Sunda hi suma hi Levi-nid’a 16:29 - Bible azumeina

²⁹ Wana ni gat ta didin nda kagid’a: Kur bur ma dogona hi til ma kid’iziyana, agi d’elegi tagi bei te tena, agi tugugi tagi bei le sunda, agi tagid’a kangei ma nga kaka adigagina.

Sunda hi suma hi Levi-nid’a 16:29 Iomraidhean Croise

1 Amuleina 8:2

Israel-lâ pet a tok gen amulâ Salomon á le vun tilâ hi til ma Etanim-ma, nala, til ma kid’iziyana.

Esdras 3:1

Kid’a Israel-lâ a mba avo hatazi kur azì mazina ata yima a kal kur til ma kid’iziyanina, a tok tazi d’igi sama tuna na avo Jerusalem.

Esdras 8:21

Ata yima ami nga avun alum ma Ahava mámina, an he vuna ala ami d’elemi tami bei te tena, ami gami yami kä avok Alo meina, ami tchenem mi ndjunumi ki gromina kahle mamina pet kur tit mamid’a mi.

Sawal la giled’a 35:13

Wani ata yima azi nga tugud’eid’ina, an tchuk dodora atanu, an mbut tan hohoud’a, an d’el tan bei te tena, an tchen Alona kazi ki yan tchoka kä.

Sawal la giled’a 69:10

Tan nga d’i lan zlezleû yam gong manga, ngul la suma a nga ngulunga ti hulong kanu.

Buzuk ka Abud’a 12:16

Kur bur ma avo’â agi mba togogi tok ka a tinit irat vata, kur bur ma kid’iziyana agi mba togogi tok ka ding nga a tinit irat vata mi. Ar sa tu pî mi le sun kur bur máma d’i, ar nge nge pî mi le ni te mama hol.

Buzuk ka Abud’a 20:10

Wani bur ma kid’iziyana ni bur ma sabat ma ang tinim iram vam yam an Ma didina Alo mangîna. Ar ang le sunda kua d’i, nala, ang tanga, gorongâ, goronga, azong mangâ, wei manga, d’uwar mangâ d’oze angei ma nga kaka avo hatangâ.

Buzuk ka Abud’a 30:10

Aron mba mi yam buzuna hi vama a ngad’am á zlup yam tchod’ina ata keng yima ngal dubang ma his djivid’ina yam tu kur bizad’a. Agi lagi hina á zlup yam tchod’a kur biza d’a lara ge pet kur atchogoi magid’a pet mi. Yima ngal dubang ma his djivid’a máma mba mi arî yima yed’et ma a tinim iram vam yam an Ma didinina.

Buzuk ka Abud’a 31:14

Agi ngomogi bur ma sabatna, kayam mam mba mi arî bur magi ma a tinim iram vama. Sama ngomom nga d’uo na, agi tchum mbeyo; sama lara ma le sunda kur bur mámina, a mba pad’am mbei aduk sum mama.

Buzuk ka Abud’a 31:15

Agi lagi sunda burâ karagaya, wani bur ma kid’iziyana ni bur ma tuk ta ma a tinim iram vam yam an Ma didinina. Sama lara ma le sunda kur bur ma tuk ta mámina, agi tchum mbeyo.

Isai 58:13

Le ang d’el tang bei tita kur bur ma sabatna á le min manga kur bur man ma an tinim iram vama d’uo, le ang mbut bur ma sabatna ni bur mang ma furîd’a, ang tinim iram vam á suburun an Ma didina, le ang suburum ná tit yam min manga d’uo, á le vama ang hurung minima d’oze a de zla d’a hawa yaka d’uo mi ni,

Isai 58:3

Azi nga dan ala: Le ang nga golomi d’uo ni, d’el ta mami d’a bei te tenid’a, zlat ni zla me ge? Le ang nga tin irang kami d’uo ni, mbut ta ami mbud’umi tami hohoud’id’a, zlat ni zla me ge? Wani an hulong dazi ala: kur bur ma agi d’elegi tagi bei te tenina ni yam min magid’a, agi lagi magi suma a lagi sundina kad’enga mi.

Isai 58:5

Ni d’el tad’a sana mi mbut tam hohoud’a hina d’a ba, an minit tchu? D’oze mi hom yam kä d’igi tchereuna na, mi tchuk baru d’a dodora atamu, mi bur kä aduk butna. Ni hina ba, agi mba yat ala ni d’el ta d’a bei te tena d’a bur tu an Ma didina tan lan djivid’a heî kata zu?

Daniel 10:12

Mi dan kua ala: Daniel, ang le mandar ri. Tin ad’ud’a kur bur ma avok ma ang mbut tang hohoud’a ang ge yang kä avok Alo mangâ á wäd’u vama lena, mi hum tchen manga. Kayam ndata, an mbeï geveng ná hang humba.

Daniel 10:3

Kur dimas sa hindi ndata, an te nga te ma djivi d’oze ni mut nga hliu d’oze ni tche nga süm guguzlu d’oze ni le nga mbul atan nduo mi.

Sunda hi suma hi Levi-nid’a 23:21

Kur bur máma agi tchagi wala yam tok ka a tinit irat vata. Agi lagi sun nda kaud’a kur bur máma d’i. Wana ni gat ta didinda yam andjavagi ata yima lara ge pet ma agi mba kagagi kuana.

Sunda hi suma hi Levi-nid’a 23:3

Agi mba lagi sunda burâ karagaya, wani bur ma kid’iziyana ni bur ma sabat ma tuk tad’a. Agi togogi tok ka a tinit irat vata. Ata yima lara ma agi mba kagagi kuana, agi lagi sunda kur bur máma d’i, kayam ni bur ma sabatna hi an Ma didinina.

Sunda hi suma hi Levi-nid’a 23:36

Agi hagi ahle suma ngat buzu suma ngala mi an Ma didina gak burâ kid’iziya. Kur bur ma klavandina, agi togogi tok ka a tinit irat vata, agi hagi ahle suma ngat buzu suma ngala mi an Ma didina. Bur máma mba mi mbut ni bur ma agi togogi tok ka ngol la a tinit irat vat zenenda; agi lagi sun nda kaud’a kur bur máma d’i.

Sunda hi suma hi Levi-nid’a 25:9

Kur bur ma dogona hi til ma kid’iziya ma kur biza ndatina, agi mba bugi adif fa furîd’a. Ni bur ma ngol ma zlup yam tchod’a. Agi bugi adifa kur ambas magid’a pet.

Sunda hi suma hi Levi-nid’a 3:17

Kayam ndata, ata yima lara ma agi mba kagagi kuana, agi mba tagi mbul loze buzuna d’uo mi. Zla ndata ti arî gat ta didinda yam andjavagi pet.

Ndumba 29:7

Ma didina mi de kua ala: Kur bur ma dogona hi til ma kid’iziyanina, agi togogi tok ka a tinit irat vata á kud’uron an Ma didina, agi d’elegi tagi bei te tena kur bur máma, agi lagi sun nda kaud’a kur ri.

Sunda hi suma a sunuzinid’a 27:9

Kid’a yina mi kalami ngolid’a, tit ta aduk mbinid’a ti mbut ni vama matna, kayam bur ma d’el tad’a bei te tena kal wa. Kayam ndata, Paul mi gad’azi ala:

1 Korente-na 11:31

Wani le ei nga kei sariyad’a yam teya ni, sariyad’a hAlonid’a mba d’i vei d’i.

Hebre-na 4:10

Kayam sama kal ata yima tuk tad’a hAlonina, mi tuk tam yam sun mamba, d’igi Alona mi tuk tam yam sun mamba na mi.

1 Samuel 7:6

Azi tok avo Mispa, a gul mbina, a vom mbei avok Ma didina, a d’el tazi bei te tena. Kur bur máma a de woi ala azi le tchod’a avok Ma didina. Navo Mispa ba, Samuel mi kak ma ngolâ avok Israel-lâ.