Sunda hi suma hi Levi-nid’a 19:10 - Bible azumeina

¹⁰ Agi dud’ugi vut guguzlu d’a ar akulo blogogid’a d’i; d’a yak kä andagad’a, agi yot tuo mi. Agi aragizi kä mi suma houd’a kangoyogeina, kayam an ni Ma didina Alo magina.

Sunda hi suma hi Levi-nid’a 19:10 Iomraidhean Croise

Isai 17:6

Ma didina Alona hi Israel-lîna mi dala: Israel-lâ a mba arî d’igi hele ma suma a tchuma d’oze d’igi agu olif ma suma a tchum ki agigleuna mi ar akulo ata aguwam mbà d’oze hindi d’oze fid’i d’oze vahl ata aboma na.

Isai 24:13

Zla ndata mba d’i mba kur ambasa aduk suma ni d’igi a tchi vud’agu olifâ na, d’igi sana mi tchi helena balum guguzlu d’a a d’ud’ut teid’a na mi.

Jeremi 49:9

Le suma dut guguzlud’a a mba hatagiya ni, a mba ar ades guguzlud’a akulo nde d’uo zu? Le suma kula a mba andjege ni, a mba yo nahle suma a ndak á yod’ina hol luo zu?

Sunda hi suma hi Levi-nid’a 11:44

An ni Ma didina Alo magina; agi mba mbud’ugi tagi yed’et, agi mba kagagi suma yed’etna, kayam an ni Ma bei tchod’a ba na. Ar agi mbud’ugi tagi ndjendjed’a kahle suma gurei suma a dram kä yam andagad’ina d’i.

Sunda hi suma hi Levi-nid’a 19:11

Agi kulugi d’i, agi kagi tagi zlad’a d’i, agi lobogi ir tagi d’uo mi.

Sunda hi suma hi Levi-nid’a 19:25

Kur biza d’a vahla, agi tazi vud’uziya, agi tchagazi mi, kayam an ni Ma didina Alo magina.

Sunda hi suma hi Levi-nid’a 19:9

Fata agi dud’ugi awunid’a, agi aragi apei asinena kä bei duta nde nde. Awu ma mi ar tchuka kä blangâgi á tchum helenina, agi varam mbi.

Sunda hi suma hi Levi-nid’a 23:22

Fata agi mba dud’ugi awu maginid’a, agi aragi apei asine magina kä bei duta nde nde, agi varagi awu ma yak kä blogogina d’i. Agi aragizi mi suma houd’a kangoyogeina, kayam an ni Ma didina Alo magina.

Sunda hi suma hi Levi-nid’a 25:6

Ni yam tuk tad’a handaga ndatid’a ba, agi mba fagi ki tena, nala, angû, azong mangâ ki wei manga, sama lang sunda yam beged’ina kangei ma nga kaka ki sed’engâ,

Abdiyas 1:5

Le suma kula d’oze suma hurum ahlena a mba avo hatagi andjege ni, gagazi, a mba b’lagagiya, a mba kulï ahle suma huruzi minizina d’uo zu? Le suma dut guguzlud’a a mba avo hatagiya ni, a mba arî guguzlud’a blangâtna akulo hol luo zu?

Mise 7:1

Ni zla d’a hohoud’a kanu! An mbut ni d’igi sama mi tchi helena balum sumina na, d’igi sama mi tchi helena balum guguzlu d’a a dud’ut teid’a na, nga ni fe vud’a guguzlud’a á ted’a d’i, nga ni fe vud’a tulum ma awili ma an minima d’uo mi.

Gat ta a hat á mbàd’id’a 24:19

Fata agi zagi awu maginid’a, le mbugulud’a ti mar kä blogogi kur asinena ni, agi hulong yot ti, agi arat ni mangeina ki ma hokuyod’a katcha d’a modonod’a kayambala Ma didina Alo magina mi b’e vunam kagi kur sun nda lara ge pet ta agi mba lat kabogid’a d’a.

Gat ta a hat á mbàd’id’a 24:20

Ata yima agi tchagi agu olif maginina, agi lagi hina mi, agi hulongôgi ata blangâm ma ar akulona á tchid’a d’i. Agi aragizi ni mangeina ki ma hokuyod’a katcha d’a modonod’a.

Gat ta a hat á mbàd’id’a 24:21

Ata yima agi ngad’agi vud’a guguzlu magid’ina, agi lagi hina mi, agi hulongôgi ata blangât ma ar akulona d’i, agi arat ni mangeina ki ma hokuyod’a katcha d’a modonod’a.

Suma ka sariyad’a 8:2

Zedeyon mi hulong dazi ala: Ki tchetchemba, an le ni suna me ba, ti ndjak ki magid’a ge? Guguzlu d’a agi suma hi Efraim-ma tchat helena wanda, ti kal nga d’a suma hi Abiyezer-râ a tchat vunat ma avo’îna d’uo zu?

Wana ni mbaktum mba a b’irit yam Rut-ta 2:2

Bur tu, Rut ta Mowap-pa ti de mi Naomi ala: Ndak aran an i abagei tchi helena kur asinena hi sama hurum vana. Naomi ti hulong dat ala: Akunonda, ndak iya.