Sunda hi suma hi Levi-nid’a 15:31 - Bible azumeina

³¹ Agi walagi Israel-lâ woi ki ndjendje mazid’a, tala azi mbut yi man ma kak ma adigazina ndjendjed’a mbut ba, a bo d’a d’i.

Sunda hi suma hi Levi-nid’a 15:31 Iomraidhean Croise

Sawal la giled’a 66:18

Ladjï an ngom tchod’a kurunu ni, Salad’a mba mi humun ndi.

Ezekiyel 23:38

Vama azi landjina wan d’ei: A mbud’un yi man ma an tinim iram vama ndjendjed’a kur bur máma baba, a mbud’un bur man ma sabatna ndjendjed’a mi.

Ezekiyel 36:17

Ang gor sana, kid’a Israel-lâ a nga kaka yam andaga mazid’id’a, a mbud’ut ndjendjed’a ki tit mazid’a ki sun mazi d’a led’a. Tit mazi d’a avoronda ni ndjendjed’a d’igi atcha d’a fe buzunid’a na.

Ezekiyel 44:23

Azi mba hat sum mana a wal ir ahle suma hawana kahle suma a tinizi irazi vazina, á wal ir ahle suma ndjendjed’a kahle suma yed’etna mi.

Ezekiyel 5:11

Ni kayam ndata ba, an Salad’a Ma didin ma bei matna nga ni dagiya: Kayamba agi mbud’un yi man ma an tinim iram vama ndjendjed’a ki filei magina pet ki sun magi d’a ndjendjed’id’a, an tanda mba ni hle iran ndei kagi bei ni wagi hohowogiya, an mba ni ngobogi bei ni wagi hohowogi ba mi.

Daniel 9:27

Mam mba mi le suma kad’enga ablaud’a á djin vunazi ki sed’em gak bizad’a kid’iziya. Kur biza d’a hindi ki nusid’a, mam mba mi d’elezi á hahle suma ngat buzuna ki he d’a hawad’a. Ma b’lak yina mba mi ndak vun sun mam mba ndjendjed’a atogo zak, gak b’lak ka a ngata ti nde yam ma b’lak yi máma.

Sunda hi suma hi Levi-nid’a 11:47

kayam agi walagi ir ahle suma yed’etna kahle suma ndjendjed’a, azar ma ndak á mutnina kazar ma ndak á mutna d’uo na mi.

Sunda hi suma hi Levi-nid’a 13:59

Wana ni gat ta yam guvur ra ata baru ma tumusid’a, d’oze ata baru ma luluîna, d’oze ata vayirâ, d’oze ata baru ma aduburo’â, d’oze ata vama lara ma a lum ki ba’îna. Ni ndat ba, mba d’i tak kei ala nahle suma yed’etna d’oze nahle suma ndjendjed’a na.

Sunda hi suma hi Levi-nid’a 15:32

Wana ni gat ta yam sama mi hle mbilâ d’oze yam sama sumura djang atam ti mbud’um ndjendjed’ina,

Sunda hi suma hi Levi-nid’a 19:30

Agi ngomogi bur man ma sabat ma tuk tad’a, agi ringîgi mandara zlub’u man nda kud’ora mi, kayam an ni Ma didina.

Sunda hi suma hi Levi-nid’a 20:3

An tan mba ni mbut iran ata sa máma, mba ni pad’am mbei aduk sum mama, kayam mi he goroma malo ma a yum ala Molo’â, mi mbut zlub’u man nda kud’ora ndjendjed’a, mi lazan simiyên Ma bei tchod’ina mi.

Sunda hi suma hi Levi-nid’a 21:23

Wani mi i ata yima baru d’a ka ira d’i, mi hut go gen yima ngal ahle suma ngat buzuna d’uo mi, kayam mi ni daka. Ar mi mbut yi man ma a tinim iram vama ndjendjed’a d’i, kayam an ni Ma didin ma ni tin yi máma iram vama.

Ndumba 19:13

Sama lara ma mi do mad’a sana mi mbut nga tam yed’et tuo na, mi mbut ni zlub’ud’a hi Ma didinid’a ndjendjed’a. Sa máma a mba pad’am mbei aduk Israel-lâ, kayam a yamam nga mbiyo ma mbut ki suma yed’etna kam mbi. Mba mi arî kaka ki ndjendjed’a na, ndjendje mamba ti arî kaka hina mi.

Ndumba 19:20

Sama ndjendje ma mi mbut nga tam yed’et tuo na, a mba pad’am mbei aduk ablaud’a, kayam mi mbut ni yima a tinim iram vam mi an Ma didinina ndjendjed’a. Mba mi ka’î ki ndjendjed’a hina, kayam a yamam nga mbiyo ma mbut sana yed’etna kam mbi.

Ndumba 5:3

Le natchad’a d’oze mandjufâ, ang digim mbei kur kangâ kayambala mi mbut kang ma adigagi ma an nga kaka kuana ndjendjed’a d’uo d’a.

1 Korente-na 3:17

Le sana mi b’lak gong ndata woyo ni, Alona mba mi b’lagam mbei mi, kayam gong ndata ni vama Alona mi tinim iram vama. Agi tagid’a ni gong mam ndata mi.

Gat ta a hat á mbàd’id’a 24:8

Moise mi de kua ala: Yam zlad’a hi libinid’a, agi ngomogi zlad’a pet ta suma ngat buzu suma hi Levi-na a had’agizid’a, agi ngomogizi djiviya, agi tid’igi yam ahlena pet suma an hagi vuna kazina mi.

Hebre-na 10:29

Wani sama gol Alona Goroma isâ ni ma gol buzuna hi vun ma djin ma Alona mi mbud’um yed’et ki sed’ema vama hawanina, ni ma las Muzuk ma sumad’a mi na. Agi djib’eregi nga ala sama hina na, Alona mba mi kam sariyad’a kam ngola kala d’uo zu?

Jude 1:4

Kayam suma ding suma tchona a nga si kä adigei gumunu, ni suma a ka sariyad’a kazi avok deina, ni suma bei ge yazi kä ad’u Alonina; ni suma a mbut sumad’a hAlo meinid’a woi vama ndjendjed’a kur tit mazid’ina; ni suma a noî Saleina Jesus Christ ma tu ni mei ma hatina.

1 Samuel 3:14

Kayam ndata, an gun tan yam suma hi Eli-na ala: Vama ngat buzu d’oze he d’a hawa d’a ndak á pat tcho mazid’a woid’a nga d’i.