Sunda hi suma hi Levi-nid’a 15:15 - Bible azumeina

¹⁵ Ma ngat buzu máma mi he tu yam vama ngat buzu ma zlup yam tchod’a, mi he tu yam vama ngat buzu ma ngala, mi zlup yam tchod’a hi sa mámid’a avogon an Ma didina yam mbiyo ma mi djang atama.

Sunda hi suma hi Levi-nid’a 15:15 Iomraidhean Croise

Sunda hi suma hi Levi-nid’a 11:24

Ma didina mi de kua ala: Ni azi ba, mba mbud’ugi ndjendjed’a. Sama lara ma mi dozi harazina, mba mi mbut ndjendjed’a gak fladege.

Sunda hi suma hi Levi-nid’a 11:25

Sama lara ma mi hlazi harazina, mi mbus baru mama woyo, mba mi kak ki ndjendjed’a gak fladege.

Sunda hi suma hi Levi-nid’a 11:27

Ahle suma asezi fifid’i suma alivazi nga graka d’igi haho’îna na d’uo na pet, agi golozi nahle suma ndjendjed’a; sama lara ma mi dozi harazina, mba mi kak ki ndjendjed’a gak fladege.

Sunda hi suma hi Levi-nid’a 11:28

Sama lara ma mi hlazi harazina, mi mbus baru mama woyo, mba mi kak ki ndjendjed’a gak fladege.

Sunda hi suma hi Levi-nid’a 11:31

Ahle ndazina pet agi golozi nahle suma ndjendjed’a; sama lara ma mi dozi harazina, mba mi kak ki ndjendjed’a gak fladege.

Sunda hi suma hi Levi-nid’a 11:32

Vama lara ma harazi mi nde kurâ, le ni buguruna, d’oze baruna, d’oze baka, d’oze bid’imba, le ni vama lara pî ma sana mi le ki sundina, mba mi mbut ndjendjed’a; agi gum aduk mbina. Mba mi kak ki ndjendjed’a gak fladege; ni hina tua ba, mba mi mbut yed’et.

Sunda hi suma hi Levi-nid’a 11:39

Le vama agi tuma, mi mid’a ni, sama mi dom harama mba mi mbut ndjendjed’a gak fladege.

Sunda hi suma hi Levi-nid’a 11:40

Sama mi mut har va mámina, mi mbus baru mama woyo, mba mi ar kaka ki ndjendjed’a gak fladege. Sama mi hlum harama mi mbus baru mama woyo, mba mi ar kaka ki ndjendjed’a gak fladege mi.

Sunda hi suma hi Levi-nid’a 12:7

Ma ngat buzu máma mi i ki sed’ezi avogon an Ma didina, mi ngad’azi kä avogon an Ma didina, mi zlubut yam tcho mata. Ndat mba d’i mbut tei yed’et kur buzu ma mi djang atatna. Wana ni gat ta yam atcha d’a ti vut gor mandjuf foze gor atchad’id’a.

Sunda hi suma hi Levi-nid’a 12:8

Le d’i nga ki timi d’uo ni, ti yo gugu bed’egera mbà d’oze gugu d’a avo d’a gureid’a mbà, tu yam vama ngat buzu ma ngala, tu yam vama ngat buzu ma mi zlup yam tchod’ina. Ma ngat buzuna mi zlubut yam tcho mata; ndat mba d’i mbut yed’et.

Sunda hi suma hi Levi-nid’a 4:20

mi le kamuhl máma ni d’igi mi le kamuhl ma a hum á zlup yam tchod’ina na, mi le ki sed’ezi hina dedege. Mi le ki sum ndazina ni hina dedege á zlup yam tcho mazid’a. Hina wani, an Alona mba ni vat hurun ndei yam tcho mazi d’a a lata.

Sunda hi suma hi Levi-nid’a 4:26

Mi ngal mbul amuhl máma yam yima ngal ahle suma ngat buzuna pet d’igi a ngal mbul amuhl ma a hum vama ngat buzu ma zlap darigïd’a na mi. Mi le kamul máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 4:31

Mi yo mbul amuhl máma woi yam vama ngat buzuna pet, d’igi a yo mbul amuhl ma a hum vama ngat buzu ma zlap darigïd’ina na mi, mi ngalam mbei yam yima ngal ahle suma ngat buzuna. Wana ni vama his ma afufuî ma avogon an Ma didinina. Mi le ki sa máma ni hina dedege á zlup yam tcho mamba. Hina wani, an Alona mba ni vat hurun ndei yam tcho d’a mi lata.

Sunda hi suma hi Levi-nid’a 4:35

Mi yo mbul amuhl máma woi yam yima ngal ahle suma ngat buzuna pet d’igi a yo mbul timi ma a hum vama ngat buzu ma zlap darigïd’a na mi, mi i ngalam mbei akulo yam yima ngal ahle suma ngat buzuna zlapa ki he d’a hawa d’a ngal la dinga avogon an Ma didina. Mi le ki sa máma ni hina dedege á zlup yam tcho d’a mi lata. Hina wani, an Alona mba ni vat hurun ndei yam tcho mam ndata.

Ndumba 15:25

Hina wani, ma ngat buzuna mba mi zlup yam tchod’a hablaud’a hi Israel-lîd’a pet. An mba ni vat hurun ndei kaziya, kayam a le ni tcho d’a bei wat ad’uta. Azi mba ki he mazi d’a hawa d’a afut ta ngala á suburun an Ma didina ki vama azi hum á tchid’a yam tcho mazid’a avogon an Ma didina yam tcho mazi d’a azi lat bei wed’id’a.

Ndumba 25:13

Vun ma djin máma mi arî kam kandjavam ma a mba vud’um bugolâ, a mba ka’î suma ngat buzuna gak didin, kayam mam tak yungôr mama woi yam an Alo mama, kayamba mi zlup yam tchod’a hi Israel-lîd’a.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Efes-sâ 1:6

Ar ei gilei Alona yam subura hi suma mam mba mi veizi hawa zlapa tu ki Gorom ma hurum vum heînid’a.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.