Josue 8:28 - Bible azumeina

²⁸ Josue mi ngal azì ma Aï-na woyo, mi mbud’umî azì ma b’laka ki iram fafat, mi mbut ni d’igi hur fulâ na gak ini.

Josue 8:28 Iomraidhean Croise

2 Amuleina 19:25

Ang Sanakerip, ang we djiviya! Ni an Ma didina ba, ni min ahle ndazina dedei. An nga hurun á lahle ndazina navok dedei. Ki tchetchemba, an nga ni ndagazi vunazi wana. Ni an ba ni hang lovota á to azì ma nglo ma ad’eng ma ngunguna kä woyo.

Isai 17:1

Wana ni zla d’a Ma didina mi dat yam Damas-sa, mi dala: Gola! Damas a mba ndumut aduk azina d’i, wani mba d’i arî djimngil ma b’laka.

Isai 25:2

Kayam ang mbut azì ma ngolâ d’igi mola hahinad’id’a na, azì ma ngol ma ad’engâ, ang b’lagam mbeyo, azì ma ad’eng ma ngunguna handjaf suma dingîna, ang b’lagam mbei mi. Sama mba mi hulong mi minim akulona nga d’uo d’a.

Jeremi 49:2

Ni kayam ndata ba, an mba ni mba ki siwela hayî ma durîd’a kur azì ma Raba ma hi suma Amon-nina. Mba mi arî djona, azì ma gurei ma nguyuma a mba ngalam mbei kakud’a mi. Ata yi máma Israel-lâ a mba hle va mazi ma azi tum djona adjeuna. An Ma didina ni de na.

Jeremi 50:26

Agi mbeyegï ata yina pet durud’u, agi malagi vun avurei matna woyo, agi yogi ahle matna, agi mologizi d’igi suma a mol mbugulud’a na. Agi b’lagagizi woi kakazeî, agi aragi va kurut tu d’i!

Jeremi 9:11

Ma didina mi dala: An mba ni mbut Jerusalem djona, an mba ni mbud’ut domina hi hânina, an mba ni mbut azì ma nglo ma Juda-na hur ful ma sa nga mi kak kua d’uo na.

Mise 3:12

Ni kayam agi ba, a mba zum Siyon d’igi sana mi zum asinena na, Jerusalem mba d’i mbut ni mola hahinad’id’a, ahina d’a a min gong nga kud’ora hAlonid’a kata, mba d’i mbut ni yima akulo nding ma agud’a kam ndindi’â.

Gat ta a hat á mbàd’id’a 13:16

Agi togogi ahle suma agi yogizina hurazina d’ad’ar, agi ngalagi azì máma kahle suma agi yozina pepet woi kakud’a avok Ma didina Alo magina. Azì máma mba mi arî azì ma b’laka ki iram fafat; ar sa mi minim akulo d’uo d’a.

Gat ta a hat á mbàd’id’a 13:17

Ar agi hlagi ahle suma agi b’lagazi woina abogi d’i, kayambala Ma didina hurum vat tei kur ayî mam ma bibiliuna d’a. Le agi gagi yagi kä ad’u zlad’a hi Ma didina Alo maginid’a, le agi ngomogi vun ma he mama pet ma an hagizi inina, le agi lagi sun nda d’ingêra avok Ma didina Alo magina ni, mam mba mi wagi hohowogiya, mba mi zulugi ablaud’a d’igi mam hle vunam mabuyogi ngolo na mi.

Josue 4:9

Josue mi tin ahuniyô suma dingâ akulo kad’uzi kur alum ma Jurdê-na, ata yima suma ngat buzu suma a nga zi zandu’â hi Ma didinina a tchol kuana. Ahuniyô ndazina a ar nga ata yi máma gak ini mi.

Josue 8:29

Wani amul ma Aï-na, a tchugum ziyona kelem a djinim akulo ata aguna gak tcha fladege. Kid’a afata i nikid’a, Josue mi he vuna ala a fogomî mad’am kä ata aguna. A gum kä avun azì ma ngolâ, a mol ahinad’a kam gindiu; ahina ndata nga gak ini.