Sunda hi suma hi Levi-nid’a 17:8 - Bible azumeina

⁸ Le ma Israel-lâ d’oze angei ma nga kak adigagina, mi he vama ngat buzu ma ngala d’oze vama ngat buzuna,

Sunda hi suma hi Levi-nid’a 17:8 Iomraidhean Croise

2 Samuel 24:25

David mi min yima ngal ahle suma ngat buzuna mi Ma didina, mi he he d’a hawa d’a ngala kahle suma ngat buzu suma zlap darigïd’a mi. Ata yi máma Ma didina hurum b’leng ngei yam suma kur ambas sa Israel-lina; tugud’ei d’a tcho d’a tchi mat ndata ti ar Israel-lâ bei tchid’a mi.

Sunda hi suma hi Levi-nid’a 17:10

Le ma Israel-lâ d’oze angei ma nga kaka adigagina, mi te buzuna hi vama lara ni, an mba ni mbut iran ni kak djangûna ki sama te buzu mámina, a mba pad’am mbei aduk sum mama.

Sunda hi suma hi Levi-nid’a 17:4

le mi mbam nga avun zlub’u d’a ngaf tad’a á hum he d’a hawad’a avogon an Ma didina ata yima a tinim iram vama d’uo ni, an mba ni ndum buzuna hi va mámina ni yam sa máma. Kayam mi vo ni buzuna woyo, a mba pad’am mbei aduk sum mama.

Sunda hi suma hi Levi-nid’a 17:7

Ar azi ngat ahle mazi suma ngat buzuna mi filei ma mi hle tam dedege d’igi mbekmberena na na d’i. Ar azi mbut tazi ndjendjed’a ki sed’em mbi. Gat ndata ti arî gat ta didinda kazi kandjavaziya.

Sunda hi suma hi Levi-nid’a 17:9

le mi im nga avun zlub’u d’a ngaf tad’a á hum vama ngat buzuna mi an Ma didina d’uo ni, a mba pat sa máma woi aduk sum mama.

Sunda hi suma hi Levi-nid’a 3:7

Le mi he ni gor timina ni, mi mbam avogon an Ma didina,

Malatchi 1:11

Ma didin ma ad’engêm kal petna mi dala: Deîd’a hafatid’a gak nik mata, simiyên nga mi yï aduk andjaf suma, a nga ngalan dubang ma his djivid’ina á suburun simiyênu, a nga mban ahle suma ngat buzu suma nda’â mi, kayam simiyên nga mi yï aduk andjaf suma.

Josue 22:11

Israel-lâ a hum ala: Gola! Suma hi Ruben-na ki suma hi Gad-na kabo andjafâ hi Manase-na a min nga yima ngal ahle suma ngat buzuna yam ambas sa Kanan-nda avun alum ma Jurdê-na abo ma ei iragi ka hina.

Josue 22:15

Azi i ata suma hi Ruben-na ki suma hi Gad-na kabo andjafâ hi Manase-na kur ambas sa Galät-ta, a dazi ala:

Josue 22:16

Ablaud’a hi Ma didinid’a ti dala: Ni kayam me ba, agi lagi tcho d’a ngola avok Alona hi Israel-lîna ge? Ni kayam me ba, agi walagi woi ki Ma didina ini agi minigi yima ngal ahle suma ngat buzuna yam tagi á kak djangûna ki sed’em ge?

Suma ka sariyad’a 6:26

Ang hulong min yima ngal ahle suma ngat buzu ma djivi ma kalâ yam yima nding máma mi an Ma didina Alo mangâ. Ang vamuhl ma mbàna, ang hum vama ngat buzu ma ngala, ang ngalam mbei kaguna hi Asera ma ang kuzum mbei máma.

1 Samuel 10:8

Ang iza avoron Gilgal. An mba ni iza bugol á he vama ngat buzu ma ngala ki vama ngat buzu ma zlap darigïd’a; ang djubun sä kua burâ kid’iziya gak an mba ni mbaza, an mba ni dang vama ndak ang luma.

1 Samuel 16:2

Wani Samuel mi hulong dum ala: An mba ni i ni nana ge? Le Saul mi huma ni, mba mi tchanu. Ma didina mi dum kua ala: Ang vamuhl hla weid’a ad’ungû, ang dala ang i han ni he d’a hawa d’a ngat buzuna.

1 Samuel 7:9

Samuel mi ve gor timi ma tchapona, mi hum vama ngat buzu ma ngala mi Ma didina, mi ngalam mbei pepet, mi tchen Ma didina yam Israel-lâ; Ma didina mi humum mi.