Josue 6:17 - Bible azumeina

¹⁷ Agi b’lagam mbei kahle suma kuruma pet, kayam azi nahle suma a tinizi irazi vazi mi Ma didinina. Ni Rahap pa gaulangâ hol ba, ei mba arat bei tchid’a ki suma a nga avo hatatna pet, kayam ndat ti ngei suma ei sunuzi adjeu á d’u yinina.

Josue 6:17 Iomraidhean Croise

Ad’u Tinda 12:3

An mba ni b’e vunan yam suma yam andagad’ina pet ni kang angû; suma a mba b’e vunazi kangâ, an mba ni b’e vunan kaziya; suma a mba gang vunina, an mba ni gazi vuna mi.

Esdras 10:8

Suma avok suma ki suma nglona a ndjak vunazi ala: Sama lara pî ma mi mba nga kur bur ma hindi ma a ngama d’uo na, a mba hurumum ahligiyemu, a mba digim mbei aduk adesâ hi suma a tcholï ata yima magombina mi.

Isai 34:6

Mbigeu mamba ti nga tchora ki buzuwazi d’igi buzuwa gro tumiyôna ki buzuwa mbekmberena suma a ngad’azi buzunina na, mbuluzi nga b’ala atat d’igi mbul ma yam b’orozom gamlânina na mi. Kayam Ma didina mi ngat buzuna kur azì ma ngol ma Bosra-na kur ambas sa Edom-mba. Ni mat ma tchi ma tcho ma kal lei nde na.

Jeremi 46:10

Wani bur máma ni burâ hi an Salad’a Ma didin ma ad’engên kal petna. Ni bur ma an mba ni sä atchugulun ki man suma djangûnina. Mbigeu d’a fiyaka mba d’i kizak suma gak ti ndak vat ndak, mba d’i tchazi buzuwazi mi, kayam an Salad’a Ma didin ma ad’engên kal petna, ni ngad’azi ni d’igi vama ngat buzuna na yam ambas sa abo ma norâ d’a avun alum ma Efrat-nid’a.

Ezekiyel 39:17

Salad’a Ma didina mi dan kua ala: Ang gor sana, ang yi andjaf aluweina teteng kambureina, ang dazi ala: Agi tchologï ata yina teteng, agi mbeyegïya, agi togogï ka hî á tagi va man ma ngat buzu ma an tanda ni ngad’am kagina. Ni vama ngat buzu ma ngol ma yam ahuniyô suma Israel-lîna! Agi mba mud’ugi hliuna, agi mba tchagi buzuna mi.

Sunda hi suma hi Levi-nid’a 27:21

fata biza d’a ngol la furîd’a ndaka, asine máma mba mi arî hi an Ma didinina, mba mi mbut ni hi suma ngat buzunina d’igi asine ma a tinim iram vam mi an Ma didina ki iram fafatna na.

Mise 4:13

Ma didina mi dala: Agi suma Jerusalem-ma, agi tchologi akulo, agi togi awuna. An mba ni mbud’ugi ad’enga d’igi adif ma kaweina na, d’igi alif ma kaweina na mi. Agi mba kazlagi andjaf suma ablaud’a kä kakahl, ahle mazi suma ndjondjoî suma agi mba yozina, agi mba tinindji irazi vazi mi an Sala andagad’a.

Matiye 25:40

An amulâ mba ni hulongôzi ded’a ala: Gagazi, an nga ni dagiya, vama agi lum ki ma gor ma kid’ak aduk b’oziyon suma wanina, agi lumî mi anu.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

1 Korente-na 2:7

Wani an nga ni tchi wal zla d’a ne d’a mudurid’a hAlona d’a mi ngeyet tei ir sumid’a, ni d’a Alona manat avok dei bei ad’u tinda hi duniyad’a yam subur meid’id’a.

Galat-na 3:10

Kayam suma a ge yazi kä ad’u gatina, Alona mi gazi vuna. Kayam mbaktumba hAlonid’a ti dala: Sama kid’ak á ngom ahlena pet suma gata dum kazi á led’ina, Alona mi gum vuna.

Galat-na 3:12

Kayam ndata, ge yamba kä ad’u gata nga ni yam he gagazi d’a mAlonid’a d’i, wani mbaktumba hAlonid’a ti dala: Sama nga mi tit teteu yam vun ma hed’a hi gata pepet na, mba mi kak karid’a ni kad’u.

Gat ta a hat á mbàd’id’a 20:17

Agi dabagi sum ndazina woi kakaf, nala, suma Het-na, suma Amor-râ, suma Kanan-na, suma Peris-sâ, suma Hef-fâ ki suma Jebus-sâ d’igi Ma didina Alo magina mi hagi vuna kazi na,

Hebre-na 11:31

Ni yam he gagazid’a ba, Rahap atcha d’a gaulangâ ti mit nga zlapa ki suma bei hum vun Alona d’i, kayam ti ve suma d’u yina atat ki djivid’a.

Hebre-na 6:10

Kayam Alona ni Ma d’ingêrâ, nga mi mar yam sun magid’a ki o magi d’a kam mba agi tagat tei yam simiyêm ata yima agi lagi sunda mi b’oziyogi suma hAlonina d’igi agi nga lagi gak ini na mi d’a d’i.

Jacques 2:25

Ni hina ba, Rahap atcha d’a gaulangâ, ti mbut d’ingêr avok Alona ni yam sun nda ti lat ata yima ti ve suma a sunuzina avo hatat ti tinizi kur lovot ta dingid’a mi d’uo zu?

Josue 2:1

Kid’a azi nga Sitim-mba, Josue Nun goroma mi sun suma d’u yina ngumun mbà, mi dazi ala: Agi i d’ugi ambasa kazì ma Jeriko-na. Azi iya, a mbaza, a kal avo hatcha d’a gaulangâ a yat ala Rahap, a bur kua.

Josue 2:22

Azi iya, a mbaza yam ahinad’a, a ngei tazi kua burâ hindi gak suma a digizina a halazi tatâ, a fazi nga d’i, a hulong avo.

Josue 7:1

Israel-lâ a le tchod’a ngola kahle suma a d’el kazi ala a yozi d’uo na. Sana tu ad’u andjafâ hi Juda-na a yum ala Akan mam mi Karmi ma Zapdi goromina goroma, abum ngolo ni Zera, mi yo ahle suma Ma didina mi d’el kazina. Ni kayam ndata ba, Ma didina hurum zal ngola yam Israel-lâ.

1 Samuel 15:3

Ki tchetchemba, ang i atazi durâ, ang b’lagazi woi kahle mazina pet bei we hohou sa ba; andjofâ karopma ki gugurei suma abo asuyozina, amuzleina ki tumiyôna, djambala ki korona, ang tchazi woi pepet.

1 Samuel 15:6

Bugola, mi de mi suma Ken-na ala: Agi kagagi aduk suma Amale’â d’i; agi walagi woi ki sed’eziya; an min tchagi zlapa ki azi d’i, kayam agi lagi djivid’a mi Israel-lâ kid’a azi buzugï woi Ezipte-d’a. Suma Ken-na a wal lei ki suma Amale’â.