Josue 4:24 - Bible azumeina

²⁴ Mi le na kayambala suma yam andagad’ina pet a wala Ma didina ni ma sib’ika, kayambala agi lagi mandara Ma didina Alo magina burâ ki burâ d’a.

Josue 4:24 Iomraidhean Croise

1 Amuleina 8:40

Hina wani, azi mba lang mandarang kur burâ pet ata yima lara ge ma azi nga kaka ki irazi yam ambas sa ang hat mabuyomi ngolod’ina.

1 Amuleina 8:60

Hina wani, suma yam andagad’ina pet a mba wala Ma didina tu nAlona; ma ding ma d’igi mam na na nga d’i.

2 Amuleina 19:19

Wani ki tchetchemba, ang Ma didina Alo mamina, ang sud’umi woi abo Sanakerip. Hina wani, Ma didina, suma yam andagad’ina pet a mba wala ang tu nAlona.

2 Amuleina 5:15

Ata yi máma mi hulongî avo hi Elise zlapa ki suma ki sed’ema pet, mi mba mi tchol avok ma djok vuna Elise, mi dum ala: Salana, ki tchetchemba, an we yam andagad’a pet alo ma ding ma d’igi Alona hi Israel-lîna na na nga d’i. Ang ve he d’a hawa d’a nde d’a an mbangzi wanda.

1 Sunda Hamuleinid’a 29:12

Ndjondjoîd’a ki subura a tcholï natangû. Angî ma te yam ahlena petna; ad’enga ki sib’ika azi ni mangâ. Ni ang ba, he ngola mi suma; ni ang ba, nga hazi ad’enga mi.

Wana ni mbaktumba hi Job-pa 40:9

Ata yi máma an mba ni hang ngola, kayam abong ma ndjufâ mi ndak á sud’ungû.

Sawal la giled’a 106:8

Wani mi sud’uzi woi yam simiyêm á tak ad’eng mamba woyo.

Sawal la giled’a 89:13

Abo ma norâ kabo ma sutna, ni ang ba, laziya. Ahina d’a Tabor-ra ki d’a Hermon-nda a nga gileng simiyêngû.

Sawal la giled’a 89:7

Ma didina, ma kur akulod’a ma mi nga tam ki sed’engâ nga d’i, alo ma hle tam d’igi ang na na nga d’uo mi.

Buzuk ka Abud’a 14:31

Israel-lâ a wad’enga hi Ma didina d’a mi dur ki Ezipte-na kazid’a, a ring mandara Ma didina, a he gagazid’a yam Ma didina kazong mama Moise mi.

Buzuk ka Abud’a 15:16

Vunadigazi mba d’i pat fek, mandarâ mba mi lazi ngola. Yam ad’eng mang nga ang tagat teid’a, azi mba ngel lei d’igi ahinad’a na gak sum mangâ a mba kal tua, gak suma ang prud’uzi woina a kal tua mi.

Buzuk ka Abud’a 20:20

Moise mi de mi Israel-lâ ala: Agi lagi mandar ri, kayam ni vama kuka kagi ala Alona mi mba ni kayambala agi lum mandaram tala agi lagi tchod’a d’uo d’a.

Buzuk ka Abud’a 9:16

Wani an arang nga kaka ini ni yambala ang wad’eng manda ar suma a yan simiyên ndei yam andagad’a ped’u d’a.

Isai 52:10

Ma didina mi tak abom ma bei tchod’ina woi ir andjaf suma pet. Suma avun dabid’a handagad’ina pet a mba we suta hAlo meinid’a.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

Gat ta a hat á mbàd’id’a 28:10

Suma pet a mba wala a yagi ni ki simina hAlonina, a mba lagi mandaragiya.

Gat ta a hat á mbàd’id’a 6:2

kayambala agi lagi mandara Ma didina Alo magina, agi ngomogi gat mamba kur kak magid’a yam andagad’a ped’u d’a, nala, agi ki grogina ki grogina grozina, agi ngomogi gata ki vun mam ma he ma an had’agizina tala agi tagi ngola yam andagad’a tatâ d’a.

1 Samuel 17:46

Ma didina nga mi hang ini abonu; an nga ni tchangû, an nga ni ngad’ang yang ngeyo, an nga ni he ini mad’a azigar suma Filistê-na maluweina kambureina. Ata yi máma suma pet a mba wala Israel-lâ a nga kAlona.