Kolos-sâ 1:4 - Bible azumeina

⁴ kayam ami humumi zla he gagazi magi d’a yam Jesus Christ-sa ki o d’a agi nga lat yam suma hAlonina peta mi.

Kolos-sâ 1:4 Iomraidhean Croise

2 Korente-na 7:7

Ami lami furîd’a ni yam mba mamba hol li, wani yam zla d’a mi dami ala agi tagi b’lengêm hurumu d’a mi. Mi dami kua ala agi tagi nga had’agi hurugi ngola á golonu, agi nga yorogi tagi kan ngola, tagi nga d’i lagi zlezleû á ndjunun mi. Kayam ndata, an nga ni le furîd’a ngola mi.

Galat-na 3:26

Ni kayam he gagazid’a ba, agi pet mbud’ugi Alona groma zlapa tu ki Jesus Christ.

Galat-na 3:28

Ki tchetchemba, wala nga aduk Juif-fâ kandjaf suma dingâ d’i, nga aduk magumeina ki gro vuta d’i, nga aduk andjofâ karopma d’uo mi. Agi pet ni zlapa tu ki Jesus Christ.

Galat-na 5:6

Le ei zlabei tu ki Jesus Christ-zu ni, ngat bayâd’a ni va d’i, ngat bayâd’a d’uo pî ni va d’uo mi. Wani he gagazi d’a le sunda yam od’id’a ni vama nda’â.

Efes-sâ 1:15

Kid’a an hum zla he gagazi magi d’a yam Salad’a Jesus-d’a ki o magi d’a yam suma hAlonid’a peta,

Efes-sâ 6:18

Agi lagi ahle ndazina pet ni kur tchenda. Agi tchenegi Alona mi ndjunugiya. Agi tchenegi Alona ata yima lara ge pet yam ad’enga hi Muzuk mamid’a. Agi kagagi ki ndjola teteu ki d’engzenga. Agi tchenegi Alona yam sum mama pet mi.

Kolos-sâ 1:9

Kayam ndata, ata yima ami humumi zla magid’ina, ami arami nga bei tchen Alona kagi d’i, kayam agi wagi min mamba tetet ki ned’a ki wäd’u d’a Muzuk mama mi hagizid’a.

1 Tasaloni’â 1:3

Ami nga djib’eremi kagi bei ara ba avok Alona Abuya, yam sun nda tcholï ata he gagazi magid’id’a, yam sun magi d’a od’a, yam ve ta magi d’a yam hur magi ma tin ma yam Saleina Jesus Christ-sâ mi.

1 Tasaloni’â 3:6

Wani ki tchetchemba, Timote mi tcholï hatagi mi mba mi dami yam zla d’a djivid’a hi he gagazi magid’a ki o magid’a mi. Mi dami ala agi nga djib’eregi kami ki furîd’a teteu, agi min á wami d’igi ami tami minimi á wagi na mi.

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

Filemon 1:5

kayam an hum zla o mang nga ang nga lat yam suma hAlonina peta ki he gagazi mang nga yam Salad’a Jesus-d’a.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

1 Jean 3:14

Ei weya, ei buzugi wa woi kur matna, ei kalei wa kur arid’a. Ei weizi ni kayam me ei nga lei yam b’oziyoina. Sama nga mi le od’a d’uo na, mi nga ni kur matna tua.

1 Jean 3:23

Wana ni vun ma he mama: Ei hei gagazid’a ki simiyê Goroma Jesus Christ, ar ei lei yam tei d’igi Christ mi hei vuna na mi.

1 Jean 4:16

Hina, ei wei od’a hAlona d’a mi lat keid’a. Kayam ndata, ei hei gagazid’a kad’u. Alona tamba ni od’a. Sama nga mi le od’ina, mi nga ni kaka zlapa tu kAlona, Alona mi nga kaka kurum mi.