Josue 24:32 - Bible azumeina

³² Israel-lâ a tos aso’â hi Josef ma azi yomï Ezipte-na avo Sikem ata yima Jakob mi guzum ki bege d’a hapa kis abo suma hi Hamor ma Sikem abuma. Nandaga d’a a hat djona mi suma hi Josef-fîd’a.

Josue 24:32 Iomraidhean Croise

Ad’u Tinda 33:19

Mi gus asinena abo Hamor ma tin Sikem-ma grom ngolona ir gurzud’a kis, mi ve zlub’u mamba kua,

Ad’u Tinda 48:22

Josef, an hang Sikem ni b’rau d’a kala hi b’oziyongâ peta, ni d’a an hlat abo suma Amor-râ kad’enga hi mbigeu man nda fiyaka ki yeûd’a mi d’a.

Ad’u Tinda 50:24

Josef mi de mi b’oziyoma ala: An nga ni mit ni mid’a; wani gagazi, Alona mba mi mba á ndjunugiya, mba mi yogi woi ka hî á hulongôgi kur ambas sa mam hle vunam kat ki gun tad’a mi Abraham, mi Isak ki Jakob-pa.

Ad’u Tinda 50:25

Josef mi gun Israel groma ala: Gagazi, Alona mba mi mba á ndjunugiya; agi yon ndi asogon igi ki sed’em mbei dei ki yima ka hina.

Buzuk ka Abud’a 13:19

Moise mi yo asoga Josef abomu, kayam Josef mi gun b’oziyoma ala: Gagazi, Alona mba mi mba á d’ugiya. Agi mba yondi asogon ka hî, i ki sed’em mbei dei.

Jean 4:5

Kayam ndata, mi mba kur azì ma ngol ma Samari ma simiyêm ala Sikar ma go kasine ma Jakob mi hum mi goroma Josef-fâ.

Sunda hi suma a sunuzinid’a 7:15

Jakob mi i Ezipte, mi mit sä kua kabuyoi ngolo mi.

Sunda hi suma a sunuzinid’a 7:16

A yozi mad’azi a izi Sikem, a tozozi kur zul la Abraham mi guzut ki beged’a abo Hamor ma Sikem-ma gromid’a.

Hebre-na 11:22

Ni yam he gagazid’a ba, ata yima Josef ar go á matnina, mi de zla d’a yam buzuka hi Israel-lâ woi kur Ezipte-d’a, mi hazi vuna yam asogom mi.