Kolos-sâ 3:15 - Bible azumeina

¹⁵ Ar b’leng nga halasa hi Christ-sa ti kak kurugiya. Ni kayam ndata ba, mi yagi kur hliu ma tuna. Ar agi lagi mersi mAlona mi.

Kolos-sâ 3:15 Iomraidhean Croise

Sawal la giled’a 100:4

Agi tchugugi avun agrek mama ki sawal la gile d’a suburid’a, agi kalagi kur gulumuna hi gong mambina ki subura! Agi gilegiziya! Agi suburum simiyêm mi.

Sawal la giled’a 107:22

Ar a he vama ngat buzu ma le mersid’a mi Ma didina, ar a de woi yam sun mam mba mi lata ki delezi akulo ki furîd’a.

Sawal la giled’a 116:17

An mba ni hang vama ngat buzu ma lang mersid’a, an mba ni yang simiyêng ang Ma didina mi.

Sawal la giled’a 29:11

Ma didina nga mi had’enga mi sum mama; Ma didina nga mi b’e vunam yam sum mama ki b’leng nga halasa.

Isai 26:3

Sama mi tchol ngingring yam djib’er mambina, ang Ma didina mba ngomom ki halasa kayam mi deng tam natangû.

Isai 27:5

Djivid’a azi hal yima ngeid’a natanu, ar a kak ki sed’en ki halasa, ar a kak ki sed’en ki halasa.

Isai 57:15

Ma sä akulo ma kal tegles ma nga kaka gak didin ma simiyêm ala Ma bei tchod’a ba na na, mi dala: An nga ni kaka ata yima sä akulo dei ma didina ata yima an tinim iram vama. Wani an nga ki sama hurum b’lak ma mi hulong yam kä á b’leng hur suma a hulong yazi kä lulumana, á b’leng hur suma huruzi mi b’la’â mi.

Isai 57:19

Ma didina mi de kua ala: An mba ni tin giled’a avun suma a mba dala: Halasa, halasa yam sama sä deina, yam sama gona mi. An mba ni sud’uziya.

Jonas 2:9

Suma a nga kud’or filei ma hawa ya’îna, a wal lei dei ki ang ma ndak á sud’uzina.

Jean 14:27

An aragi b’leng nga halasa, an hagi b’leng nga halas manda, an hagizi nga ni d’igi suma duniyad’a a nga he na d’i. Ar hurugi mi hat ti, ar agi lagi mandar ruo mi.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Romê-na 1:21

Azi wAlona, wani a nga suburum d’igi a subur Alona na d’i, a nga lum mersi d’uo mi. Wani a vit tei kur djib’er mazid’a, djib’er mazi d’a lilid’a ti tanazi kur nduvunda mi.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

1 Korente-na 10:17

Kayam avungôna ni tu. Ei ablauna pî, ei ni hliu ma tuna, kayam ei tei navungô ma tu máma.

1 Korente-na 7:15

Wani sama bei he gagazid’a, le mi min á wal kamam mba he gagazid’id’a ni, ar mi wala, kayam zla d’a hina d’a d’el nga wiyeina ki wiyeid’a d’i, kayam Alona yagi ná kak ki b’leng nga halasa.

2 Korente-na 4:15

Ahle ndazina pet a le ni kagiya, tala Alona mi ve suma sumad’a avogovok kayam suma a le mersi yam subura hAlonid’a kam kua kam kua d’a.

2 Korente-na 9:11

Hina wani, mba mi mbud’ugi suma ndjondjoîna kur ahlena pet ndak á he he d’a hawad’a ngola bei gigrita tala suma a le mersi mAlona yam he d’a hawa magi d’a azi fat abomid’a d’a.

Efes-sâ 4:16

Yam ad’enga hi Christ-sa, ir hliu tad’a pet nga d’i djak zlapa, sidei ma lara ge pet nga mi djik hliu tad’a pet zlapa mi. Hina, le ir hliu ta d’a lara ge pet nga d’i le sun mata ni, hliu ta ndata pet nga d’i wul akulo, nga d’i min tat akulo kur od’a mi.

Efes-sâ 4:4

Agi wagi ala hliu tad’a ni tu, Muzu’â hAlonina ni tu mi, d’igi Alona mi yagi á tinigi hurugi yam vama tuna na mi.

Efes-sâ 5:1

Agi hlagi balum asem Alona d’igi grom suma mam le kazi heîna na.

Efes-sâ 5:20

Ar agi lagi mersi teteu mAbui Alona yam ahlena pet ki simiyê Saleina Jesus Christ mi.

Kolos-sâ 1:12

Ar agi lagi mersi mAbui Alona ki furîd’a, ni mam ma mi hagi ad’enga á fagi ahle mam suma djivina zlapa tu ki mam suma mi tinizi irazi vazi kur b’o mambina.

Kolos-sâ 2:7

Ar sideyegi mi sir kä kamu, agi minigi akulo kamu, agi kagagi ngingring kur he gagazi magid’a d’igi a had’agi na, ar agi lagi mersi mAlona kam kua kam kua mi.

Kolos-sâ 3:17

Kur ahlena pet suma agi lagizina, le ni zla d’a ded’a, d’oze le ni sunda, ar agi lagizi pet ni ki simiyê Salad’a Jesus. Agi lagi mersi mAbui Alona ki simiyêm mi.

1 Tasaloni’â 5:18

Agi lagi mersi mAlona yam ahlena pet. Wana ni minda hAlona d’a yam kak magid’a zlapa tu ki Jesus Christ.

1 Timote 2:1

Avok ahlena pet, an nga ni gigid’egiya, ar agi tchenegi Alona tchen nda irata ki hud’a yam suma pet. Ar agi lagi mersi mAlona yam suma pet,

1 Timote 6:12

Ang dur ayî ma djivina yam he gagazid’a á ve ari d’a didin nda Alona mi yang kat ata yima ang de woi avok suma glangâsâ ablaud’ina.

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

Vama ndum mbeina 7:12

a dala: Amin! Giled’a ki subura ki ned’a ki wed’a ki hud’a ki sib’ika kad’enga ni hAlo meinid’a gak didin. Amin!