Josue 8:4 - Bible azumeina

⁴ Mi hazi vuna ala: Agi gologi tagi djiviya! Ar agi burugi kä woi huyok azì ma ngolâ, agi walagi woi dei kazina d’uo mi, agi pet minigi tagiya.

Josue 8:4 Iomraidhean Croise

2 Amuleina 7:12

Kayam ndata, amulâ mi tchol akulo andjege dangâla, mi de mazungeî mama ala: An nga ni vagi ad’ud’a yam ahle suma Siri-na a nga minizi keina. Azi wala baktarad’a ti nga avo hateya. Kayam ndata, azi ar kang mazina woi a i ngei tazi abageya, a nga dala ei mba buzugi woi kur Samari, azi mba yoi karid’a, azi mba tchuk kur azina avo!

2 Sunda Hamuleinid’a 13:13

Ata yi máma Jerobowam mi sun azigar suma dingâ gumun á mbud’ï bugol suma Juda-na á nguyuziya, Israel suma dingâ a tchol avoroziya.

Ma tchi wala 7:19

Ned’a nga d’i had’enga mi sama ned’a kal suma dogo suma a nga te yamba kur azì ma ngol ma tunina.

Ma tchi wala 9:16

An dala: Ned’a ti kal ad’enga, wani ned’a hi sama houd’id’a a golot is, a hum nga zla mamba d’uo mi.

Sunda hi suma a sunuzinid’a 23:21

Wani ang humuzi d’i, kayam suma a ngei nga tazi á tchumu, ablawazi kal suma dok fid’i. Azi gun tazi ala azi te d’oze tche va d’uo mi, gak azi tchum mbeî tua. Ki tchetchemba, azi min wa tazi da’, azi djup mi zla ma anga.

Josue 8:16

Suma Aï-na a yi suma hur azì ma ngolîna pet ala a i dik Israel-lâ. Josue mi lobozi gak mi kazi ad’uzi woi kazina.

Josue 8:3

Josue mi tchol ki suma dur ayîna pet á i á dur Aï. Mi man azigar suma a we durîna 30.000, mi sunuzi kandjeged’a.

Suma ka sariyad’a 20:29

Ata yi máma Israel-lâ a i buruzi kä bugol Gibeya.

Suma ka sariyad’a 20:33

Israel-lâ pet a ar yazi ma azi tchol kuana, a mba ndjar rei Bäl-Tamar, suma a ngei kä na a buzugï woi ata yazi ma Märe-Gibeya-na.

Suma ka sariyad’a 20:36

Ki yorogod’a, suma hi Benjamin-na a djib’er ala azi kuzî yam Israel-lâ. Wani Israel-lâ a arazi yina kayambala azi tin huruzi ni yam mazi suma a ngei kä á dur suma Gibeya-na d’a.

Suma ka sariyad’a 9:25

Suma Sikem-ma a tchuk suma, a burum kä yam ahinad’a yat ta ked’iwurenga, a nga yo ahlena hi suma a nga kal kur lovot ndatina. Wani a mba de zla ndata mi Abimelek.

Suma ka sariyad’a 9:32

Ki tchetchemba, ang ki suma a nga zlapa ki sed’engâ, agi tchologi andjege d’a wanda, i burugi kä abageya.

1 Samuel 15:2

Wana ni zla d’a ded’a hi Ma didin ma ad’engêm kal petnid’a: Mi dala: An djib’er yam vama suma Amale’â a lum ki Israel-lâ kid’a a d’el lovota avorozi ata yima azi buzugï woi kur Ezipte-d’ina.

1 Samuel 15:5

Saul mi i ki sed’ezi avo Amalek; azi ngei tazi kä kur toliyon nda sod’a.