Kolos-sâ 4:1 - Bible azumeina

¹ Agi magumeina suliyozina, ar agi lazi ni vama djivina ki vama ata yama, kayam agi wagi ala Salagina sä akulo mi.

Kolos-sâ 4:1 Iomraidhean Croise

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 58:3

Azi nga dan ala: Le ang nga golomi d’uo ni, d’el ta mami d’a bei te tenid’a, zlat ni zla me ge? Le ang nga tin irang kami d’uo ni, mbut ta ami mbud’umi tami hohoud’id’a, zlat ni zla me ge? Wani an hulong dazi ala: kur bur ma agi d’elegi tagi bei te tenina ni yam min magid’a, agi lagi magi suma a lagi sundina kad’enga mi.

Sunda hi suma hi Levi-nid’a 19:13

Ar ang le ndrangâ ndaka d’i, ang kul luo mi, ang d’el wuraka hi sama lang sundina abong gak avin ndi.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 20:4

Mi dazi ala: Agi i lagi sunda kur asinen ma guguzlud’a mi, an mba ni hagi wurak ka ndaka. Azi i mi.

Wana ni Zla d’a Djivi d’a Luc mi b’irita 19:15

Ata yima mi mbut amul ma ngolâ dana, mi hulongî yam andaga mamba. Mi yi azungeî mam suma mi hazi beged’ina, kayam mam we mbiyo ma azi fuma.

Jacques 2:13

Sama we nga hohowa ndrama d’uo na, fata Alona mi kam sariyad’a kamba, mba mi wum hohowom mbuo mi. Wani we hohoud’a ti kus yam sariya d’a kad’a.

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Vama ndum mbeina 17:14

Azi mba dur ayîna ki Gor timina, wani Gor timina mba mi kus kaziya, kayam mam mi Sala suliyod’a, nAmulâ hamuleinina mi. Mam mba kus kazi ki sum mama; azi ni suma yid’a, ni suma manda, ni mam suma d’engzengâ mi.

Vama ndum mbeina 19:16

Ata baru mamba yam ab’alam simina nga b’ira kua ala: Amulâ hamuleina, Salad’a hi suliyod’a.