Sunda hi suma hi Levi-nid’a 11:8 - Bible azumeina

⁸ Agi mud’ugi hliwa ahle ndazina d’i, agi dozi mad’azi d’uo mi, agi golozi nahle suma ndjendjed’a.

Sunda hi suma hi Levi-nid’a 11:8 Iomraidhean Croise

Isai 52:11

Agi igiya, agi igiya, agi buzugugi woi ata yi máma, agi dogi vama ndjendjed’a d’i, agi buzugugi woi avo Babilon! Agi suma nga zigi ahlena hi Ma didinina, agi mbud’ugi tagi woi yed’et.

Wana ni mbaktumba hi Oze-d’a 9:3

Suma Efraim-ma a mba kak kur ambasa hi Ma didinid’a d’i. Azi mba hulong kur ambas sa Ezipte-d’a, a mba i Asiri á te te ma ndjendjed’a.

Sunda hi suma hi Levi-nid’a 11:7

Kozongâ: Abom graka, wani nga mi gihl hatna d’i; agi golomî vama ndjendjed’a.

Sunda hi suma hi Levi-nid’a 11:9

Ahle suma aduk mbina suma agi tazina ba wana: Agi tagi ni kuluf ma ki djedjerem ki b’logom ma nga aduk alum ma nglona kalum ma gureinina mi.

Sunda hi suma hi Levi-nid’a 5:2

Le sana mi do hara vama ndjendjed’a bei mi wum ala ni ma ndjendjed’a, le ni vama avona d’oze ma abageina d’oze vama dram kä na ni, mi mbut ni tam ndjendjed’a, zlad’a nga kam mi.

Matiye 15:11

Vama kal avun sanina nga mi mbud’um ndjendjed’a d’i, wani ni vama ndeï woi avun sanina ba, mi mbud’um ndjendjed’a.

Matiye 15:20

Wana nahle suma a mbut sa ndjendjed’ina, wani tavuna bei mbus abona ba, nga mbut sa ndjendje d’i.

Marik 7:15

Vama abu ata sama ma kal kuruma mi ndak á mbud’um tchod’a d’i. Wani ni vama ndeï woi kur sanina ba, mi mbud’um ndjendjed’a. [

Marik 7:18

Mi dazi ala: Agi mi, agi ni bei wad’ud’a hina mi zu? Agi wagi nga d’ala vama woi abu pid’ak ma kal kur sanina mi ndak á mbud’um ndjendjed’a d’uo hina d’uo zu?

Marik 7:2

A we mam suma hata suma hiuna a nga te tena kabozi ma zozota, nala, a mbus nga abozi d’igi gat mazid’a de na d’i.

Sunda hi suma a sunuzinid’a 10:28

Mi dazi ala: Agi tagi wagiya, d’ela nga yam ma Juif-fâ á zlap kandjaf ma dingâ d’oze á kal avo hatamu. Wani Alona mi tagan ala ar an yi sana ma tchona d’oze ma ndjendjed’a d’i.

Sunda hi suma a sunuzinid’a 15:29

Agi tagi ahle suma a ngad’azi á tuwal fileinina d’i, agi tagi buzuna d’i, agi tagi vama guluta d’i, agi gologi tagi djivi ki mizeuna. Le agi walagi tagi woi kahle ndazina hina ped’u ni, agi mba kagagi ki lafiya d’a. Ar Alona mi ndjunugiya.

Romê-na 14:21

Djivid’a ang te hliuna d’i, ang tche süma d’i, ang noî ahlena pet suma á puk wiyengâ kä kur tchod’ina woyo.

1 Korente-na 8:8

Ni yam tena ba, ei mba hud’i go gen Alona d’i. Le ei teya, d’oze ei tei d’uo pî, ei nga fei va kua d’i.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Efes-sâ 5:11

Agi lagi darigïd’a ki suma a nga le sun nda hawa yak ka kur nduvundina d’i, wani vama kalâ, agi ngobozi ni ngoba,

Efes-sâ 5:7

Kayam ndata, ar agi zlabagi darigïd’a ki sum ndazina d’i.

Kolos-sâ 2:16

Kayam ndata, ar sa mi kagi sariyad’a kagi yam tena d’oze yam tched’a d’oze yam bur ma luna d’oze yam vun tilâ d’oze yam bur ma sabatna d’i.

Hebre-na 9:10

Ahle ndazina ni yam ted’a ki tched’a ki mbus sa tetenga. Azi ni vun ma hed’a hi sumina hawa gak bur ma Alona mi mbut ahlena pet awilid’ina.