Kolos-sâ 1:10 - Bible azumeina

¹⁰ Hina wani, agi tid’igi ndak yam minda hi Salad’id’a á le sun nda djivi d’a lara ge pet á lum tam djivid’id’a. Ar sun magi d’a djivid’a ti zul avogovok á wAlona.

Kolos-sâ 1:10 Iomraidhean Croise

Zla d’a d’ogolâ 16:7

Le Ma didina hurum ve tita hi sanid’a ni, mam suma djangûna pî, mba mi zlabam darigïd’a ki sed’eziya.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Daniel 12:4

Wani ang Daniel, ang ngom zla ndata kä muduriya, ang reî vun mbaktum ndata gak bur ma dabid’a mi. Suma ablaud’a a mba ndumud’u, we mazid’a mba d’i i avogovogo.

Mise 4:5

D’igi andjaf suma pet nge nge pî nga mi ge yam kä ad’u alo mama na, ami pî nga gami yami kä ad’u Ma didina Alo mamina burâ ki burâ gak didin.

Habakuk 2:14

Kayam andagad’a pet mba d’i oî ki wed’a hi Ma didin ma subura, d’igi mbiyona mi oî kur alum ma ngolâ na.

Jean 15:16

Ni agi ba, manan ndi, wani ni an ba ni managi ni tinigiya, kayam agi i vud’ugiya, vut magid’a ti i avogovok mi. Hina wani, vama lara pî ma agi tchenegi Abun kam ki simiyêna, mam mba hagiziya.

Jean 15:8

Le agi nga vud’ugi ngola ni, agi mba suburugi Abunu. Hina, agi mba tagagi woi ala agi ni man suma hata.

Jean 17:3

Ari d’a didinda ba wana, nala, a wang ala ang tu nAlo ma gagazina, a wan ala an Jesus Christ ni ma ang sununïna mi.

Romê-na 1:13

B’oziyona, an min ala agi wagi ala an min á iza hatagi yan ablaud’a, kayam sun manda ti vut adigagi d’igi ti vut aduk andjaf suma duniya suma hiuna na mi. Wani gak ki tchetchemba, an fe nga lovota d’i.

Romê-na 4:12

Mam nabu suma ngat bayâd’a mi. Wani ni yam ngat bayâ mazid’a hol li, ni yam tit mazi d’a kur lovot ta he gagazid’a mi d’a, d’igi abui ngolo Abraham mi tit kua avok ka mam bei ngat bayâd’id’a na mi.

Romê-na 6:4

Kur batem meid’a, a tozei zlapa tu ki sed’em kur mat mama. D’igi Christ mi tchol akulo aduk suma matna karid’a kad’eng nga subura hAbumba na, hina mi, ei tid’i ni kur ari d’a awilid’a mi.

2 Korente-na 2:14

An le mersi mAlo ma mi yomi d’igi azigar suma a yozi avun ayînina na ad’u Christ á tak kusa hi Christ-sa woi burâ ki burâ. Mi tinimi á tak Christ woi ata yina pet, d’igi his ma afufuîna mi b’rau woi ata yina pet na.

2 Korente-na 4:6

Kayam Alo ma dala: Ar b’od’a ti b’o kur nduvunda na, ni ma nga b’o kuri kayam ei wei subura hAlona d’a nga d’i b’o avok Christ-sa.

2 Korente-na 5:9

Kayam ndata, le ami nga kur hliu tad’a, d’oze ami walami ki hliu tad’a pî, ami minimi á lum tam djivid’a yam ahlena pet.

2 Korente-na 9:8

Alona mi ndak á hagi ahle suma djivi suma lara ge pet, kayam agi fagi ahle suma ndagagina burâ ki burâ, kayam agi hagi ngola á le ki sun nda djivi d’a lara ge pet mi.

Efes-sâ 1:17

kayam Alona hi Saleina Jesus Christ Abui ma subura, mi hagi Muzuk mama á tagagi wad’ud’a á wum mbei tetet mi.

Efes-sâ 2:10

Kayam nAlona ba, mi leya, mi geya, mi zlabei tu ki Jesus Christ, kayam ei i avogovok á le sun nda djivi d’a mi minit kei avok dei á led’id’a.

Efes-sâ 4:1

Kayam ndata, an ma dangei ma yam Salad’ina nga ni tchenegi ki so tad’a, ar agi tid’igi ndak yam yi d’a Alona mi yagid’a

Efes-sâ 4:13

á mbud’i kaka zlapa tu kur he gagazi meid’a á we Alona Goroma, á mbud’i suma djengâ ndak á we ndak ka memeta hi Christ-sina.

Efes-sâ 5:10

Agi b’ad’agi tagi á le vama mi le Salad’a tam djivid’ina.

Efes-sâ 5:15

Kayam ndata, agi gologi tagi djivi yam tit magid’a. Ar agi tid’igi d’igi suma bei ned’a na d’i, wani d’igi suma ned’a na.

Efes-sâ 5:2

Ar agi tid’igi kur od’a d’igi Christ mi le kei na mi. Mi he tam mbei kei d’igi vama he ma ngat buzu ma his ma afufuî ma lAlona tam djivid’ina na.

Filip-ma 1:11

Agi oyôgi ki sun nda d’ingêra kurugi kayam agi suburugi Alona, agi gilem mi.

Filip-ma 1:27

Wani vama kal teglesâ, agi tid’igi ni tit ta ndak yam Zla d’a Djivid’a hi Christ-sa. Hina wani, le an i á d’ugiya, d’oze le an i á d’ugi d’uo pî, an mba hum ala agi nga kagagi ngingring kur djib’er ra tud’a, agi nga durugi ayîna ki hur ma tuna yam he gagazi d’a yam Zla d’a Djivid’id’a.

Filip-ma 4:18

Kayam an fe he d’a hawa magi d’a agi sunundji abo Epafrodit-ta pet ndaganu. An nga kahle suma ndagana pet da’. He d’a hawa magid’a ni his ma afufuîna, ni vama ngat buzu ma djivi ma Alona tam mbi lum djivid’a kama.

Kolos-sâ 2:19

kayam mi ve nga Christ ma ala ni yamba na d’i. Ni kayam Christ ba, hliu ta ndata pet nga d’i fe tena, nga d’i djin zlapa tu ata ir ra lara ge pet ata sidei mama, nga d’i wul akulo d’igi Alona mi min na mi.

Kolos-sâ 2:6

D’igi agi vagi Jesus Christ Salad’a na, ar agi tid’igi zlapa tu ki mamu.

Kolos-sâ 3:20

Agi gugureina, agi gagi yagi kä ad’u simiyêgi kur ahlena pet. Hina wani, ni vama djivina avok Salad’a.

Kolos-sâ 4:5

Ar agi tid’igi ki ned’a aduk suma bei he gagazid’ina, ar yina mi kalagi d’i.

1 Tasaloni’â 2:12

Ami gigid’egiya, ami b’lengêgi kurugiya, ami zud’ugi kam kua kam kua ala agi tid’igi ndak ata minda hAlo ma nga mi yagi á igi kur leu mamba ki subur mambina.

1 Tasaloni’â 4:1

B’oziyomina, vama arâ, ami nga tchenegiya, ami nga gigid’egi ki simiyê Salad’a Jesus d’igi ami had’agi avok na, ni nana ba, agi tid’igi tit ta lAlona tam djivid’a ge. Ki tchetchemba, agi nga lagi na mi, ar agi igi iragi avogovogo.

2 Timote 2:4

Azigar ma dur ayîna nga mi tin hurum yam vama blogoma d’i, kayam mi min á le mam ma ngolâ tam djivid’a.

Wana ni mbaktum mba Paul mi b’irit mi Tit-ta 3:1

Ang gazi humazi a ge yazi kä ad’u suma te yamba ki suma ad’enga, a humuziya, a min tazi á le sun nda djivi d’a lara ge pet.

Wana ni mbaktum mba Paul mi b’irit mi Tit-ta 3:14

Ar sum meina a hat á le sun nda djivid’a teteu, kayam a fahle suma a kid’agazina, kayam tit mazid’a kak bei vuta d’i.

Hebre-na 11:5

Ni yam he gagazid’a ba, Alona mi hle Enok akulo bei matna. A fum nga d’i, kayam Alona mi hlum sä akulo. Avok ka bei mi hlumba, mbaktumba hAlonid’a ti le glangâsâ kam ala ni sama lAlona tam djivid’ina.

Hebre-na 13:16

Agi maragi á le djivid’a mi suma á ndjunugi tagi d’uo mi, kayam vama ngat buzu ma hina na ni vama lAlona tam djivid’ina.

Hebre-na 13:21

Ar Alona mi mbud’ugi suma ndak memetna yam sun nda djivi d’a lara ge pet á le min mamba. Ni ma nga mi le sun nda djivid’a kuri yam Jesus Christ á lum tam djivid’ina. Ni Jesus Christ ma ei suburum gak didina. Amin!

2 Pierre 1:8

Le agi nga lagi ahle ndazina, le a nga zul adigagi miyu ni, a mba zud’ugi avogovogo, agi mba kagagi hawa bei vuta d’i, agi mba wagi Saleina Jesus Christ tetet mi.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

1 Jean 3:22

Vama lara pî ma ei nga tcheneizina, ei nga feizi abomu, kayam ei nga ngomei vun ma he mama, ei nga lei ahle suma a lum tam djivid’ina mi.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

3 Jean 1:6

Azi le glangâsâ avok suma Toka yam o manga. Le ang nga ndjunuzi kur tit mazid’a na ni, ni vama djivina avok Alona.