Kolos-sâ 3:23 - Bible azumeina

²³ Sun nda lara ge pet ta agi nga lata, agi lagizi ni ki hur ma tuna yam Salad’a, nga ni yam suma d’i.

Kolos-sâ 3:23 Iomraidhean Croise

2 Sunda Hamuleinid’a 31:21

Kur sun nda lara ge pet ta mam lat yam gong nga kud’ora hAlonid’id’a, mi lat ni ki ge yamba kä yam gat mamba ki vun mam ma hed’a, mi he tam á we minda hAlonid’a mi. Mi lazi hina pet ni ki hur ma tuna, mi fe djivid’a kua mi.

Sawal la giled’a 103:1

Wana ni sawal la gile d’a David mi hlata. An min gile ni Ma didina, an min gile Alo man ma bei tchod’ina ki hurun pet.

Sawal la giled’a 119:10

An nga ni halang ki hurun pet; ar an d’es sei yam vun mang ma hed’a d’i!

Sawal la giled’a 119:145

Ma didina, an nga ni yang kad’engên pet; ang humunu, kayam an ngom gat manga.

Sawal la giled’a 119:34

Ang han ned’a kayambala an tit yam gat manga, an ngomot ki hurun pet mi d’a.

Ma tchi wala 9:10

Vama abong fuma, ang lum kad’eng manga pet, kayam sunda d’oze djib’era d’oze wad’ud’a d’oze ned’a a nga ata yima azulei ma ang nga i kuana d’i.

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

Matiye 6:16

Jesus mi had’azi kua ala: Ata yima agi d’elegi tagi bei te tenina, agi mbud’ugi tagi hohoud’a d’igi suma lop ira a nga le hina d’i. Kayam azi mbut tazi hohoud’a kayam suma a wazi ala azi nga d’el tazi bei te tena. Gagazi, an nga ni dagiya, a fe wa wurak mazid’a da’.

Romê-na 14:6

Sama nga mi wal burâ irama, mi walamî á hu Salad’a. Sama nga mi te tena petna, mi tumî á hu Salad’a, kayam nga mi le mersi mAlona. Sama nga mi te tena pet tuo na, mi te d’uo ná hu Salad’a, kayam nga mi le mersi mAlona mi.

Romê-na 14:8

le ei boya, ei boi ni yam Salad’a; le ei kagei karid’a d’oze le ei boya ni, ei ni suma hi Salad’ina mi.

Efes-sâ 5:22

Aropma, ar agi gagi yagi kä avok andjuviyogi d’igi agi nga gagi yagi kä avok Salad’a na mi.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 2:13

Ar agi gagi yagi kä ad’u vun ma hed’a hi sumina yam Salad’a, le namul ma ngol ma nga kad’eng nga kal teglesina,

1 Pierre 2:15

Wani ni minda hAlonid’a kayam sun magi d’a le d’a djivid’a ba, agi nga d’elegi lilid’a hi suma bei wed’id’a.