Josue 7:20 - Bible azumeina

²⁰ Akan mi hulong de mi Josue ala: Gagazi, an le tchod’a avok Ma didina Alona hi Israel-lîna. Ang gol vama an luma ba wana:

Josue 7:20 Iomraidhean Croise

Ad’u Tinda 42:21

Azi de tazi ala: Gagazi, ndaka mba kei wani ni yam zlad’a hi wiyeinid’a. Ata yima mi tchenei ala ei vum hohowomu, ei wum ndak mamba na, ei humum nga d’i. Ni kayam ndata ba, ndaka mba kei wana.

Wana ni mbaktumba hi Job-pa 33:27

Nga mi hle sawala avok suma, nga mi dala: An le tchod’a, an tchila yam lovot ta d’ingêra, wani mi ngobon nga d’igi ndak kan á ngopa hina d’i.

Wana ni mbaktumba hi Job-pa 7:20

Ang ma ngom sumina, le an le tchod’a ni, an ndaga ni lang me ge? Ni kayam me ba, ang mbud’un va ma ang d’ingêrem á dur kahlenina ge? Ni kayam me ba, an mbut va ma ane’â yam an tanda ge?

Sawal la giled’a 38:18

Kayam an ar go á puka, an nga ni yor tan teteu.

Buzuk ka Abud’a 10:16

Faron mi yï Moise azi ki Aron atogo zak, mi dazi ala: An le tchod’a avok Ma didina Alo magina, an le tchod’a avogogi agi mi.

Buzuk ka Abud’a 9:27

Faron mi yï Moise azi ki Aron, mi dazi ala: Ki tchetchem mba wanda, an le tchod’a! Ma didina ni ma d’ingêrâ; an ki sum mana, ami lami tchod’a!

Ndumba 22:34

Baläm mi de mi malaikana hi Ma didinina ala: An le tchod’a! Kayam an we nga d’ala ang nga tchola avoron kur lovota d’a d’i. Ki tchetchemba, le i manda lang nga tang djivi d’uo ni, an hulong avo.

Matiye 26:9

Sana mi ndak á gus mbul máma woi ki beged’a ngola á he mi suma houd’a.

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

Josue 7:19

Josue mi de mi Akan ala: Gorona, ang subur Ma didina Alona hi Israel-lîna, ang hum ngola, ang dan ndei yam vama ang luma, ang ngeyen va d’i.

Josue 7:21

An gol aduk ahle suma ei hurumuzina, an we baru d’a ngol la djif fa Sinar-ra ki kawei ma hapma kikis mbà ki mbuka hi lor-ra d’a aneget ndak ir grama go ki kikis sa klavandid’a. An le d’od’oka kaziya, an yoziya, a nga ngeid’a kä aduk andagad’a kur zlub’u manda; kawei ma hapma mi nga tchuka kä ad’uziya.

1 Samuel 15:24

Saul mi de mi Samuel ala: An le tchod’a, an tchila yam vun ma hed’a hi Ma didinina ki gat manga, kayam an le mandara azigarâ, an hum zla mazid’a.

1 Samuel 15:30

Saul mi de kua ala: An le tchod’a. Wani an nga ni tchenengû, ang han ngola avok suma nglona hi azigar manina ki Israel-lâ; ang mbei i ki sed’enu, kayam an i kud’or Ma didina Alo mangâ.