mi ndabo suma hi David-na. Mi nga yam koro ma akulum ma akuluma. Koro mama mi kal ad’u abo agu ma ngolâ. Apsalom tumus sa kamba ti vakulo ata abo agu máma, mi ar sä gapa akulo, koro mama mi ngabom djangâ.

1 Amuleina 1:33

Mi dazi ala: Agi togogi azungeî man suma d’engzengâ, agi hlagi gorona Salomon, agi tinim yam koro ma nda amula, agi igi ki sed’em avun mbiyo ma lau ma Gihon-na.

Esdras 2:66

A nga kakulumeina 736, koro ma akulumei akulumeina 245,

Sunda hi suma hi Levi-nid’a 18:4

Agi tid’igi yam vun man ma hed’a, agi ngomogi gat manda, agi tid’igi kaziya, kayam an ni Ma didina Alo magina.

Sunda hi suma hi Levi-nid’a 19:37

Agi ngomogi gat manda ki vun man ma he ma tetengâ pet, agi lagi sunda kazi mi, kayam an ni Ma didina.

Sunda hi suma hi Levi-nid’a 20:8

Ma didina mi de mi Moise kua ala: Agi ngomogi vun man ma hed’a, agi lagi sunda kam mi, kayam an ni Ma didin ma tinigi iragi vagina.

Sunda hi suma hi Levi-nid’a 22:31

Agi ngomogi vun man ma hed’a, agi lagi sunda kam mi, kayam an ni Ma didina.

Sunda hi suma hi Levi-nid’a 25:18

Agi tid’igi yam gat manda, agi ngomogi vun man ma hed’a, agi lagi sunda kazi mi. Hina wani, agi mba kagagi ki halasa kur ambas magid’a.

Wana ni Zla d’a Djivi d’a Luc mi b’irita 5:36

Jesus mi dazi zla d’a d’ogola ala: Sa nga mi haû vun baru d’a awilid’a, mi dubut ata baru d’a adjeud’a d’i. Le mi le na ni, ndat mba d’i haû d’a awilid’a woyo, vun baru d’a awilid’a nga d’i zlap ki d’a adjeud’a d’i.

Romê-na 11:6

Mi manazi ni yam suma mamba, ni yam sun mazi d’a led’a d’uo. Le ni hina d’uo ni, sumad’a ni suma d’a gagazid’a d’uo d’a.

Gat ta a hat á mbàd’id’a 4:1

Moise mi dazi kua ala: Agi Israel-lâ, agi humugiya! Agi tid’igi yam gata ki vun ma he ma an nga ni hagizina, kayam agi kagagi karid’a, agi kalagi kur ambas sa Ma didina Alona habuyogi ngolona mi hagizid’a mi.

Gat ta a hat á mbàd’id’a 4:5

Agi wagiya, an had’agi gata ki vun ma hed’a d’igi Ma didina Alo mana mi han vuna na kayambala fata agi kalagi kur ambas sa agi mba hlat á kagagi kura, agi tid’igi kaziya d’a.