Josue 23:10 - Bible azumeina

¹⁰ Sama tu ma adigagina nga mi dik suma dubuna, kayam ni Ma didina Alo magina ba, mi dur suma kagi d’igi mi hlagi vunam na.

Josue 23:10 Iomraidhean Croise

2 Samuel 23:8

Wana ni simiyê grang suma dur ayîna hi David-na: Isebäl ma Hakmon-na; ni ma a yum ala Adino ma Es-sâ na mi; ni ma yam grang suma hindina; ni ma yam tu mi i tchi suma kasap mamba kikisa klavandina.

1 Sunda Hamuleinid’a 5:20

A fe ndjunda á dur ki suma Hagar-râ ki suma zlapa ki sed’ezina pet, a kus kaziya, kayam kur ayî máma a tchen Alona. Mi humuziya, kayam azi deng tazi natamu.

1 Sunda Hamuleinid’a 5:22

A tchi suma kua ablaud’a heî, kayam ayî máma mi tcholï nata Alona. A vrak kaka blangâzi gak mba kur atchogoi d’a a yozi magombid’a.

Sawal la giled’a 35:1

Ni sawal la David mi hlata. Ma didina, ang nde man suma djangûna ayîna, ang dur ayîna ki suma a nga dur ayîna ki sed’ena.

Sawal la giled’a 46:7

Andjaf suma a nga siwela, leud’a nga d’i giget teteng mi. Ata yima Alona mi de zlad’ina, andagad’a ti lau woi d’igi mbina na.

Buzuk ka Abud’a 14:14

Ma didina mba mi dur ini kagiya, wani agi kagagi ni ki vunagi ma du’â.

Isai 30:17

Ata ngopa hi sama tunid’a, suma dubu a mba ringâ, ata ngopa hi suma vahlîd’a, agi mba ringîgi gak agi mba aragi ni d’igi agu ma fiyak ma ar tchola akulo yam ahinad’a vam tuna na, d’igi vama tak ma yam yima ndingîna na mi.

Sunda hi suma hi Levi-nid’a 26:7

Agi mba digigi magi suma djangûna; azi mba puk kä avorogi abo mbigeu magi d’a fiyaka.

Sunda hi suma hi Levi-nid’a 26:8

Suma vahl adigagina a mba dik suma kisâ, suma kis adigagina a mba dik suma 10.000; magi suma djangûna a mba puk kä avorogi abo mbigeu magi d’a fiyaka.

Zakari 12:8

Kur bur máma Ma didina mba mi ngom suma Jerusalem-ma. Ma amangeî ma adigazina mba mi mbut ni d’igi David na, ma ad’u andjafâ hi David-nina mba mi mbut ni d’igi Alona na, d’igi malaikana hi Ma didinina na avorozi mi.

Romê-na 8:31

Ei mba dei nana yam zla ndata ge? Le Alona mi nga ki sed’eya ni, sama ndak á kak djangûna ki sed’ei ni nge ge?

Gat ta a hat á mbàd’id’a 20:3

mi dazi ala: Agi Israel-lâ, agi humugiya, agi mbagiya wa go ini á dur magi suma djangûna. Ar hurugi ka mbina d’i, ar agi lagi mandar ri, ar vunadigagi pat fek ki, ar agi zlagagi avorozi d’uo mi.

Gat ta a hat á mbàd’id’a 20:4

Kayam Ma didina Alo magina nga mi tit ki sed’egi á dur magi suma djangûna kagi á sud’ugiya.

Gat ta a hat á mbàd’id’a 28:7

Fata magi suma djangûna a tchol dur ayîna ki sed’egid’a, Ma didina mba mi hagi ad’enga á kus kaziya. Azi a mba mba atagi á durâ ni kur lovot ta tud’a, wani azi mba ring avorogi ni ki lovota teteng kid’iziya.

Gat ta a hat á mbàd’id’a 3:22

Agi lazi mandarazi d’i, kayam ni Ma didina Alo magina ba, mba mi dur kagiya.

Gat ta a hat á mbàd’id’a 32:20

Mi dala: An mba ni ngei tan ndei avoroziya! An mba ni we vama mba mi mba kazina! Kayam azi ni suma tchona, ni gro suma ang tin hurung kazi d’i.

Gat ta a hat á mbàd’id’a 32:30

Ladjï an Ahina mazi d’a suta ni guzuzi woi abo mazi suma djangûna d’uo, an Ma didina ni hazi abo mazi suma djangûna d’uo ni, ni nana ba, sama tuna, mi dik suma dubuna ge, ni nana ba, suma mbàna, a dik suma dudubu dogona ge?

Josue 10:42

Josue mi hlambasa kamulei matna pet ni kur nde d’a mi ndeza durâ yam tu ndata, kayam Ma didina Alona hi Israel-lîna nga mi dur kaziya.

Josue 23:11

Agi gologi tagi djivi á lagi yam Ma didina Alo magina.

Josue 23:3

Agi tagi wagi ahlena pet suma Ma didina Alo magina mi lazi kandjaf suma wana kagina, kayam ni Ma didina Alo magina ba, mi dur kagiya.

Suma ka sariyad’a 15:15

Mi fe pepleng koro ma mit kä awilina, mi nik abom mi hlumu, mi tchi suma ki sed’em dubu.

Suma ka sariyad’a 3:31

Bugol Ehut, Samgar Anat goroma mi vraga. Mi tchi suma Filistê-na kikis karagaya ki leleu ma a hat kamuzleinina, mi sut Israel-lâ woi mi.

1 Samuel 14:6

Jonatan mi de mazong mama ala: Ang mbei i ata ades azigar suma bei ngat bayâd’ina. Dam Ma didina mba mi ndjuniya. Le ei ablaud’a d’oze akid’eid’a pî, vama d’el Ma didina á kus ayînina nga d’i.