Josue 7:25 - Bible azumeina

²⁵ Josue mi de mi Akan ala: Ni ang ba, mba ki ndaka kamiya. Ki tchetchemba, Ma didina nga mi mba ki ndaka kang mi. Ata yi máma Israel-lâ a durum kahinad’a, a tchumu, a dur sum mama kahinad’a mi. Azi ngalam ahle mama woi pet mi.

Josue 7:25 Iomraidhean Croise

Ad’u Tinda 34:30

Jakob mi de mi Simeon azi ki Levi ala: Agi b’lagan wa, agi mbud’un wa ndjendjed’a avok suma yam andaga d’a wandina, suma Kanan-na ki suma Peris-sâ. An nga ki suma ngol luo; azi mba tok taziya, a mba durunu, a mba tchan ndei ki sum meina mi.

Ad’u Tinda 38:24

Bugol til ma hindina a mba de mi Juda ala: Akunonga Tamar ti mbut wa gaulangâ. Gola! Ti ge wa wirâ ki gaulang matna. Juda mi dazi ala: Agi it abagei kel ngalat teyo.

1 Sunda Hamuleinid’a 2:7

Karmi goroma ba wana: Ni Akar ma mi mba ki ndaka yam Israel-lâ ata yima mi le sun nda ata yat tuo d’a kahle suma Ma didina mi he nga vuna kazi á yod’a d’uo na.

Zla d’a d’ogolâ 1:19

Wana ni lovota hi sama nga ki d’od’oka ngola á fe bege d’a ata yat tuo d’ina. D’od’ok mamba mba d’i bamî mam tamba woyo.

Zla d’a d’ogolâ 15:27

Sama mi le d’od’oka á fe bege d’a mbut irina mi mba ni ki ndaka yam aziyamu, wani sama nga mi noî he d’a hawa d’a mbut ira woina, mba mi kak karid’a.

Sunda hi suma hi Levi-nid’a 20:14

Le sana mi vatchad’a ki gorota djagu ni, mi tchila ni yam gata. Mam karop ndazina, a ngalazi woi pet, kayam ar andjaf tcho d’a hina d’a ti kak adigagi d’i.

Sunda hi suma hi Levi-nid’a 20:2

Ang i de mi Israel-lâ ala: Sama lara ma aduk Israel-lîna, d’oze le nangei ma nga kaka adigagina, le mi he goroma malo ma a yum ala Molo’â ni, mi ndak á tchid’a. Ar suma a nga kaka yam ambasina, a durum kahinad’a, a tchum mbeyo.

Sunda hi suma hi Levi-nid’a 21:9

Le ma ngat buzuna goromba ti mbut tat zulona á le gaulangâ ni, ti mbut nabut zulona; a ngalat tei kakud’a.

Sunda hi suma hi Levi-nid’a 24:14

Ang nde ki ma lazan simiyên máma woi kur kangâ. Suma a hum ngul ndata ki humazina a tin abozi kamu, ablau suma pet a durum kahinad’a, a tchumu.

Galat-na 5:12

An min ala suma a b’lagagi djib’er magid’ina, a ngat hud’uzi woyo!

Gat ta a hat á mbàd’id’a 13:10

Ang dur sama tcho máma kahinad’a, ang tchum mbeyo, kayam mi halî lovota á walang ngei dei ki Ma didina Alo mang ma mi ndangî woi kur ambas sa Ezipte-d’a kur yima a lagi magomba kuana.

Gat ta a hat á mbàd’id’a 13:11

Hina wani, agi Israel-lâ pet, agi mba hum zla ndata, agi mba lagi mandarâ; sa mba mi le andjaf tcho d’a hina d’a adigagi d’uo d’a.

Gat ta a hat á mbàd’id’a 17:5

ata yi máma agi mbagi ki sa máma, atchad’a d’oze mandjuf ma mi le sun nda tcho ndatina woi abu avun azina, agi durum kahinad’a gak agi tchum mbeyo.

Gat ta a hat á mbàd’id’a 21:21

Ata yi máma suma kur azì mam ma ngolîna pet a durum kahinad’a, a tchum mbeyo. Hina wani, agi mba d’elegi tcho d’a led’a woi adigagi kayambala Israel-lîna pet a huma, a le mandarâ d’a.

2 Tasaloni’â 1:6

Wana ni vama d’ingêrâ avok Alona: Mba mi hulong djop vun suma a nga lagi ndakina.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Josue 6:18

Wani agi gologi tagi djiviya, agi dogi abogi ata ahle suma Ma didina mi hagi vuna kazi á b’lagazi woina do ba, agi mbagi ki ndaka ki b’laka yam kangâ hi Israel-lîna d’i.

Josue 7:15

Sama an Ma didina mba ni gum ad’um mbei ni fahle suma an Ma didina ni d’el kazina avo hatama, a mba ngalam mbei kakud’a kahle mama pet, kayam mi but vun ma djinda hi an Ma didinina woyo, mi le ni tchod’a aduk Israel-lâ mi.

1 Samuel 14:29

Jonatan mi hulong dum ala: Abun mi mba ni ndaka yam sum meina. Gola! An iran d’igil wana! Ni kayamba an te mbul ayumid’a.