Kolos-sâ 3:8 - Bible azumeina

⁸ Wani ki tchetchemba, agi aragi ahle ndazina woi pet, nala, ayîna, hur ma zala, ngangata, ngula ki zla d’a de d’a ndjendje d’a ndavunagid’a mi.

Kolos-sâ 3:8 Iomraidhean Croise

Sawal la giled’a 37:8

Ang ar ayîna woyo, ang ar hur mang ma akuna woyo, ang ar hurung zal li, ahle ndazina a ni tchod’a.

Zla d’a d’ogolâ 17:14

Tin ad’u yalâ ni d’igi ang ngo ni ir mbina kä woi na; kayam ndata, ang hut tang ngei avok ka bei huneîd’a tchola.

Zla d’a d’ogolâ 19:19

Ar sama hurum zal heîna mi fe wurak mamba. Le ang vum kä pî, nga mi i avogovogo.

Zla d’a d’ogolâ 29:22

Sama ayîna heîna nga mi djiu huneîd’a akulo, sama hurum zal atogo heîna nga mi le tchod’a ngola mi.

Matiye 5:22

Wani an nga ni dagiya, sama layîna ki wiyemina, sariyad’a mba d’i vumu. Sama de mi wiyema ala: Ang ma yang nga kang nguo na, a im avok suma bak zlad’a. Wani sama de mi wiyema ala: Angî lilid’a na, mi ndak á kal kur aku d’a Jahanama.

Marik 7:22

mizeuna, d’od’oka, murud’umba, á mbut ira, batranga, yungôra, á ngul suma, yam mba ad’enga, ki lilid’a a buzugi ni kua.

Romê-na 13:13

Ar ei tid’i d’ingêr d’igi tit ta faleid’a na, bei batranga, bei guruta ki süma, bei le mizeuna, bei gaulangâ, bei yalâ, bei yungôra mi.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

Galat-na 5:15

Wani le agi nga ed’egi tagi mbumbugu ni, agi gologi tagi djiviya, ar agi b’lagagi tagi woi d’i.

Galat-na 5:20

tuwal fileina, ve kumana, noî tad’a, yalâ, yungôra, ayîna, tuguyod’a, wala, ka ira,

Galat-na 5:26

Ar ei halei subur ra hawa yaka á zalei hur tei d’i. Ar ei lei yungôra yam tei d’uo mi.

Efes-sâ 4:22

Kayam ndata, ar agi fogogi sama adjeuna woi ki sun mam mba led’a. Sama nga kurugi adjeuna, ni ma nga mi lobogi á igi kur b’lakina.

Efes-sâ 4:25

Kayam ndata, agi aragi zla d’a kad’a woyo, wani ar sama lara pî mi de ni zla d’a gagazid’a mi ndrama, kayam ei ni hliu ma tuna.

Efes-sâ 4:26

Le hurugi zala ni, agi lagi tchod’a d’i. Ar afata nigigi kayî magi ma djulula d’i.

Efes-sâ 4:29

Ar zla d’a tchod’a ndavunagi d’i, wani agi dagi ni zla d’a djivi d’a ndak á wul suma kid’aka akulo kur he gagazid’id’a, á ndjun suma a nga hum zla magid’ina mi.

Efes-sâ 5:4

Wani zla d’a zulona ki sun nda lilid’a ki zla d’a tchibeta, ar agi yazi simiyêzi d’uo mi, wani vama kalâ, kur tchen magid’a, agi lagi ni mersi mAlona.

Kolos-sâ 3:5

Kayam ndata, agi tchagi ahle suma kurugi suma yam andagad’a ka hina woyo, nala, mizeuna, sun nda ndjendjed’a, e’eûd’a, a’arad’a ki d’od’ok ka tuwal fileina mi.

Kolos-sâ 3:9

Agi kagi zlad’a mi tagi d’i, kayam agi fogogi wa sa magi ma adjeuna woi ki sun mam mba led’a da’.

1 Timote 1:13

Adjeu an ni ma las Alona, ni ma djop vun suma, ni ma ngul suma mi. Wani Alona mi wan hohowonu, kayam an le hina ni bei wed’a, bei he gagazid’a mi.

1 Timote 1:20

Himene ki Alezandre a nga aduk sum ndazina. An hazi wa abo Seitan kayam mi gad’aziya, kayam azi las Alona d’i.

Hebre-na 12:1

Kayam ei suma suma glangâsâ ablaud’a nguyina, ar ei fogei ahle suma d’eleina ki tcho d’a nga ngapa ateid’a pet teyo. Ei vei tei ad’enga kur ringâ á vei vama Alona mi tinim sä avoreina.

Jacques 2:7

Ni azi ba, a nga ngul simi ma djivi ma Alona mi tinigizina d’uo zu?

1 Pierre 2:1

Agi aragi ngangata ki zla d’a kad’a ki mbut ira ki yungôra ki zla d’a de d’a asa’ata pet teyo.

2 Pierre 2:18

Azi nga de zla d’a subur tad’a ki zla d’a de d’a hawa yaka, azi nga tit kur d’od’oka á le mizeuna hi hliu tad’a á ve suma a ar go á prut tei aduk suma a nga tit kur batrangina ki dauna.

2 Pierre 2:7

Wani mi pat Lot ma d’ingêr ma hurum b’lak yam gaulangâ hi suma tchonina woyo.

Jude 1:13

Azi ni d’igi abilâ halum ma ngol ma nga mi sulul hubup hubup ki sun mazi d’a zulona na, azi ni d’igi tchitchiu d’a tcha tata d’a na. Alona nga mi ngomozi kä kur yima nduvun ma i’îlik ma yiyi’â gak didin.

Jude 1:8

Sum ndazina a le hina dedege mi, a nga tit bugol ahle suma nde tazi irazina á mbut tazi ndjendjed’a, a nga gol ad’enga hAlonid’a is, a nga ngul ahle suma ari suma subur suma akulona.

Vama ndum mbeina 16:9

Suma a ngal lei abo huwaka haku ndata. Azi ngul simiyê Alo ma nga kad’enga yam tugud’ei d’a tcho ndatina, azi mbut nga huruzi yam tcho mazid’a á subur Alona d’i.