Kolos-sâ 3:1 - Bible azumeina

¹ Alona mi tchologi akulo á kak karid’a zlapa tu ki Christ. Kayam ndata, ar agi halagi nahle suma sä akulona, ata yima Christ mi nga kaka kua ata Alona bigam mba ndjufina.

Kolos-sâ 3:1 Iomraidhean Croise

Sawal la giled’a 110:1

Wana ni sawal la gile d’a David mi hlata. Salad’a Alona mi de mi Salana ala: Ang kak ata bigan nda ndjufa gak an mba ni mbut mang suma djangûna vama tin asengâ.

Sawal la giled’a 16:11

Ang mba tagan lovot ta i kur arid’id’a; furî d’a ngola sä navorongû, zlezleû d’a bei dabid’a nga ni yam bigang nga ndjufa.

Zla d’a d’ogolâ 15:24

Sama wad’ud’a mi hle ni lovot ta ari d’a i akulod’a á sut tam mbei ata yima azulei ma nga ad’u kä na.

Ma tchi wala 10:2

Sama ned’a mi le ni sun nda irata, wani sama lilid’a mi le ni sun nda gunda.

Matiye 22:44

Ma didina Alona mi de mi Salana ala: Ang kak ata bigan nda ndjufa, gak an mba ni tin mang suma djangûna ad’u asengû.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Matiye 6:20

Wani agi togogi ndjondjoî magid’a sä nakulo, ata yima fotna ki tchora a b’lagazi d’uo na, ata yima suma kula a ndak á hulut gonga á kuluzi d’uo na mi.

Matiye 6:33

Wani ar agi halagi leud’a hAlonid’a ki d’ingêr mamba avok tua. Hina wani, Alona mba mi hagi ahle suma a arâ kam kua.

Marik 12:36

Kayam David tamba ki yamu, Muzu’â hAlonina mi zud’um mi dala: Ma didina Alona mi de mi Salana ala: Ang kak ata bigan nda ndjufa, gak an mba ni tin mang suma djangûna ad’u asengû.

Marik 14:62

Jesus mi hulong dum ala: Ni anu. Wani agi pet mba wan an Gor Sana ni kaka sä ata bik ka ndjufa hAlo ma ad’engîd’a, agi mba wan an mbeï kur d’ugula akulo mi.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Wana ni Zla d’a Djivi d’a Luc mi b’irita 12:33

Agi guzugi ahle magina woyo, agi hazi he d’a hawad’a mi suma houd’a. Agi dubugi bid’im mba bei b’laka ba d’a, agi togogi ahle magina sä akulo ata yima bei b’laka, ata yima bei suma kula a tcha kua ba na, ata yima bei fotna b’lagazina.

Wana ni Zla d’a Djivi d’a Luc mi b’irita 20:42

Kayam David tamba mi de kur mbaktum mba Sawal la Giled’a ala: Ma didina Alona mi de mi Salana ala: Ang kak ata bigan nda ndjufa,

Wana ni Zla d’a Djivi d’a Luc mi b’irita 22:69

Wani ki tchetchemba, an Gor Sana nga ni i á kak ata bik ka ndjufa hAlo ma ad’engîd’a.

Sunda hi suma a sunuzinid’a 2:34

Kayam David mi djak nga akulo d’i, wani mam ki yam mi dala: Ma didina mi de mi Salana ala: Ang kak ata bigan nda ndjufa

Sunda hi suma a sunuzinid’a 7:55

Wani Etienne mi oî ki Muzuk ma bei tchod’a ba na, mi so iram gola akulo, mi we subura hAlonid’a ki Jesus mi nga tchola ata Alona bigam mba ndjufa.

Romê-na 8:34

Sama ndak á ka sariyad’a kazina ni nge ge? Sa nga d’i, kayam Jesus Christ mi mid’a, kal pet mi tchol akulo aduk suma matna, mi nga kaka ata Alona bigam mba ndjufa, nga mi tchen Alona kei mi.

Romê-na 8:6

Suma a nga tit yam minda hi sa mazi ma adjeunid’ina a mba bo woyo, wani suma a nga tit yam minda hi Muzu’â hAlonina a mba kak karid’a ki b’leng nga halasa mi.

2 Korente-na 4:18

Kayam ami nga tinimi irami ni yam vama suma a nga wum ki irazina d’i, wani ami nga tinimi irami ni yam vama suma bei wum ki irazina. Kayam vama suma a wuma ni vama kak didina d’i, wani vama suma bei wuma ni vama kak gak didina.

Efes-sâ 4:10

Ni mam tam ma surobï kä na, ni ma tup akulo dei á ndak vun ahlena petna.

Efes-sâ 5:22

Aropma, ar agi gagi yagi kä avok andjuviyogi d’igi agi nga gagi yagi kä avok Salad’a na mi.

Kolos-sâ 2:20

Le agi bogi woi zlapa tu ki Christ, le mi pad’agi woi ad’u ad’enga hi muzuk ma teteng ma tcho ma te yam suma yam andagad’ina ni, ni kayam me ba, agi dok tid’igi yam vun ma he mazina, d’igi agi ni suma hi duniyad’ina na d’ei ge? Ni kayam me ba, agi gagi yagi kä ad’u gat ta ti dala:

Kolos-sâ 3:2

Ar agi tinigi hurugi ni yam ahle suma sä akulona, wani agi tinigi hurugi yam ahle suma yam andagad’a ka hina d’i,

Hebre-na 1:13

Alona mi de nga mi malaika mam tu ala: Ang kak ata bigan nda ndjufa, gak an mba ni mbut mang suma djangûna vama tin asengâ d’i.

Hebre-na 1:3

Mam mi Ma tak b’o d’a subura hAlonid’a woina, ni Ma dedege d’igi Alona na na, ni Ma nga mi gang ahlena akulo ki zla d’a de d’a ad’eng nga avunambina. Ata yima mi mbus tchod’a hi suma woi mbusâ, mi i kak sä akulo ata bik ka ndjufa hAlo ma ad’eng ma kal papana.

Hebre-na 10:12

Wani ata yima Christ mi he tam vama ngat buzuna yam tu gak didin yam tchod’ina, mi kak kä ata Alona bigam mba ndjufa.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Hebre-na 8:1

Zla d’a kal papa d’a ami dagizid’a ba wana: Ei nga ki ma ngol ma ngat buzu ma i kak sä akulo ata bik ka ndjufa hi zlam mba amula hAlo ma ad’eng ma kal papanina.

1 Pierre 3:22

Ni Ma djak sä akulo, mi nga kaka kä ata Alona bigam mba ndjufa, ni ma te yam malaikana ki suma te yamba ki suma ad’eng suma sä akulona petna.