Sunda hi suma hi Levi-nid’a 18:26 - Bible azumeina

²⁶ Ar agi tid’igi yam gat manda ki vun man ma hed’a, ar agi d’oze angei ma nga kaka adigagina sa mi lahle suma ndjendje ndazina tu d’i.

Sunda hi suma hi Levi-nid’a 18:26 Iomraidhean Croise

1 Amuleina 14:24

Azi nga kandjuvei suma gaulangâ karop suma gaulangâ kur ambasa. Azi nga lahle suma lara ge pet handjaf suma Ma didina mi digizi woi adjeu á ar yina mi Israel-lîna.

Sunda hi suma hi Levi-nid’a 17:10

Le ma Israel-lâ d’oze angei ma nga kaka adigagina, mi te buzuna hi vama lara ni, an mba ni mbut iran ni kak djangûna ki sama te buzu mámina, a mba pad’am mbei aduk sum mama.

Sunda hi suma hi Levi-nid’a 17:8

Le ma Israel-lâ d’oze angei ma nga kak adigagina, mi he vama ngat buzu ma ngala d’oze vama ngat buzuna,

Sunda hi suma hi Levi-nid’a 18:25

Ambas ndata ti mbut ndjendjed’a. Ni kayam ndata ba, an ngobot yam tcho mata; ti noî sum matna woyo.

Sunda hi suma hi Levi-nid’a 18:27

Kayam suma a kak yam andaga d’a wanda avorogina a lahle ndazina, ambasa ti mbut ki ndjendjed’a wana.

Sunda hi suma hi Levi-nid’a 18:30

Agi tid’igi yam vun man ma hed’a, agi lagi sun nda ndjendje d’a a lat avorogi kuad’a d’i, agi mbud’ugi tagi ndjendjed’a ki sed’et tuo mi, kayam an ni Ma didina Alo magina.

Sunda hi suma hi Levi-nid’a 18:5

Agi ngomogi gat manda ki vun man ma hed’a. Sama nga mi tit kazina mba mi kak karid’a ni kaziya, kayam an ni Ma didina.

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Wana ni Zla d’a Djivi d’a Luc mi b’irita 8:15

Wani andjaf ma mi nde kur andaga d’a djivid’ina ni suma a hum zlad’a, a vat ki hur ma djivinina, a kak suma d’engzengâ, a vut mi.

Jean 14:15

Jesus mi dazi kua ala: Le agi lagi kanu ni, agi ngomogi vun man ma hed’a.

Jean 15:14

Le agi nga lagi ahle suma an hagi vuna kazina ni, agi ni buniyôn suma kokodjona.

Gat ta a hat á mbàd’id’a 12:32

Agi tid’igi yam vun ma he ma an hagizina, agi ngomogiziya, agi tinigi vama ding kam kua d’uo mi na, agi pad’agi va woi kua d’uo mi.

Gat ta a hat á mbàd’id’a 4:40

Agi ngomogi gat mamba ki vun mam ma he ma an nga ni hagizi inina kayambala agi ki grogi suma blogogina, agi kagagi ki furîd’a tala agi tagi kagagi tatâ yam andaga d’a Ma didina Alo magina nga mi hagizi ki iragi fafat wanda d’a.