Sunda hi suma hi Levi-nid’a 16:4 - Bible azumeina

⁴ Mi mbus tam mbeyo, mi tchuk baru d’a ngol la luluî d’a a tinit irat vata atam ki kalsong ma luluîna, mi djin d’ik ma luluîna furumu, mi d’ut kadamul la luluîd’a kam mi. Wana ni baru ma a tinim iram vam ma mam tchugum atama.

Sunda hi suma hi Levi-nid’a 16:4 Iomraidhean Croise

Buzuk ka Abud’a 28:2

Ang tchil baru d’a djif fa kal teglesa mi wiyengâ Aron á tagam subur mamba ki ngol mamba woyo.

Buzuk ka Abud’a 29:4

Ang mba ki Aron azi ki groma avun zlub’u d’a ngaf tad’a, ang dazi ala a mbus abozi kasezi woi ki mbina.

Buzuk ka Abud’a 30:20

Ata yima a i á kal kur zlub’u d’a ngaf tad’a, d’oze a mba ata yima ngal ahle suma ngat buzuna á le sun nda ngal ahle suma ngat buzuna suma ngala avorona, azi mbus abozi kasezi ki mbiyo máma kayam azi bo d’i.

Buzuk ka Abud’a 40:12

Ang mba ki Aron azi ki groma avun zlub’u d’a ngaf tad’a, ang dazi ala a mbus abozi kasezi woyo.

Isai 53:2

Mi wul avoromî d’igi agu ma mi deî awilina na, d’igi agu ma mi deî yam andaga d’a sod’ina na mi. Mi nga ki djif foze mi wile tala ei golomu d’a d’i, iram mbi nga djivid’a á togei irei kam á gola d’uo mi.

Ezekiyel 44:19

Ata yima a mba buzuk kei á i hur atrang nga abud’a gen suma a nga tokina, a fok baru ma a le ki sundina kä woyo, a tchuguzi kur gongîyo suma a tinizi irazi vazina. Bugola, a tchu’î baru ma dingâ atazi ba, a buzuk ki woi abua. Hina wani, suma hawana a mba fe lovota á mbut suma a tinizi irazi vazina d’uo mi.

Ezekiyel 9:2

Gola! Andjofâ karagaya a tcholï ki lovot ta avun agrek ma akulona d’a abo ma norîd’a. Nge nge pî mi nga ki va mam ma b’lak yina abomu. Sana tu mi nga adigaziya, mi tchuk baru d’a hap pa luluîd’a atamu, mi djin ahle suma a b’ir ki sed’ezina yam d’ik mama mi. A mba tchol go ki yima ngal ahle suma ngat buzu ma a lum ki kawei ma hleunina.

Sunda hi suma hi Levi-nid’a 16:23

Aron mi kal kur zlub’u d’a ngaf tad’a, mi fok baru ma luluî ma mam tchugum atam mi kal kadjï ata yima a tinim iram vam ma kal teglesîna woyo, mi gabam sä kua.

Sunda hi suma hi Levi-nid’a 16:24

Mi mbus tam mbei aduk mbina ata yima ding ma a tinim iram vama, mi hulong tchuk baru mama atamu, mi i he va mam ma ngat buzu ma ngala ki ma hablau sumina, mi zlup yam tcho mamba ki d’a hi sumid’a mi.

Sunda hi suma hi Levi-nid’a 16:32

Sama mba mi zlup yam tchod’ina, ni ma ngat buzu ma a manam a vom mbulâ kam á vrak balum abum á le sun nda ngat buzunid’a. Mba mi tchuk baru ma luluî ma a tinim iram vama atamu,

Sunda hi suma hi Levi-nid’a 6:10

Ar a yat kangufa d’i. Ni b’raud’a an hazizi aduk ahle suma a handji he d’a hawa d’a ngalina; ni vama a tinim iram vam ma kal tegles mi an Ma didinina d’igi vama a hum vama ngat buzuna á zlup yam tchod’ina ki vama ngat buzu ma yam tchilad’ina na mi.

Sunda hi suma hi Levi-nid’a 6:3

Ma ngat buzuna mi tchuk baru mam mba ngola atamu, mi tchuk kalsongâ ad’um mi, mi yo bubud’aku d’a a ngal he d’a hawa d’a ngal la yam yima ngal ahle suma ngat buzunid’a, mi tchugum kä gen yima ngal ahle suma ngat buzuna go.

Wana ni Zla d’a Djivi d’a Luc mi b’irita 1:35

Malaikana mi hulong dat ala: Muzuk ma bei tchod’a ba na mba mi mba kagu, ad’enga hAlo ma sä akulo ma kal teglesîd’a mba d’i zlubuk yak d’igi angusâ na. Kayam ndata, gor ma bei tcho ma ndak mba d’i vud’uma, Alona mba mi tinim simiyêm ala Alo ma kal teglesâ Goroma.

Filip-ma 2:7

Wani mi fok tam mba subura woyo, mi hle tad’a hi magomid’a, mi mbut tam dedege d’igi suma na.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

Hebre-na 2:14

Gro ndazina ni suma ki hliuna ki buzunina. Kayam ndata, Jesus tamba mi mbut tam d’igi azi na. Mi le hina ki mad’am á b’lak Diable ma nga kad’enga hi matnid’a aboma woyo,

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.