Kolos-sâ 2:2 - Bible azumeina

² kayam huruzi b’lengâ, kayam huruzi tchuk tu á le od’a mi. Hina wani, azi mba we ki ne d’a zul heîd’a, a we zla d’a mudurid’a hAlonid’a, nala, Christ.

Kolos-sâ 2:2 Iomraidhean Croise

1 Amuleina 3:28

Israel-lâ pet a we sariya d’a Salomon mi kat ata yata, a lum mandaramu, a wala nAlona ba, mi hum ne ndata á ka sariya d’a d’ingêra.

Sawal la giled’a 133:1

Ni sawala hi David ta suma a djak Jerusalem á lü vun tilîna a hlata. Wana ni vama djivi ma le suma tazi djivid’a heî na: Ar b’oziyod’a a kak zlapa tu.

Isai 32:17

D’ingêra mba d’i mba ki halasa, ti mba d’i mba ki tchugota ki tuk tad’a gak didin mi.

Isai 40:1

Alo magina mi dala: Agi b’lengêgi hur sum mana! Agi b’lengêgi hur sum mana!

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Jeremi 9:24

Le sana mi min subur tam ala mam mi ma ned’a ni, ar mi wanu, ar mi wala an ni Ma didin ma nga ni le djivid’a, nga ni ka sariya d’a d’ingêra, ni Ma d’engzeng ma yam andagad’ina mi. Wana ni sama an tan lan djivid’a heî kama. An Ma didina ni de na.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Matiye 11:27

Abun mi han ahlena pet abonu. Sama wan an Gorâ nga d’i, nAbun hol. Sama wAbun nga d’i, ni an Goroma hol mi. Sama an Gorâ ni min tagam Abun woina, an tagamzi woi mi.

Matiye 13:11

Mi hulong dazi ala: Alona mi hagi wad’ud’a á we zla d’a mudurid’a yam leu d’a akulod’id’a, wani mi hazizi nga mi azi d’i.

Wana ni Zla d’a Djivi d’a Luc mi b’irita 1:1

Teyofil, suma ablaud’a a hal lovota á b’ir yam ahle suma a le adigeina.

Jean 10:30

Ami kAbun ni tu.

Jean 10:38

Wani le an nga ni lad’u ni, agi le hagi gagazid’a kan nduo pî, agi hagi gagazid’a yam sun ndata. Hina wani, agi mba wagi tetet ala Abun nga kurunu, an nga kur Abun mi.

Jean 16:15

Ahlena hAbuna pet ni mana. Kayam ndata, an dala: Mba mi yoï nahle suma atana ba, mba mi dagiziya.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Jean 5:17

Jesus mi hulong dazi ala: Abun nga mi le sunda teteu, an nga ni le sunda hina mi.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Jean 6:69

Ami hami gagazid’a, ami wami ala angî Ma dingêr ma tcholï gen Alonina.

Sunda hi suma a sunuzinid’a 4:32

Ablau suma a he gagazid’ina, a tok huruzi tu ki muzugazi tu. Sama adigazi ma dala ihî ni va mama katama nga d’i, wani ahle mazina ni toka tu adigaziya.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 16:25

Ar ei suburi Alona! Mi ndak á siragi kur he gagazi magid’a yam Zla d’a Djivid’a hi Jesus Christ sa an nga ni tchat walata. Ni Ma mi nde zla d’a muduri d’a mi ngeyet kur atchogoi d’a kal dedeid’a woina.

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

1 Korente-na 14:31

Agi pet ndagagi á djok vun Alona mi tagiya, kayam suma dingâ a had’a, a sira ngingring mi.

1 Korente-na 2:12

Wani ei vei nga ni muzuk ma yam andagad’a ka hina d’i, wani ei vei ni Muzuk ma tcholï ata Alonina, kayam ei ndak á wei ahlena pet suma Alona mi heizi yam suma mambina.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Efes-sâ 3:16

An nga ni tchen Alo ma subur mamba kal teglesâ, kayam mi hagi ad’enga kurugi kad’enga hi Muzuk mamid’a.

Efes-sâ 3:3

Alona mi tagan á wäd’u zla d’a muduri mamba. Ni kayam ndata ba, an b’irigi ki wan nde na.

Efes-sâ 6:22

An sunugizi sä kayam mi vagi ad’ud’a yam kak mamid’a, á b’lengêgi hurugi mi.

Filip-ma 2:1

He gagazi magi d’a yam Christ-sa mbud’ugi ad’enga zu? O mamba b’lengêgi hurugi zu? Agi nga lagi darigïd’a ki Muzu’â hAlonina zu? Agi nga wagi hohou tagi ki hat hurâ mi zu?

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,

Kolos-sâ 1:26

nala, zla mam mba muduri d’a mi ngeyet tei ir suma kur atchogoi d’a pet ta kala. Wani ki tchetchemba, mi ndat tei mi sum mama.

Kolos-sâ 1:27

Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

Kolos-sâ 2:19

kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.

Kolos-sâ 3:14

Kal pet, ar agi tchugugi o d’a ala ni ziyo ma ndak á djinigi tuna d’a atagiya.

Kolos-sâ 4:3

Ar agi tchenegi Alona kami mi kayam mi malami lovota á tchami wal zla ndata, á vami ad’u zla d’a mudurid’a hi Christ-sa woi abu mi. Ni kat ba, a gan dangeina.

Kolos-sâ 4:8

Kayam ndata, an sunugizi sä kayam mi vagi ad’ud’a yam kak mamid’a á siragi mi.

1 Tasaloni’â 1:5

Kayam Zla d’a Djivi d’a ami tchagizi walata ni ki zla d’a ded’a go d’i, wani ni kad’enga ki ndjunda hi Muzuk ma bei tchod’a ba nid’a, zlapa ki we d’a gagazid’a hi Zla d’a Djivi ndatid’a mi. Kayam agi wagi ni nana ba, ami tid’imi adigagi á ndjunugi ge.

1 Tasaloni’â 3:2

Ni kayam ndata ba, ami sunugi sä wiyeina Timote ma sunda hAlona ma yam Zla d’a Djivid’a hi Christ-sina á siragiya, á gigid’egi kur he gagazi magid’a mi,

1 Tasaloni’â 5:14

B’oziyomina, ami nga gigid’egiya, ar agi ngobogi suma azulomba, agi b’lengêgi hur suma mandarâ, agi ndjunugi suma amangeîna, agi vagi tagi yam suma pet mi.

1 Timote 3:16

Gagazi, sama ndak á tchi tuguyod’a yam zla d’a muduri d’a ngola hAlona d’a ei tini huri kata nga d’i: Mi nde tam mbei d’igi sana na, Muzu’â hAlonina mi tagam mbei ala ni Ma d’ingêrâ, malaikana a wum mi. Suma a tchum walam mbei aduk andjaf suma dingâ, a hum gagazid’a kur duniyad’a ka hî, Alona mi hlum sä akulo ata yima subura mi.

Hebre-na 10:22

Kayam ndata, ei hud’i go gen Alona ki hur ma tuna ki he gagazi d’a ndak memeta ki huri ma mbusa woi yed’et yam djib’er ra tcho d’a kuri krovod’a pet ki ta d’a a mbuzut tei ki mbiyo ma hirwilingîd’a.

Hebre-na 6:11

Ami minimi ala ar nge nge pî adigagi mi kuk tam á we vama agi tinigi hurugi kama tetet gak bur ma dabid’a.

2 Pierre 1:10

Kayam ndata, b’oziyona, ar agi b’ad’agi tagi á tchologi ngingring yam yi d’a Alona mi yagid’a ki man nda mi managid’a mi. Le agi nga lagi ahle ndazina ni, agi mba aragi he gagazi magid’a woi d’i.

2 Pierre 1:3

Alona mi had’eng mamba mi Jesus Christ. Christ mi hei ahlena pet suma a kid’ageina kayam mi mbud’i suma nda’â á tid’i kur lovot ta gagazid’a hAlonid’a, á wei Christ ma mi yï á mbud’i dedege d’igi mam na kur subur mamba ki djivi mambina tetet.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

1 Jean 3:19

Ni hina ba, ei mba wei ala ei ni kur gagazid’a, kayam ei nga ki hur ma bei mandarâ ba na avok Alona.

1 Jean 5:7

Suma a le glangâsâ kama ni hindi,