Josue 6:19 - Bible azumeina

¹⁹ Bege d’a hapa ki lora kahle suma a lazi ki kawei ma hleunina d’oze suma a lazi ki kawei ma wuranina nahle suma a tinizi irazi vazi mi Ma didinina, a mba tchuguzi ni kur yi mam ma ngom ahlena.

Josue 6:19 Iomraidhean Croise

2 Samuel 8:11

David mi tinizi irazi vazi mi Ma didina d’igi mam tin kawei ma hapma ki lora suma mam yozï abo andjaf suma pet suma mam kus kazina mi Ma didina na mi.

1 Amuleina 14:26

Mi yo ndjondjoî d’a kur gong nga kud’ora hi Ma didinid’id’a ki ndjondjoî d’a kur azina hamulîd’a pet, mi yo mboriyo suma lor suma Salomon mi yorozina pet mi.

1 Amuleina 7:51

Kid’a amulâ Salomon mi dap sunda hi gong nga kud’ora hi Ma didinid’a peta, mi yoï kawei ma hapma ki lora kahlena teteng suma abum David mi tinizi irazi vazi mi Ma didinina, mi tchuguzi kur gong nga ngom ndjondjoî d’a kur gong nga kud’ora hi Ma didinid’a.

2 Amuleina 24:13

D’igi Ma didina mi de avok na, Nebukanezar mi yo ahle suma a nga kur gong nga ngom ndjondjoî d’a kur gong nga kud’ora hi Ma didinid’ina ki suma nga kur gong nga ngom ndjondjoî d’a kur azina hamulîd’ina pet, mi to ahle suma lor suma Salomon amul ma Israel-lâ mi minizi á le ki sunda kur gong nga kud’ora hi Ma didinid’ina woi pepet mi.

1 Sunda Hamuleinid’a 18:11

David mi tinizi irazi vazi mi Ma didina zlapa ki kawei ma hapma ki lora suma mam yozï abo andjaf suma pet suma mam kus kazina, nala, suma Edom-ma, suma Mowap-ma, suma Amon-na, suma Filistê-na ki suma Amale’â mi.

1 Sunda Hamuleinid’a 26:20

Ma aduk andjafâ hi Levi-na, Ahiya ni ma a tinim á ngom ahle suma kur gong nga kud’ora hAlonid’ina kahle suma a tinizi irazi vazi mAlonina.

1 Sunda Hamuleinid’a 26:26

Selomit ki b’oziyoma ni suma a tinizi á ngom ahlena pet suma amulâ David ki suma avok sum mazinina ki suma avok azigar suma dudubuna ki suma avok azigar suma kikisâ ki suma nglo suma avok azigar suma dingîna a tinizi irazi vazi mAlonina.

1 Sunda Hamuleinid’a 26:27

Nahle suma azi yozi aduk ahle suma a yozï avun ayîna a tinizi irazi vazi á min ki gong nga kud’ora hAlonid’ina.

1 Sunda Hamuleinid’a 26:28

Ahlena pet suma Samuel ma djok vuna ki Saul Kis goroma ki Apner Ner goroma ki Jowap Seruya gorotna a tinizi irazi vazi mAlonina pet a nabo Selomit ki b’oziyoma.

1 Sunda Hamuleinid’a 28:12

Mi hum nga d’a mam ngat kurumba pet hi gulumuna hi gong nga kud’ora hi Ma didinid’a ki hur gongîyo suma nguyut suma kazi irazi vazi á ngom ahle suma kur gonga hAlonid’ina ki gong nga ngom ahle suma ndjondjoî suma a tinizi irazi vazi mAlona kuad’a.

2 Sunda Hamuleinid’a 15:18

Nga mi mba ki he d’a hawa d’a abum mi tinit irat vata ki he d’a hawa mamba tata kur gong nga kud’ora hAlonid’a, nala, kawei ma hapma ki lora kahle suma djivi suma kal teglesâ teteng mi.

2 Sunda Hamuleinid’a 31:12

Burâ ki burâ a nga mba kahle suma a pad’azi vunazi dimina kahle suma a tinizi irazi vazina. A tin Konaniya ma ad’u andjafâ hi Levi-na yam ahle ndazina zlapa ki wiyema Simei ma kam á mbàd’ina.

Nehemi 10:38

Ma ngat buzu ma ad’u andjafâ hi Aron-na mi i ki suma hi Levi-na ata yima a nga mba ki dim ma a pad’am aduk dimina kur gong nga ngom ahlena kur gong nga kud’ora hAlo meinid’a.

Jeremi 38:11

Ebet-Melek mi yo suma ad’um dok hindi, mi i kur azì ma amula kä ad’u yima ngom ahlena, mi yoï baru d’a adjeu d’a d’uta, mi sirit sä kä mi Jeremi ki ziyona kur golonga.

Sunda hi suma hi Levi-nid’a 19:24

Kur biza d’a fid’id’a, agi tinizi vud’uzi pet irazi vazi á suburun an Ma didina.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Ndumba 31:11

A buzuk kei kahlena pet suma azi yozi avun ayînina, suma ki d’uwarâ mi.

Ndumba 31:12

A mba ki magumeina kahle suma a yozï avun ayînina mi Moise azi ki Elazar ma ngat buzuna kablaud’a hi Israel-lîd’a pet, suma a ve nga kangâ hur ful la Mowap pa go kalum ma Jurdê-na d’a ngagad’a yam Jeriko d’ara.

Ndumba 31:22

Lora, kawei ma hapma, kawei ma hleuna, kawei ma wurana, dorona ki lomba mi,

Matiye 27:6

Wani nglo suma ngat buzuna a yo bege ndata, a dala: Gat meid’a arei nga lovota á tchuk bege ndata kur zanduk ma nga kur gong nga kud’ora hAlonid’ina d’i, kayam me ni bege d’a buzuna.

Marik 12:41

Jesus mi kak gen zanduk ma suma tchuk beged’a kuana á we ni nana ba, ablau suma a nga tchuk beged’a kur zandu’â ge? Ablau suma ndjondjoîna a tchuk ngola.

Josue 7:11

Israel-lâ a le tchod’a, a but vun ma djin ma an hazi vuna kama woyo, a yo ahle suma an d’elezi kazi ala azi yozi d’uo na, a kuluziya, a ngeyezi nga aduk ahle mazina.