Sunda hi suma hi Levi-nid’a 1:17 - Bible azumeina

¹⁷ Ar mi wak gugu ndata aduk bei ngad’at gigingât tei ba, ar mi ngalat tei yam yima ngal ahle suma ngat buzuna yam agu ma a vum akud’ina. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 1:17 Iomraidhean Croise

Ad’u Tinda 15:10

Abram mi hal ahle ndazina pet, mi wagazi aduk mbàmbà, mi ndjarazi avun tazi memet, wani mi wal nga aluweina aduk ki.

Ad’u Tinda 8:21

Ata yima ahle suma ngal ndazina his mazi ma afufuîna tchuk atchin Ma didinina, mi dala: An dok ni gandagad’a vuna yam sana d’uo d’a, kayam djib’er ra kur sanid’a ni tchod’a ki gogorom dei. An dok ni tchi ahle suma arina woi pet d’igi an tchazi avok na d’uo d’a.

Sawal la giled’a 16:10

Kayam ang mba aran kä ata yima azuleina d’i, ang mba ar mang ma d’engzengâ kä kur zula á tchimba d’i.

Sunda hi suma hi Levi-nid’a 1:13

Ar sa máma mi mbus aruwatna kasema woi ki mbina, mi yozi pet. Ar ma ngat buzuna mi ngalazi woi yam yima ngal ahle suma ngat buzuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 2:2

mi it mi suma ngat buzuna Aron groma. Ar ma ngat buzuna adigazi tu mi yo afut ta adiged’i d’a a vo mbulâ kat zlapa ki dubang ma his djivid’ina hur abom tu, mi ngalat tei yam yima ngal ahle suma ngat buzuna d’igi vama ge humba na. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 3:5

Aron groma a ngalazi akulo yam yima ngal ahle suma ngat buzuna zlapa ki vama hum he d’a hawa d’a ngal ma nga yam agu ma akuna. Wana ni he d’a hawa d’a ngal la his sa afufuî d’a avogon an Ma didinid’a.

Sunda hi suma hi Levi-nid’a 5:8

Mi mbazi mi ma ngat buzuna; ma ngat buzu máma mi he ni d’a zlup yam tchod’id’a avok tua, mi kat kelet tei kalivimu, bei mi ngad’at yat tei ba d’i.

Sunda hi suma hi Levi-nid’a 6:14

A tib’eged’u, a yat aku ki mbulâ kur halâ, a wizeget kä woi gegeleng á hat he d’a hawa d’a yid’a d’igi vama his ma afufuîna na, mi an Ma didina.

Sunda hi suma hi Levi-nid’a 8:21

Mi mbuzum aruwad’am mbei kasemu, mi ngalazi woi yam yima ngal ahle suma ngat buzuna ki gamlâna hliwim ma arâ pet d’igi Ma didina mi hum vuna na. Wana ni he d’a hawa d’a ngala, ni vama ngat buzu ma his ma afufuî ma avok Ma didinina.

Sunda hi suma hi Levi-nid’a 9:13

Groma a mbam hliuna hi vama ngat buzu ma ngal ma a walam mbeina ki yamba mi. Mi ngalazi akulo yam yima ngal ahle suma ngat buzuna.

Ndumba 15:3

agi mba handi vama ngat buzu ma ngala, d’oze vama ngat buzu ma zlap darigïd’a, d’oze vama ngat buzu ma ndak vun vun ma hled’a, d’oze he d’a hawa d’a kur min magid’id’a, d’oze ata yima vun le tilâ. Le ni d’uwar ma nglona d’oze ma gureina á his his ma afufuîna avoronu ni,

Ndumba 28:8

Ata yima ang mba ki gor timi ma mbàna ki fladege d’a afata i nikid’a, ang mba ki süm guguzlud’a d’igi d’a ang mbat yorogod’a na. Ni vama ngat buzu ma ngal ma his ma afufuîna ma avogon an Ma didinina.

Matiye 27:50

Jesus mi er ad’um akulo ki delem mba ngola kua, mi duk vunamu.

Jean 19:30

Kid’a Jesus mi tche süm ma azlei máma dad’a, mi dala: Ahlena pet a ndak wa, mi tchok yam kä, mi duk vunamu.

Romê-na 4:25

Alona mi hum mbei á tchid’a yam tcho meid’a, wani mi tcholom akulo aduk suma matna á mbud’i suma d’ingêrâ avoromu.

1 Pierre 3:18

Kayam Christ tamba mi mit kagi yam tu yam tchod’a hi sumid’a, sama d’ingêrâ yam suma bei d’ingêra, kayam mi mba ki sed’egi mAlona. Mi mit kur hliuna, wani mi mbut arid’a yam ad’enga hi Muzu’â hAlonina.