Kolos-sâ 1:27 - Bible azumeina

²⁷ Ni me ba, ndjondjoî d’a subura hi zla d’a muduri d’a Alona mi min tagat tei aduk suma bei wuma ge? Nala, Christ nga kurugiya. Ni kayam mam ba, agi tinigi hurugi ala Alona mba mi suburugiya.

Kolos-sâ 1:27 Iomraidhean Croise

Matiye 13:11

Mi hulong dazi ala: Alona mi hagi wad’ud’a á we zla d’a mudurid’a yam leu d’a akulod’id’a, wani mi hazizi nga mi azi d’i.

Wana ni Zla d’a Djivi d’a Luc mi b’irita 17:21

A mba dala: Mi kä wana, d’oze, Mi sä wana na d’i. Agi wagiya, leud’a hAlonid’a ti nga adigagiya.

Jean 14:17

Mam mi Muzuk ma tak gagazid’a hAlonid’a woi ma suma duniyad’a a ndak á vum kuruzi d’uo na, kayam a golom nga d’i, a wum nga d’uo mi. Wani agiya, agi wumu, kayam mi nga zlapa ki sed’egiya, mba mi kak kurugi mi.

Jean 14:20

Kur bur máma agi mba wagi ala an nga kur Abunu, agi nga zlapa tu ki anu, an nga kurugi mi.

Jean 14:23

Jesus mi hulong dum ala: Le sama le kanu ni, mam mba mi ngom zla manda, Abun mba mi le kam mi. Ami kAbun mba mbami gevemu, ami mba kagami ki sed’em mi.

Jean 17:26

An tagizi simiyêngû, an mba tagazizi kua, kayam o d’a ang lat kanda, ti kak kuruziya, an kak kuruzi mi.

Jean 6:56

Sama mi tan hliwin mi tchan buzuwan mi na, mi nga karid’a zlapa ki sed’enu, an nga karid’a kurum mi.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Romê-na 2:4

Na ni ang min gol sumad’a ngola hAlonid’a ki ve ta mamba ki rit ta mamba is su? Ang we nga d’ala sumad’a hAlonid’a nga d’i tanangî á mbut hurung yam tcho manga d’a d’uo zu?

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Romê-na 8:10

Le Christ mi nga kurugiya ni, hliwigi mi mit wa woi ata tchod’a, wani muzugagi nga karid’a, kayam Alona mi mbud’ugi suma d’ingêrâ avoromu.

Romê-na 9:23

Ni hina ba, mi min á tak subur mam mba zul heîd’a woi yam ei suma mi wei hohowei suma mi mini avok dei á suburina.

1 Korente-na 3:16

Agi wagi nga d’ala agi ni gong nga kud’ora hAlona d’a Muzuk mama nga kaka kuruta d’uo zu?

2 Korente-na 2:14

An le mersi mAlo ma mi yomi d’igi azigar suma a yozi avun ayînina na ad’u Christ á tak kusa hi Christ-sa woi burâ ki burâ. Mi tinimi á tak Christ woi ata yina pet, d’igi his ma afufuîna mi b’rau woi ata yina pet na.

2 Korente-na 4:17

Ndak ka afefet ta nga d’i lami kä ndjö wanda, mba d’i mba ki subur ra ngol la didinda, kal ndak ka ka tchetchem wanda.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Galat-na 2:20

Ni an ba ni nga kaka karid’a d’i, wani ni Christ ba, mi nga kaka karid’a kurunu. Ari man nda an nga kaka kurut kur hliuna wanda, an kak ki sed’et ni yam gagazi d’a an hat yam Alona Goromid’a, mam ma le kan mi he tam mbei kana mi.

Galat-na 4:19

Grona, vut ta an vud’ugi kur ndakid’a, hulong nga d’i tan d’igi atchad’a ti vut gorâ na, gak Christ mi kak kurugiya.

Efes-sâ 1:7

Kayam ndata, mi wurak kei ki buzuwamu, nala, hurum vat tei yam tcho meid’a. Hina, Alona mi tagei suma mam mba ngol

Efes-sâ 2:22

Kayam mamu, a nga minigi akulo zlap tu á mbud’ugi gong nga kaka hAlonid’a yam Muzuk mama.

Filip-ma 4:19

Wani Alo mana mba mi hagi ahle mam suma ndjondjoî suma kal teglesâ yam kid’ak magi d’a yam Jesus Christ-sa.

Kolos-sâ 1:5

Kayam ndata, agi tinigi hurugi yam vama Alona nga mi ngomom sä akulo kagina. Ni vama agi humum zlam avok dei ata yima a tchagi wal zla d’a gagazid’ina, nala, Zla d’a Djivid’a.

Kolos-sâ 2:3

Ne d’a tetenga ki wad’ud’a hAlonid’a pet a nga ngeid’a kur Christ.

Kolos-sâ 3:11

Kayam ndata, Juif-fâ kandjaf suma dingâ a nga d’i, ma ngat bayâd’a ki ma bei ngat bayâd’a nga d’i, sama abageina ki sama avona nga d’i, magoma ki gor vuta nga d’uo mi, wani Christ ni ma nga kazi pet kuruzi petna mi.

1 Timote 1:1

Ni an Paul ma a sunuma hi Jesus Christ-sâ yam vun ma hed’a hAlo ma sud’ina ki ma hi Jesus Christ ma ei tini huri kamina.

Hebre-na 6:19

Tin hur mei máma nga mi vei kä d’igi kawei ma valumba kä na na. Hur mei ma tin ma gagazi mama mi nga tchola ngingring nga mi kal lei bugol baru d’a ka ira kur gong nga kud’ora hAlona d’a akulod’a gak mi nde woi krovo kur yima a tinim iram vama.

1 Jean 4:4

Grona, agi ni suma hAlonina, agi kuzugi wa yam suma djok vun suma ka zlad’a, kayam Muzuk ma nga kurugina, mi kal muzuk ma nga kur suma duniyad’ina ki ngola.

Vama ndum mbeina 3:20

Ar ang huma! An nga ni tchola avun gonga, nga ni dap vun gonga. Le sana mi humun delen mi malan vuna ni, an mba ni kal avo hatamu, an mba ni te ki sed’emu, mam mba mi te ki sed’en mi.