Josue 8:35 - Bible azumeina

³⁵ Josue mi ndum zla d’a Moise mi he vuna kata woi avok ablaud’a hi Israel-lîd’a, aropma ki kemba kangoyogei suma a nga kaka adigazina pet bei mi ar zla kä tu ba.

Josue 8:35 Iomraidhean Croise

Esdras 10:1

Esdras mi grif kä avun gong nga kud’ora hAlonid’a, nga mi tchiya, nga mi tchena, nga mi däd’u tcho mazid’a woyo. Ata yi máma Israel-lâ ablaud’a, nala, andjofâ, aropma ki kemba, a tok gevemu, a tchi ki simina irazi dundulung.

Nehemi 8:2

Esdras ma ngat buzuna mi hlad’ï mi mba ki sed’et avok suma toka, andjofâ karopma ki suma pet suma a ndak á hum zlad’ina, ni kur bur ma avo’â hi til mámina.

Nehemi 8:3

Esdras mi nga tchola avun agrek ma i ki yima mbinina, mi tin ad’u ndum mbaktumba yorogo dei gak faleya, avok andjofâ karopma ki suma a ndak á hum zlad’ina. Suma pet a nga kaka tchugot á hum gat ta mam nga mi ndumuta.

Buzuk ka Abud’a 12:38

Andjaf suma ablaud’a teteng a i ki sed’eziya, d’uwar ma gureina ki ma nglona ablaud’a mi.

Jeremi 26:2

An Ma didina nga ni dangû, ang i tchol kur gulumuna hi gong man nda kud’orina, ang de mi suma kur azì ma nglo ma Juda-na suma a nga mba á grif kä kur gong mandina zla d’a pet ta an nga ni hang vuna kat á dazizid’a. Ang ar zla kä tu d’i.

Joel 2:16

Agi togogi suma á togogi tok ka a tinit irat vata, agi togogi suma nglona ki kemba ki gugurei suma tchapona mi. Ar sama tel atchad’a awilina kamam mba mi teleta a buzuk kei kur gong mazi d’a burâ.

Zakari 8:23

An Ma didin ma ad’engên kal petna ni dala: Kur bur máma suma dogo ad’u vun ma ded’a teteng a mba ve vun barud’a hi ma Juif-fîd’a, a mba dum ala: Ami imi ki sed’egiya, kayam ami humumi ala Alona mi nga ki sed’egiya.

Marik 10:14

Kid’a Jesus mi we hina d’a, hurum mi zala, mi dazi ala: Agi aragi gugureina a mbeï gevenu. Agi d’elezi d’i, kayam leud’a hAlonid’a ni yam suma d’igi azi na na.

Sunda hi suma a sunuzinid’a 20:27

Kayam an dagi minda hAlonid’a woi pet, an ngeyegi nga va d’i.

Sunda hi suma a sunuzinid’a 21:5

Kid’a bur ma kid’iziyana dapa, ami tcholomi á imi avogo. Azi kamiyôzina ki grozina pet, azi tinimi gak a ndami sä woi bugol azì ma ngolâ. Ata yi máma, ami grivimi kä avun alum ma ngolâ, ami tchenemi Alona.

Gat ta a hat á mbàd’id’a 29:10

Moise mi de kua ala: Agi Israel-lâ pet, agi togogi ini kä avok Ma didina wana: Suma avok andjavagina, magi suma nglona, magi suma sunda,

Gat ta a hat á mbàd’id’a 29:11

grogina, amiyôgina, angoyogei suma a nga kaka adigagina, suma a nga ngad’agi agunina ki suma a nga gulugi mbinina mi.

Gat ta a hat á mbàd’id’a 29:9

Agi ngomogi zla d’a Ma didina mi djin vunam kat ki sed’egi wanda, agi tid’igi kat mi. Hina wani, agi mba fagi ahlena pet suma agi mba lagizina.

Gat ta a hat á mbàd’id’a 31:12

Ang tok suma pet andjofâ karopma ki kemba kangoyogei suma a mba kak adigagina á humud’u, á hat á le mandara Ma didina Alo magina, á ngom zla d’a pet ta kur gat ndatid’a, á tit kat mi.

Gat ta a hat á mbàd’id’a 4:2

Agi tinigi zla d’a ding yam vun ma he ma an hagizina d’i, agi pad’agi va woi kua d’uo mi, wani agi tid’igi yam vun ma hed’a hi Ma didina Alo maginina d’igi an hagizi na.