Sunda hi suma hi Levi-nid’a 19:16 - Bible azumeina

¹⁶ Ang tchuk zla d’a aboina yam sum mangâ d’i, ang tchol ki zla d’a aboina á tchi ndrangâ d’uo mi, kayam an ni Ma didina.

Sunda hi suma hi Levi-nid’a 19:16 Iomraidhean Croise

Wana ni mbaktumba hi Job-pa 17:5

Sama mi yi buniyôma á b’rau ahle suma a hurumuzï ata yima ayînina, groma a mba fe va d’i.

Sawal la giled’a 101:5

Sama mi ka hula yam ndromina, an mba ni bam mbeyo; suma a nga fo avilid’a mi ndrozinina, an mba ni arazi woyo.

Sawal la giled’a 15:3

Ni sama nga mi de zla d’a kad’a d’uo na, ni sama nga mi le ndram tcho d’uo na, ni sama nga mi ngul ndram ma azina d’uo na mi.

Sawal la giled’a 50:20

Ang nga min tang á de zla d’a tchod’a yam wiyengâ, ang nga las wiyeng ma asungâ tamba.

Buzuk ka Abud’a 20:16

Ar ang le glangâs ma aboina yam ndrangâ d’i.

Buzuk ka Abud’a 23:1

Ma didina mi de kua ala: Agi tid’igi avun suma ki zlad’a aboina d’i, agi ndjagagi vunagi ki sama asa’atna á le glangâs ma aboina á ndjunum mbi.

Buzuk ka Abud’a 23:7

Agi walagi woi ki zla d’a kad’a, ar agi kagi sariya d’a matna yam sama bei zlad’a kama d’oze yam sama d’ingêrâ d’i, kayam an mba ni ar bei ka sariyad’a yam sama ka sariya d’a matna yam sa mámina d’i.

Zla d’a d’ogolâ 10:18

Sama nga mi ve sana kurum gumuna ni sama ka zlad’a, wani sama lilid’a nga mi tchuk zla d’a aboina yam ndrama aduk suma.

Zla d’a d’ogolâ 11:13

Sama nga mi tchuk zla d’a aboina yam ndrama aduk sumina, nga mi de woi yam zla d’a gumunda, wani sama mi nga ki djib’er ra iratina, mi ngeyet ni kä kurumu.

Zla d’a d’ogolâ 20:19

Sama mi ka ad’u sumina mi ge ni zla d’a mudurid’a ad’ut teyo. Ang wal tang ngei ki sama vunam afefeta á de zlad’ina.

Jeremi 6:28

Jeremi mi dala: Azi pet ni suma bei hum vuna ba na, azi ni suma las suma. Azi ni d’igi kawei ma hleuna ki ma wurana na, azi pet ni suma a b’lak keina.

Jeremi 9:4

Agi pet, nge nge pî mi gol tam djivi ki ndram mazina, agi tinigi hurugi yam wiyegi ma ding ngi, kayam b’oziyogina pet ni suma ka zlad’a, ndrogina pet ni suma a nga las sumina.

Ezekiyel 22:9

Suma tchuk zla d’a aboina yam suma á tchi sumina a nga kurungû. Suma a tahle suma a hazi mi fileina akulo yam ahuniyônina a nga kurungû, suma a nga le sun nda batrangina a nga kurung mi.

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

Gat ta a hat á mbàd’id’a 27:25

Sama mi ve he d’a hawad’a abo sana á tchi sama zlad’a nga kam mbuo na, Ma didina mi gum vuna! Ablau suma petna a hulong ded’a ala: Amin!

1 Timote 3:11

Hina mi, aropma a ka’î suma d’engzengâ, suma bei kad’u suma, suma a ve tazi ngingringâ, suma iratna kur ahlena pet mi.

2 Timote 3:3

Azi ni suma asa’atna, suma bei we hohowa sumina, suma kad’ud’a, suma bei ve tazina, suma murud’umba, suma a kak djangûna ki djivid’ina.

Wana ni mbaktum mba Paul mi b’irit mi Tit-ta 2:3

Hina mi, ang de marop momorogeina a ka’î d’igi arop suma yed’etna na, a kad’u sa d’i, a gurut ki süma d’uo mi. Ang arazi a hat ni hat ta djivid’a,

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

1 Samuel 24:10

David mi de mi Saul ala: Ni kayam me ba, ang ve zlad’a hi suma a nga dang ala an nga ni halang á tchid’a na ge?