Kolos-sâ 3:16 - Bible azumeina

¹⁶ Ar zlad’a hi Christ-sa ki ndjondjoî mata ti kak kurugi ngola, ar agi had’agi tagiya, agi gigid’egi tagi ki ned’a pet ki giled’a ki sawala hAlonid’a ki sawala hi Muzuk mamid’a mi. Ar agi gilegi Alona ki sawala kurugi mi.

Kolos-sâ 3:16 Iomraidhean Croise

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

1 Sunda Hamuleinid’a 25:7

Azi ki b’oziyozina pet ni kikis mbà kam dok klavandi yam klavandi. Ni suma a we á hle sawala mi Ma didina heîna, ni suma a hat ndrozinina mi.

Nehemi 12:46

Kayam adjeu kur atchogoid’a hi David ki Asaf-fa, suma avok suma hle sawala ki suma a nga hle sawal la giled’a a le mersi mAlona ki hud’ina a nga.

Wana ni mbaktumba hi Job-pa 23:12

An noî nga vun mam ma hed’a woi d’i, an ngom zla d’a mam han vuna kata kurun krovo.

Sawal la giled’a 119:11

An nga ni ngom zla manga kurun kayambala an le tchod’a avorong nguo d’a.

Sawal la giled’a 119:54

Gat manga ti mbut ni sawal man nda hled’a kur azì ma an nga mbeid’a kuana.

Sawal la giled’a 138:1

Ni sawal la David mi hlata. Ma didina, an nga ni gileng ki hurun pet, an nga ni gileng ki sawala avok malaikana.

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

Sawal la giled’a 32:7

Angî yi man ma ngeid’a, ang nga ngomon kur ndaka, ang nga nguyun kä ki sawal la bangâna. Tchol ndjö

Sawal la giled’a 71:23

An mba ni suburung ki sawala, an mba ni gileng ki vunan mi, kayam ang sud’un ndeyo.

Zla d’a d’ogolâ 14:8

Ned’a hi sama ned’id’a ti tagamî tit mamba, wani lilid’a hi suma lilid’id’a ni mbut ira.

Zla d’a d’ogolâ 18:1

Sama nga mi zlap ki ndram mbuo na, mi halî djivi mamba tata. Hurum nga mi zal yam zla d’a irat ta lara ge pet mi.

Sawal la kal teglesa 1:1

Wana ni sawal la kal teglesa hi Salomon-nda:

Isai 10:2

á tos lovot ta ka sariyad’a woi ir suma hohoud’id’a, á b’lak sariya d’a d’ingêra hi man suma hohoud’ina, á mbut arop suma modonod’a te mazina, á mbut suma hokuyod’a va mazi ma hurumba mi na!

Isai 26:1

Kur bur máma a mba hle sawal la wanda yam andaga d’a Juda-d’a, a mba dala: Ami nga kazì ma ad’eng ma ngunguna á ndjunumiya. Ma didina mi ge gulumuna kamu, mi hulong mi ge gulumuna kam kua.

Isai 30:29

Wani agi suma Jerusalem-ma, agi mba hlagi sawala kur andjeged’a d’igi suma a hle sawala ata yima vun tilîna na. Agi mba lagi furîd’a kurugi krovo d’igi suma a tit ad’u tchina hi taulâd’a á i yam ahinad’a hi Ma didinid’a gen Alona ahinad’a hi Israel-lîd’a na.

Isai 5:1

Ar an hle sawala mi banana. Ni sawala hi ma an hurun vum heî ki guguzlu mambina. Ma an hurun vum heîna mi nga adjeu kasine ma guguzlud’a, mi ni yam yima nding ma tub’ad’a heîna.

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Matiye 26:30

Ata yima a hle sawal la gile Alona tuna, a buzuk a i yam ahina d’a Olif-fa.

Wana ni Zla d’a Djivi d’a Luc mi b’irita 2:51

Mi hulong ki sed’ezi kur azì ma ngol ma Nazarat-na, mi ge yam kä ad’u zla mazid’a, wani asum mbi ngom zla ndata kurud’u, ti djib’er yam ahle ndazina pet mi.

Jean 15:7

Le agi nga kaka zlapa tu ki sed’enu, le zla manda nga kaka kurugi mi ni, agi tchenegi ni me pî ma agi minigizi abo Abuna, agi mba fagiziya.

Romê-na 10:17

Ni hina ba, he gagazid’a mba nata yima sana mi hum zla d’a tchi walina, nala tchi wal zlad’a hi Christ-sid’a.

Romê-na 15:14

B’oziyona, an tanda ni we woi tetet ala agi ni suma djivina, agi wagi ad’u ahlena pet, agi ndak á had’agi tagi mi.

1 Korente-na 14:15

An mba ni le ni nana ge? An mba ni tchen Alona ki muzuganu, wani an mba ni tchen Alona ki djib’er manda mi. An mba ni hle sawala ki muzuganu, wani an mba ni hle sawala ki djib’er manda mi.

1 Korente-na 14:26

B’oziyona, ei dei nana ge? Ata yima agi nga tokina, sama dingâ nga mi hle sawala, ma dingâ nga mi hat suma, ma dingâ nga mi nde ad’u ahlena abu mi, ma dingâ nga mi de zlad’a ki vuna hi suma tetengâ, ma dingâ nga mi väd’u zla ndata woi abua. Ar agi lagi ahlena pet á ndjun Toka á wulut akulo kur he gagazid’a.

Efes-sâ 1:17

kayam Alona hi Saleina Jesus Christ Abui ma subura, mi hagi Muzuk mama á tagagi wad’ud’a á wum mbei tetet mi.

Efes-sâ 5:17

Kayam ndata, ar agi kagagi d’igi suma lilid’a na d’i, wani agi b’ad’agi tagi á wäd’u vama Salad’a mi min ala agi lagiziya na.

Efes-sâ 5:19

Ar agi dagi zlad’a ata tagi ni ki sawal la giled’a ki sawala hAlonid’a ki sawala hi Muzuk mamid’a mi. Agi gagi sawala, ar agi gilegi Salad’a kurugi mi.

Efes-sâ 5:26

Mi mbuzut tei yed’et ki mbina, nala, zlad’a hAlonid’a, mi tinit irat vat mAlona mi.

Kolos-sâ 1:28

Ni Christ ma ami nga tchum walam mbei mi suma petna. Ami nga gad’ami suma, ami nga had’ami suma pet ki ned’a pet mi, kayam ami tagazi woi avok Alona suma djengâ zlapa tu ki Christ.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

Kolos-sâ 4:6

Ar zla d’a djivid’a ndavunagi teteu á le suma tazi djivid’a d’igi ndjuvuna na, kayam agi wagi lovota á hulong zla d’a ded’a mi sama lara ge pet.

1 Tasaloni’â 1:8

Kayam zlad’a hi Salad’id’a ti ndeï hatagi ti b’rau woi ni yam andaga d’a Maseduwan-nda ki d’a Akai-d’a hol li, wani he gagazi magi d’a yam Alonid’a, zlat nde ata yina pet. Kayam ndata, ami nga ki zla d’a ding á de kat tuo d’a.

1 Tasaloni’â 4:18

Kayam ndata, ar agi b’lengêgi hur tagi ki zla ndata.

2 Tasaloni’â 3:15

Ar agi golomî d’igi magi ma djangûna na d’i, wani agi gad’am d’igi wiyegina na.

1 Timote 6:17

Ang he vuna mi suma ndjondjoî suma kur duniya d’a wandina, ar azi subur tazi d’i. Ar azi tin huruzi yam ndjondjoî d’a mba d’i dap peid’a d’i, wani a tin huruzi ni yam Alo ma nga mi hei ahlena pet ngola kayam ei lei furîd’a kaziya na.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

Wana ni mbaktum mba Paul mi b’irit mi Tit-ta 3:6

Kayam Alona mi vo Muzuk mama kei ngola ni yam Jesus Christ ma sud’ina.

Jacques 1:5

Wani le sana adigagi mi kid’ak ned’a ni, ar mi tchen Alona. Alona mba mi humziya, kayam Alona nga mi he mi suma pet hawa bei ngopa.

Jacques 3:17

Sama Alona mi hum ned’ina ni sama yed’etna avogo. Bugola, ni sama halasâ, ni sama lulumana, ni sama djivina, ni sama we hohowa sumina, ni sama nga mi le sun nda djivid’ina, ni sama bei ka ira, ni sama bei lop ira mi.

Jacques 5:13

Sa nga adigagi kur ndaka zu? Ar mi tchen Alona. Sama le furîd’a mi nga adigagi zu? Ar mi hle sawal la gile Alona.

1 Jean 2:14

Gugureina, an nga ni b’irigi kayam agi wagi wa Abui Alona da’. Abuyonu, an nga ni b’irigi kayam agi wagi wa mam ma nga ei avok deina. Azungeîna, an nga ni b’irigi kayam agi ni suma ad’enga, zlad’a hAlonid’a ti nga kaka kurugiya, agi kuzugi wa yam Ma tchona da mi.

1 Jean 2:24

Kayam ndata, agi ngomogi zla d’a agi humugizi avok deid’a kurugiya. Le zla d’a agi humugizi avok deid’a nga kaka kurugiya ni, agi mba kagagi zlapa tu kAlona Goroma kAbum mi.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

2 Jean 1:2

kayam gagazid’a ti nga ni kaka kuriya, mba d’i kak ki sed’ei gak didin mi.

Vama ndum mbeina 14:3

Suma bubup ndazina a nga tchola avok zlam mba amula, avok ahle suma ari suma fid’ina, avok suma nglona mi, a nga hle sawal la awilid’a. Sama ndak á hat sawal ndatina nga d’i, ni suma dudubud’a kis yam dudubud’a dok fid’i yam dudubud’a fid’i suma a guzuzi ka hî yam andagad’ina hol.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.