Josue 23:8 - Bible azumeina

⁸ Wani agi reyêgi ki Ma didina Alo magina d’igi agi nga lagi gak ini na.

Josue 23:8 Iomraidhean Croise

2 Amuleina 18:6

Mi reî ki Ma didina fafat bei mi wal ki sed’em mbei ba, mi ge yam kä ad’u vun ma he ma Ma didina mi hum mi Moise-sâ memet mi.

Sunda hi suma a sunuzinid’a 11:23

Kid’a mi mbaza kua mi we ni nana ba, Alona mi b’e vunam kazi ge d’a, mi le furîd’a. Mi gigid’ezi ala a ka’î suma d’engzengâ ki hur ma tuna yam Salad’a.

Gat ta a hat á mbàd’id’a 10:20

Agi lagi mandara Ma didina Alo magina, agi lum sunda, agi reyêgi tagi ki sed’emu, agi gunugi tagi ni ki simiyêm mi.

Gat ta a hat á mbàd’id’a 11:22

Le agi nga ngomogi vun ma he ma pet ma an hagizi wana djiviya, le agi nga tid’igi kazi á le yam Ma didina Alo magina, á tid’igi kur lovot mamba, á reyêgi tagi ki sed’em mi ni,

Gat ta a hat á mbàd’id’a 13:4

Agi zlabagi darigïd’a ki Ma didina Alo magina, agi lum mandaramu, agi ngomogi vun ma he mama, agi gagi yagi kä ad’u zla mamba. Ni mam ba, agi kud’uromu, agi reyêgi tagi ki sed’em mi.

Gat ta a hat á mbàd’id’a 13:5

Ma djok vun máma d’oze ma vana nde tam mbei iram máma, agi tchum mbeyo, kayam mi de ni zla d’a kak djangûna ki Ma didina Alo magi ma buzugugï woi kur ambas sa Ezipte-d’a ma mi tchugugi akulo woi kur azì ma a lagi magomba kuana. Sa máma mi min d’ezegi ni woi kur lovot ta Ma didina Alo magina mi hagi vuna kat á tid’igi kuad’a. Hina wani, agi mba d’elegi tcho d’a led’a adigagiya.

Gat ta a hat á mbàd’id’a 4:4

Wani agi suma zlabagi ki Ma didina Alo maginina pet, agi nga ki iragi ini.

Gat ta a hat á mbàd’id’a 8:20

Gagazi, agi mba dabagi woi d’igi andjaf ma Ma didina mba mi dabam mbei avorogina na kayam agi humugi nga Ma didina Alo magina vunam mbi.

Josue 22:5

Wani agi tid’igi yam vun ma hed’a ki gat ta Moise mi hagizid’a djiviya, agi lagi yam Ma didina Alo magina, agi tid’igi kur lovot mamba, agi ngomogi vun ma he mama, agi reyêgi tagi ki sed’emu, agi lum sunda ki hur ma tuna ki tagi pet mi.

Josue 23:7

Ar agi zlabagi tagi kandjaf ma ar kaka ki sed’egi wana d’i. Ar agi yagi simiyê filei mazi ma tetengâ ki vunagi d’i, ar agi gunugi tagi ki sed’ezi d’i, ar agi lazi sunda d’i, ar agi grivigi kä avorozi á kud’urozi d’uo mi.

Josue 23:9

Ma didina mi dik andjaf ma nglo ma sib’ika woi avorogiya. Gak ini sa mi tchol nga avorogi d’uo tua.