Kolos-sâ 2:18 - Bible azumeina

¹⁸ Ar sa mi yogi wurak magid’a ata lovot ta ge yamba kä kukud’uk á kud’or malaikana d’i. Sama hina na mi tin djib’er mamba ni yam ahle suma a nde tazi woi irama. Ni sama yam mba ad’enga kur djib’er mamba hi hliwim mba hawa yakina,

Kolos-sâ 2:18 Iomraidhean Croise

Ad’u Tinda 3:13

Ma didina Alona mi djop atchad’a ala: Ni kayam me ba, ndak le hina ge? Atchad’a ti hulong dum ala: Ni guguina mi lobon ni mam ba, an tumu.

Wana ni mbaktumba hi Job-pa 38:2

Ni nge ba, mi mbud’un nga hur mana nduvunda ki zla d’a de d’a bei wat ad’ut babad’a ge?

Isai 57:9

Agi nga igi akoid’a hamulâ ki mbulâ, agi zulugi mbul magi ma his ma afufuîna, agi sunugi magi suma sunda ata yima deina, agi hulongôgi yagi kä gak ata yima azuleina.

Ezekiyel 13:3

Salad’a Ma didina mi dala: Ni zla d’a hohoud’a yam suma djok vun suma lili suma a nga tit bugol djib’er mazid’a bei we va ba na.

Daniel 11:38

Wani mba mi kud’orî alona hazì ma ad’eng ma ngunguna, nalo ma abuyom ngolo a wum nga d’uo na. Mam mba mi hum lora, mba mi hum kawei ma hapma, mba mi hum ahina d’a guzut kal teglesa kahle suma ding suma zlazi ngolina.

Ndumba 25:18

Kayam azi mbut tazi magi suma djangûna, a mbud’ugi iragi ki lem mazid’a ki zlad’a hi Kosbi ma ngol ma Madiyan-na goromba wiyezi d’a a tchat kur bur ma tugud’ei d’a tcho d’a tchi matna mi mba yam zlad’a hi Peyor-rina.

Matiye 24:24

Suma ka zlad’a a mba tchol a mba yi tazi ala azi ni Mesi, suma dingâ a dala azi ni suma djok vun Alona. A mba lahle suma simat suma nglona kahle suma ndandalâ, kayam le a ndaga ni, a mba lop vun suma Alona mi manazina mi.

Romê-na 1:25

Azi vrak zla d’a kad’a balum zla d’a gagazid’a hAlonid’a. Azi nga kud’or ahle suma Alona mi lazina a nga lazi sunda mi, wani a nga kud’or Alo ma mi lazi ma mi ndak á gilem gak didina d’i. Amin!

Romê-na 16:18

Kayam suma hina na a le ni sunda hi Christ Saleinid’a d’i, wani ni yam huruzi go. Ki zla mazi d’a de d’a djivid’a ki vunazi ma mbulâ a nga mbut hur suma bei ned’ina kä.

1 Korente-na 13:4

Sama od’a nga mi ve tamu, nga mi le djivid’a, nga mi le yungôr ri. Sama od’a nga mi subur tam mbi, nga mi le yam mba ad’eng nguo mi.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

1 Korente-na 4:18

Wani ki tchetchemba, suma dingâ adigagi a nga subur tazi kayam a djib’er ala an mba ni mbaza hatagi d’i.

1 Korente-na 4:6

B’oziyona, an nga ni dagi zla manda ki d’a hi Apolos-sa d’igi vama simata na á had’agiya, kayam agi wagi ad’u zla d’a d’ogol la wanda ala: Ar sa tchila yam zla d’a a b’irita d’uo d’a. Hina wani, ar agi suburugi tagi yam sama dingâ á gologi ma ding is si.

1 Korente-na 8:1

Agi djobon yam ahle suma a ngad’azi buzuna mi fileinina. Ei pet wei ala: Ei nga ki wed’a. Wani wed’a nga d’i mbut sana yamba ad’enga, wani od’a nga d’i wuli nakulo kur he gagazid’a.

1 Korente-na 9:24

Agi wagi tetet ala suma a nga ringâ pet ata yima a tok á ringîna a ringî á ve va, wani sana tu mi fe ni mamu. Agi ringîgi hina mi á fagi wuraka.

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

Efes-sâ 4:17

Ni kayam ndata ba, an nga ni de, nga ni le glangâsâ ki simiyê Salad’a ala ar agi tid’igi d’igi andjaf suma bei wAlona a nga tit kur djib’er mazi d’a hawa yaka na d’uo d’a.

Efes-sâ 5:6

Ar sana mi lobogi ki zla d’a de d’a hawa yaka d’i. Ni kayam ahle ndazina ba, ayîna hAlonina nga mi mba yam suma bei humum vunam ba na.

Gat ta a hat á mbàd’id’a 29:29

Ahle suma nga ngeid’a gumuna, ni Ma didina Alo meina ba, mi waziya; ahle suma a tageizi woi pid’a’â ni mi ei ki gureina, ni suma ei nga weizi burâ ki burîna. Kayam ndata, ei ngomei vun ma he ma kur gat ta wandina pet, ei tid’i kam mi.

Filip-ma 3:14

An nga ni ring á ve wurak ka sä akulo d’a Alona mi yï kat yam Jesus Christ-sa.

Kolos-sâ 2:23

Gagazi, abu ir suma gat ndata ki hat ndata nahle suma ned’a á zut suma á kud’or malaikana, á ge yazi kä luluma, á he tazi ndaka mi. Wani ahle ndazina ndak á d’el d’od’oka hi hliu tad’id’a d’i.

Kolos-sâ 2:4

An nga ni dagi hina, kayam sa mi lobogi ki lem mamba d’i.

Kolos-sâ 2:8

Agi gologi tagi djiviya, ar sa yogi ad’um ki hat mam mba ne d’a hawa yaka d’i. Hat ndata ni hata hi suma ki muzuk ma tcho ma te yam andagad’ina, nga ni zla d’a tcholï avun Christ-sa d’i.

1 Timote 1:7

Azi min á mbut suma hat gata hAlonid’ina, wani azi nga wäd’u vama azi nga duma d’i, d’oze vama azi nga de kam ala ni zla d’a gagazid’a na d’uo mi.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

2 Pierre 2:14

Irazi nga tinda yam aropma teteu á le mizeuna ki sed’eziya. Azi ndak á ar tchod’a d’i. Azi nga ve suma amangeîna ki dauna. Djib’er mazid’a nga zud’uzi á le d’od’ok ka fe beged’a. Azi ni suma Alona mi gazi vunina.

1 Jean 2:26

An b’irigi ahle ndazina ni yam suma a hal á vid’igi woina.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 13:14

Mi vit suma yam andagad’ina woi kahle mam suma atchap suma a humzi á led’a avok ambur ma avok mámina. Mi de mi suma yam andagad’ina á yor vana á subur ambur ma a kam yam mbilâ ki mbigeu d’a fiyaka mi tchilâ.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 19:10

Ata yi máma, an puk kä asem á kud’uromu, wani mi dan ala: Ang gol tang djiviya, an ni ndrang ma sunda d’igi b’oziyong suma a ve zla d’a gagazi d’a Jesus mi ndat teid’a na. Ang kud’orî Alona hol. Zla d’a gagazi d’a Jesus mi ndat teid’a, ti zut suma djok vun Alona á dat teyo.

Vama ndum mbeina 3:11

An nga mba atogo zak, ang ngom vama ang nga ki na, ar sa mi prut wurak manga d’i.